உலகம் பலவிதம்

**பழ.முத்துராமலிங்கம்** · 27/09/2015

சீனாவின் மற்றொரு அற்புதம்

சீனாவின் அன்ஹூய் மாகாணம் வுஹு மலைப்பிரதேசத்தில் சுற்றுலா பயணிகளை கவரும் வகையில் இரு மலைகளுக்கு நடுவே கண்ணாடிப்பாலம் கட்டப்பட்டுள்ளது. 590 அடி உயரத்தில் 1,272 அடி நீள கண்ணாடி பாலத்தில் பல்வேறு புதிய தொழில்நுட்பங்கள் த்ரில்லான அனுபவத்தை தரக்கூடியது. கண்ணாடிகள் உடைவது போன்ற கிராபிக் காட்சிகள் கண்ணாடிகளில் வடிவமைக்கப்பட்டுள்ளன. 50 டன் எடையை தாங்கக் கூடிய இப்பாலம் தற்போது திறந்து வைக்கப்பட்டுள்ளது.

மணப்பெண் ஆடையில் கின்னஸ் சாதனை

உலகின் மிக நீளமான மணப்பெண் ஆடை தயாரித்து பிரான்சில் கின்னஸ் சாதனை படைக்கப்பட்டுள்ளது. கட்டுமான நிறுவனம் ஒன்று, 15 தன்னார்வலர்கள் உதவியுடன் 8,095 மீட்டர் நீள மணப்பெண் ஆடையை தயாரித்துள்ளது. இது சுமார் 2 மாதம் தைக்கப்பட்டுள்ளது. இந்த ஆடை ஏலத்தில் விற்கப்பட உள்ளது. இதில் கிடைக்கும் பணம் தொண்டு நிறுவனங்களுக்கு வழங்கப்பட உள்ளது.

வெறும் கையில் 122 தேங்காய் உடைத்து சாதனை

கேரள மாநிலம் கோட்டயத்தை சேர்ந்த அபீஷ் டொமினிக் என்பவர் கடந்த பிப்ரவரி மாதம் 1 நிமிடத்தில் 122 தேங்காயை வெறும் கையால் உடைத்து கின்னஸ் சாதனை படைத்தார். இதற்கான அதிகாரப்பூர்வ வீடியோ தற்போதுதான் யூ டியூப்பில் வெளியிடப்பட்டுள்ளது. அடுக்கி வைக்கப்பட்டிருந்த 140 தேங்காயை 1 நிமிடத்தில் அபீஷ் உடைக்கிறார். இதில், 122 தேங்காய் மட்டுமே சரியான முறையில் உடைந்ததாக கின்னஸ் சாதனையில் குறிப்பிடப்பட்டுள்ளது.

நன்றி
தினகரன்

**பழ.முத்துராமலிங்கம்** · 27/09/2015

விமானத்தை தயாரிக்கும் விவசாயி

சீனாவின் லியோனிங் மாகாணத்தை சேர்ந்த விவசாயி ஜூ யுயேக்கு சிறு வயதில் இருந்தே விமானத்தை வடிவமைக்க வேண்டுமென்பது லட்சியம். சிறுக சிறுக சேர்த்த பணத்தை கொண்டு தனது சிறு வயது கனவை நனவாக்கி வருகிறார். நண்பர்கள் 5 பேருடன் சேர்ந்து, கடந்த அக்டோபர் மாதம் பழைய இரும்பு பொருட்களை வாங்கி ஏர்பஸ் 320 விமானம் போன்ற மாதிரியை வடிவமைக்க தொடங்கியவர், பணியை மும்முரமாக செய்து வருகிறார். இதற்காக ரூ.67.5 லட்சம் செலவழித்துள்ளார். வரும் மே மாதத்தில் விமானம் தயாராகி விடும் என்கிறார். இதை அப்படியே ஓட்டலாக மாற்றி புதிய வியாபாரத்தை தொடங்கவும் ஜூ யோசித்திருக்கிறார்.

வழுக்கையில் முடியா? நம்ப முடிகிறதா இதை

தென் கிழக்கு சீனாவின் சென்ஜெனை சேர்ந்தவர் ஜியோ. இவர் தினமும் 4 மணி நேரம் தன் இரு காலில் தலா 165 பவுன்ட் (75 கிலோ) எடை கொண்ட இரும்பு ஷூ அணிந்து நடைபயிற்சி செய்கிறார். எதற்காக இப்படி செய்கிறீர்கள் என விசாரித்த போது, இந்த பயிற்சியினால் தனது வழுக்கையில் முடி வளர்வதாக கூறி ஆச்சர்யத்தை ஏற்படுத்தியிருக்கிறார். இது நம்பும் படியாக இல்லை என்றாலும், பலரும் ஜியோவின் வீடியோவை சமூக வலைதளத்தில் ஆர்வமாக பார்க்கின்றனர்.

உலகம் பலவிதம்

உலகம் பலவிதம்

Re: உலகம் பலவிதம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக