புதுச்சேரி அரசு சார்பில் வெளியிடப்படும் டைரிகள்

புதுச்சேரி அரசு சார்பில் வெளியிடப்படும் டைரிகளுக்கு,
பொதுமக்கள் மத்தியில் பெரும் வரவேற்பு கிடைத்துள்ளது.

அதுபோல, அரசின் காலண்டர்களுக்கும் மவுசு உள்ளது.
எழுதுபொருள் மற்றும் அச்சகத் துறை, அரசு டைரிகள் மற்றும்
காலண்டர்களை நேர்த்தியாக அச்சிட்டு, ஒவ்வொரு ஆங்கில
புத்தாண்டின் போதும் வெளியிட்டு வருகிறது.

இதுவரை, ரெக்சின் கவருடன் அரசு டைரி அச்சிடப்பட்டு
வந்தது. சுற்றுச்சூழல் பாதுகாப்பை கருத்தில் கொண்டு,
ரெக்சின் கவருக்கு பதிலாக, அட்டையை பயன்படுத்துமாறு,
அமைச்சர் நமச்சிவாயம் அறிவுறுத்தி உள்ளார்.
இதன்படி, தடிமான அட்டையுடன் டைரி தயாராகி வருகிறது.

எம்.எல்.ஏ.,க்களுக்குமுக்கியத்துவம்அரசு டைரியில் கவர்னர்,
முதல்வர், அமைச்சர்கள், எம்.பி.,க்கள், எம்.எல்.ஏ.,க்கள் மற்றும்
அரசு செயலர்கள், துறை தலைவர்களின் முகவரி, டெலிபோன்,
மொபைல் எண்கள் இடம் பெறுகிறது.

மேலும், அரசு விடுமுறை நாட்கள், வருடாந்திர திட்டமிடல்
போன்ற விபரங்களும் இடம் பெறுகின்றன.

கடந்தாண்டு அரசு டைரியில், ஒரு பக்கத்துக்கு
௮ எம்.எல்.ஏ.,க்களின் படங்கள், முகவரி மற்றும் போன்
எண்களுடன் இடம் பெற்றிருந்தன. தற்போது, அமைச்சர்
நமச்சிவாயம் கூறியபடி, பக்கத்துக்கு இரண்டு எம்.எல்.ஏ.,
படங்கள் வீதம் பெரிய சைசில் இடம் பெற்றுள்ளன.

அரிய வகை மூலிகை பூக்கள்அரசு காலண்டரை பொறுத்தவரை,
ஒவ்வொரு ஆண்டும், புதுச்சேரியின் சுற்றுலா தலங்கள்,
ஆன்மிக தலங்கள் என தலைப்பு தேர்வு செய்யப்பட்டு,
அது தொடர்பான படங்கள் இடம் பெறுவது வழக்கம்.

இந்தாண்டு, 'சுத்தம் மற்றும் பசுமையை நோக்கி புதுச்சேரி...' என்ற
வாசகத்துடன், புதுச்சேரியின் அரியவகை மூலிகை பூக்களின்
படங்கள் இடம் பெற்றுள்ளன.பக்கத்துக்கு நான்கு மூலிகை பூக்கள்
வீதம், ௪௮ மூலிகை பூக்களின் வண்ண மயமான படங்கள்
காலண்டரை அலங்கரிக்க உள்ளன. சம்பந்தப்பட்ட மூலிகை
பூக்களின் இலக்கிய பெயர், பேச்சு வழக்கில் உள்ள பெயர்,
ஆங்கில பெயர், தாவரவியல் பெயர் போன்ற விபரங்களும் இடம்
பெற்றுள்ளது.
-
------------------------
தினமலர்