சாயல்குடி பகுதியில் சீசன் துவங்கியதால் சூடு பிடிக்கும் பனை மரத்தொழில்

**பழ.முத்துராமலிங்கம்** · 27/09/2015

சாயல்குடி: சாயல்குடி பகுதியில் பனைமர மட்டை தொழில் சூடு பிடிப்பதால், தொழிலாளர்கள் மகிழ்ச்சி அடைந்துள்ளனர். சாயல்குடி அருகே கன்னிராஜபுரம், நரிப்பையூர், பொன்னகரம், உறைகிணறு, பனைமரத்துப்பட்டி, மூக்கையூர், பூப்பாண்டியபுரம், கன்னிகாபுரி உள்ளிட்ட 20க்கும் மேற்பட்ட கிராமங்களில் இரண்டு லட்சத்திற்கும் மேற்பட்ட பனைமரங்கள் உள்ளன. இதனை நம்பி 10 ஆயிரத்திற்கும் மேற்பட்ட தொழிலாளர் உள்ளன. கடந்த 5 வருடங்களுக்கு மேலாக போதிய மழையின்றி வறட்சி நிலவி வருவதால், பனை மரத்தொழில் நலிவடைந்தது.
இந்நிலையில் இந்தாண்டு காலம் கடந்து ஓரளவிற்கு மழை பெய்தது. இதனால் நுங்கு, பதனீர், கருப்பட்டி சீசன் வரும் பிப்ரவரி மாதம் துவங்க உள்ளது. இதற்காக தொழிலாளர்கள் பனை மரத்தை சீரமைக்கும் பணியில் ஈடுபட்டுள்ளனர். இதற்காக மரங்களில் உள்ள பனை மர மட்டையை வீட்டு கூரை வேய்தல், நார் பிரித்தெடுத்தல், மட்டை காம்பவுண்ட் தொழிலுக்காக தரம்பிரிக்கும் பணிவிறுவிறுப்பாக நடந்து வருகிறது.
மேலும் மட்டையை மூன்று பிரிவாக தரம் பிரிக்கப்படுகிறது. கூரை வீடுகள் வேய்வதற்கும், நார் பிரித்தெடுத்தல், காம்பவுண்ட் அமைப்பதற்கும் பயன்படுத்தப்படுகிறது. இயற்கை சூழலில் காம்பவுண்ட அமைவதால் தூத்துக்குடி பகுதி வியாபாரிகள், ஒரு மட்டை ரூ.1 முதல் ரூ.2 வரை கொடுத்து மொத்தமாக வாங்கி செல்கின்றனர். இதனால் பனைமட்டைக்கு நல்ல வரவேற்பு உள்ளது. மட்டை சீவி, சீரமைத்து கொடுத்தால், அதற்கு கூலியாக ரூ.300 முதல் 400 வரை கிடைக்கிறது.

நன்றி
தினகரன்

**பழ.முத்துராமலிங்கம்** · 27/09/2015

இதுபோல் பனை மட்டையிலிருந்து பிரித்தெடுக்கப்படும் தூரிகை ஒரு கட்டு தயார் செய்வதற்கு கூலியாக ரூ.40 வாங்கப்படுகிறது, நாள் ஒன்றுக்கு 10 கட்டுகள் தயார் செய்ய முடியும். தூரிகை மற்றும் நார்கள் கயிறு, மெத்தை, காலடிகள் மற்றும் வீடு, அலுவலக அழகு சாதன பொருட்கள், பயன்பாடு பொருட்கள் தயாரிக்க பயன்படுகிறது. இக்கட்டுகளை வியாபாரிகள் தூத்துக்குடி துறைமுகம் வழியாக வெளிநாட்டிற்கு ஏற்றுமதி செய்து வருகின்றனர். இதனால் அந்நிய செலவானி சந்தைக்கு பனை மரத்தொழில் உதவி புரிகிறது.
இதுகுறித்து பனைமர தொழிலாளர்கள் கூறுகையில், கடந்த காலங்களில் மழையில்லாமல் தொடர்ந்து வறட்சி ஏற்பட்டதால், பனை மரத்தொழில் நலிவடைந்தது. இதனால் தொழிலாளர்கள் குடும்பங்கள் வறுமையில் வாடி வருகிறது. ஆண்டு தோறும் பிப்ரவரி மாதம் துவங்கும் சீசன், துவங்க சில வாரங்களே உள்ள நிலையில், தற்போது பனையை சீரமைத்து வருகிறோம். இதற்காக தேவையற்ற மட்டைகளை நீக்கும் பணி நடந்து வருகிறது, இதற்காக ஒரு மரத்திற்கு கூலியாக ரூ.50 கிடைக்கிறது.
நாள் ஒன்றிற்கு 10 மரங்கள் வரை சீரமைப்பதால் கூலி ஓரளவிற்கு கிடைக்கிறது. இத்தொழில் டிசம்பர் கடைசி முதல் ஜூன் மாதம் வரை தடையின்றி நடைபெறும். தொழில் இல்லாத மற்ற காலங்களில் போதிய வருமானம் இன்றி குடும்பங்கள் வறுமையில் வாடுகிறது. இதனால் பனைமர தொழிலுக்கு தேவையான தளவாட சாமான்களை நவீன முறையில் தயார் செய்து, அரசு மானியத்தில் வழங்கவேண்டும். அரசு மாதாந்திர ஓய்வூதியம் வழங்கவேண்டும். தொழிலாளர் வைப்புநிதி முறையை அமல்படுத்தி, வைப்பு தொகையை அரசு செலுத்த வேண்டும். வருங்கால அவசர மருத்துவ உதவிகள், பெண்கள் திருமணத்திற்கு உதவியாக இருக்கும், மாணவர்களுக்கு உதவிதொகையை அதிகமாக வழங்கவேண்டும் என கோரிக்கை விடுத்தனர்.

நன்றி
தினகரன்

சாயல்குடி பகுதியில் சீசன் துவங்கியதால் சூடு பிடிக்கும் பனை மரத்தொழில்

சாயல்குடி பகுதியில் சீசன் துவங்கியதால் சூடு பிடிக்கும் பனை மரத்தொழில்

Re: சாயல்குடி பகுதியில் சீசன் துவங்கியதால் சூடு பிடிக்கும் பனை மரத்தொழில்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக