அசைவ ஓட்டல்களுக்கு விரைவில் ‘செக்’ சிக்கன், மட்டன் உணவுகளை வெளியில் காட்சிபடுத்துவதற்கு எஸ்டிஎம்சியில் தடை: எதிர்க்கட்சிகள் கடும் எதிர்ப்பு

**பழ.முத்துராமலிங்கம்** · 27/09/2015

புதுடெல்லி: சிக்கன் உள்ளிட்ட அசைவ உணவுகளை உணவகங்களுக்கு வெளியே பரப்பி வைத்து வாடிக்கையாளர்களை கவரும் நடவடிக்கைக்கு தடை விதிக்க தெற்கு மாநகராட்சி (எஸ்டிஎம்சி) ஆலோசித்து வருகிறது.தெற்கு டெல்லியின் பெரும்பாலான ஓட்டல்களில் சிக்கன் கபாப், டிக்கா, தந்தூரி என இறைச்சி உணவுகள் அலங்கரித்து வைக்கப்பட்டு வாடிக்கையாளர்கள் நாக்கில் எச்சில் ஊற வைக்கிறது. சில ஓட்டல்களில் அவை கண்ணாடி பெட்டியில் காட்சிப் பொருளாக வைத்திருந்தாலும், பெரும்பாலான ஓட்டல்கள் சுகாதாரம் பாதுகாப்பதில்லை என்பதுதான் உண்மை. அதோடு இறைச்சியை இப்படி பார்வைப் பொருள் ஆக்கியிருப்பது பலரது மனதை உணர்வு பூர்வமாக நொந்த வைக்கிறது. எனவே, இறைச்சி உணவுகளை வெளியில் பார்வைக்கு வைப்பதை தடை செய்ய எஸ்டிஎம்சி ஆலோசித்தது.
அதைத் தொடர்ந்து எஸ்டிஎம்சி தலைவர் ஷிகா ராய் தலைமையில் சமீபத்தில் நடைபெற்ற மாமன்ற கூட்டத்தில் இதற்கான ஒப்புதல் அளிக்கப்பட்டு உள்ளது.
இது தொடர்பாக சுகாதார கமிட்டி கூட்டத்தில், நஜாப்கர் பகுதியின் கக்ரோலா கிராம வார்டு உறுப்பினரால் தனி நபர் தீர்மானம் முன்மொழியப்பட்டு இருந்தது. அந்த தீர்மானத்தை எஸ்டிஎம்சி மாமன்றத்திற்கு சுகாதார கமிட்டி பரிந்துரை செய்திருந்தது. அதையடுத்து, மாமன்ற கூட்டத்தில் தீர்மானம் நிறைவேறியது என எஸ்டிஎம்சி செய்தித்தொடர்பாளர் கூறியுள்ளார். தீர்மானத்தில் இறைச்சிக் கூடங்களில் வெளியில் தொங்கவிடப்படும் இறைச்சி மற்றும் அசைவ உணவகங்களில் அசைவ உணவு ஐட்டங்களை காட்சிப்படுத்துதல் ஆகியவை தடை செய்யப்படுவதாக குறிப்பிடப்பட்டு உள்ளது.இந்த தீர்மானம் எஸ்டிஎம்சி கமிஷனருக்கு விரைவில் அனுப்பி வைக்கபட்டு அதன்பின், மாநகராட்சிகள் சட்டப்படி நடவடிக்கை தொடரும் என அவர் கூறினார்.
நன்றி
தினகரன்

