சென்னை பல்கலைக்கழகத்தின் தரமணி வளாகத்தில் கஞ்சா விற்பனை: மாணவ மாணவியர் அவதி

சென்னை: சென்னை பல்கலைக்கழகத்தின் தரமணி வளாகத்தில் கஞ்சா விற்பனை உள்ளிட்ட சமூக விரோத செயல்கள் அதிகரித்து வருவதால், மாணவ மாணவியர் அவதிக்குள்ளாகின்றனர்.சென்னை பல்கலைக்கழகம் தென்னிந்தியாவின் முதல் பல்கலைக்கழகம். சேப்பாக்கம், மெரினா, கிண்டி, தரமணி, சேத்துப்பட்டு, மதுரவாயல் உள்ளிட்ட 6 இடங்களில் சென்னை பல்கலைக்கழகத்துக்கு வளாகங்கள் செயல்பட்டு வருகிறது. ஒவ்வொரு வளாகத்திலும் குறிப்பிட்ட எண்ணிக்கையில் துறைகள் செயல்பட்டு வருகின்றன. நிர்வாக வசதிக்காக ஒவ்வொரு வளாகத்துக்கும் தனித்தனி வளாக இயக்குனர் நியமிக்கப்பட்டுள்ளனர்.
இதில், சென்னை பல்கலைக்கழகத்தின் தரமணி வளாகத்தில் மட்டும் மருத்துவம் சார்ந்த ஆராய்ச்சி படிப்புகள், நுண்ணுயிர் ஆராய்ச்சி படிப்புகள் நடத்தப்பட்டு வருகின்றன. இதுதவிர 4 மாணவர்கள் விடுதிகளும் செயல்பட்டு வருகின்றன. இந்நிலையில் அந்த வளாகத்தில் கடந்த சில மாதங்களாக சமூக விரோத நடவடிக்கைகள் அதிகரித்து வருவதாக மாணவர்கள் குற்றம்சாட்டுகின்றனர்.இதுதொடர்பாக, மாணவர்கள் கூறியதாவது: சென்னை பல்கலைக்கழகத்தின் தரமணி வளாகத்திற்கு சுற்றுச்சுவர் இல்லாததால், சுற்றுவட்டார பகுதி பள்ளி, கல்லூரி மாணவர்கள் பல்கலைக்கழக வளாகத்தை விளையாட்டு மைதானமாக பயன்படுத்தி வருகின்றனர். இதனால் எந்த பிரச்னையும் எழவில்லை. ஆனால், பல்கலைக்கழக வளாகத்தின் ஊடே செல்லும் பறக்கும் ரயில் பாலத்தின் கீழ் பகுதி சமூக விரோத நடவடிக்கைகளுக்கு பயன்படுத்தப்பட்டு வருகிறது. ஒவ்வொரு நாளும் மாலை நேரத்தில் கூட்டம் கூட்டமாக அமர்ந்து பலர் மது அருந்துகின்றனர். அதுமட்டுமல்லாமல் சுற்றுவட்டார பகுதிகளுக்கு கஞ்சா விற்பனை செய்யும் இடமாகவும் பல்கலைக்கழக வளாகத்தை மாற்றி வைத்துள்ளனர்.

நன்றி
தினகரன்

சில நாட்களுக்கு முன், இரவு 8 மணியளவில் விடுதி வளாகத்தை விட்டு வெளியே வந்த மாணவி ஒருவரின் செல்போனை சமூகவிரோதிகள் பறித்து சென்றனர். இதனால் இரவு நேரத்தில் விடுதி வளாகத்திற்கு செல்லவும், விடுதியை விட்டு வெளியே வரவும் அஞ்சுகின்றனர். பல்கலைக்கழக மானிய குழு மற்றும் மத்திய அரசு சென்னை பல்கலைக்கழகத்துக்கு கோடிக்கணக்கில் நிதி ஒதுக்கீடு செய்கிறது. எனவே, பல்கலைக்கழக நிர்வாகம் மாணவர்கள் நலனில் அக்கறை கொண்டு, உடனடியாக பல்கலைக்கழக வளாகத்துக்கு சுற்றுச்சுவர் அமைக்க வேண்டும்.பல்கலைக்கழக வளாகத்துக்கு, ஒப்பந்த அடிப்படையில் முதியவர்களை காவலாளிகளாக நியமிக்க கூடாது. தரமணி வளாகத்தின் பாதுகாப்புக்கு தேவையான எண்ணிக்கையில் நிரந்தர பணியாளர்களாக காவலாளி நியமிக்க வேண்டும். இவ்வாறு மாணவர்கள் தெரிவித்தனர்.

நன்றி
தினகரன்

சென்னை பல்கலைக்கழகத்தின் தரமணி வளாகத்தில் கஞ்சா விற்பனை: மாணவ மாணவியர் அவதி

சென்னை பல்கலைக்கழகத்தின் தரமணி வளாகத்தில் கஞ்சா விற்பனை: மாணவ மாணவியர் அவதி

Re: சென்னை பல்கலைக்கழகத்தின் தரமணி வளாகத்தில் கஞ்சா விற்பனை: மாணவ மாணவியர் அவதி