**பழ.முத்துராமலிங்கம்** · 27/09/2015

பாஜவின் விளக்கம்
பாஜ செய்தித்தொடர்பாளர் பிரவீண் சங்கர் கபூர் கூறுகையில், ‘‘மக்களின் சுகாதாரத்துடன் விளையாடுகிறார்கள் எனும் கோணத்தில் இந்த தீர்மானம் நிறைவேறியது. மற்றபடி, அசைவ உணவுப் பொருள் விற்பனைக்கு பாஜ எதிர்ப்பு தெரிவிக்கவில்லை. மேலும், சைவப் பிரியர்கள், அசைவ உணவகங்களைக் கடந்து செல்லும் போதெல்லாம் முகம் சுளிக்கின்றனர்’’, என கருத்து தெரிவித்தார்.
ஓட்டல்களுக்கு பேர் போன எஸ்டிஎம்சி
உணவகங்களுக்குப் பேர் போன இடம் தெற்கு டெல்லியாகும். நட்சத்திர ஓட்டல்கள் தொடங்கி, உயர்தர, நடுத்தர மற்றும் சிறு ஓட்டல்கள் மட்டுமன்றி நூற்றுக்கணக்கில் இங்கு பிளாட்பாரம் மற்றும் தள்ளுவண்டி ஓட்டல்களும் பேமஸ்.
குறிப்பாக ஹாஸ்காஸ், நியூ ப்ரண்ட்ஸ் காலனி, சப்தர்ஜங் கிரீன் பார்க் பகுதியின் கமல் சினிமா, லஜ்பத் நகர் அமர் காலனி மார்க்கெட் பகுதிகளில் அனைத்து வகை வெளிநாட்டு உணவுகளும் மலிவு விலையில் பிளாட்பாரத்திலும் கிடைக்கும். அது மட்டுமன்றி பார், பீர் பப், டான்ஸ் என எஸ்டிஎம்சியில் உற்சாக நடவடிக்கைகளுக்கு குறைவில்லைதான்.
ஐஎம்ஏ சார்பிலும் எதிர்ப்பு
தடை விதிப்பு தீர்மானத்திற்கு இந்திய மருத்துவ சங்கம் எதிர்ப்பு (ஐஎம்ஏ) தெரிவித்து உள்ளது. எஸ்டிஎம்சியின் நடவடிக்கை பகுத்தறிவற்ற செயல் என கண்டிப்பு தெரிவித்துள்ள ஐஎம்ஏ தலைவர் அகர்வால், சுகாதாரம் பற்றி இவ்வளவு அக்கறை செலுத்தும் மாநகராட்சி, பஜ்ஜி, போண்டா என சைவ உணவகங்களிலும் உணவுப் பொருட்கள் வெளியே காட்சிபடுத்தி இருப்பதை ஏன் கண்டு கொள்ளவில்லை என கேள்வி எழுப்பி உள்ளார்.

**பழ.முத்துராமலிங்கம்** · 27/09/2015

உஷாராக பேசும் ஆம் ஆத்மி
விவகாரம் தொடர்பாக ஆம் ஆத்மி மிகுந்த உஷாராக கருத்து தெரிவித்து உள்ளது. கிரேட்டர் கைலாஷ் எம்எல்ஏவும், கட்சியின் செய்தித்தொடர்பாளருமான சவுரப் பரத்வாஜ் கூறுகையில், ‘‘ஆம் ஆத்மி கவுன்சிலர்களிடம் கருத்து தெரிவிக்கும்படி கேட்டுள்ளோம். அதன் பிறகு அடுத்த கட்ட நடவடிக்கையை அறிவிப்போம்’’, என தெரிவித்து உள்ளார்.
காங்கிரஸ் கடும் எதிர்ப்பு
எஸ்டிஎம்சியின் தடை தீர்மானத்திற்கு காங்கிரஸ் கடுமையான எதிர்ப்பு பதிவு செய்துள்ளது. எஸ்டிஎம்சி மாமன்றத்தின் காங்கிரஸ் கட்சித் தலைவரும், கவுன்சிலருமான அபிஷேக் தத் கூறுகையில், ‘‘சபையில் மெஜாரிட்டி உள்ளது என்பதற்காக, அதிகாரத்துவ போக்குடன் முடிவுகள் எடுப்பதை பாஜ தவிர்க்க வேண்டும்.
சுகாதார பாதிப்பு எனக் கருதினால் அபராத நோட்டீஸ் விடுப்பதை விட்டு, மக்ககளின் தனிப்பட்ட நலனில் தலையிடும் வகையில் கண்மூடித்தனமாக தடை விதிப்பது முறையானதல்ல. காங்கிரஸ் உறுப்பினர்கள் எதிர்த்தும் கேட்காமல் தீர்மானம் நிறைவேற்றப்பட்டு உள்ளது’’, எனக் கூறியுள்ளார்.

நன்றி
தினகரன்

Sponsored content · Sponsored content

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக