டெல்லி மெட்ரோ ரயில் தொடக்க விழா - டெல்லி மக்களை அவமானப்படுத்தும் செயல்

by SK Tue Dec 26, 2017 11:56 am

புதுடெல்லி,

டெல்லி மாநிலம் ஜானக்புரியில் இருந்து நொய்டா வரை 12.5 கி.மீ தூரம் வரை செல்லக்கூட மெஜந்தா பிரிவு மெட்ரோ ரயில் சேவையை பிரதமர் மோடி இன்று துவங்கி வைத்தார். இந்த ரயில் சேவையை கொடியசைத்து துவக்கி வைத்த பிரதமர் மோடி ரயிலில் பயணமும் மேற்கொண்டார். இந்த நிகழ்ச்சியில் உத்தர பிரதேச முதல் மந்திரி யோகி ஆதித்யநாத் கலந்து கொண்டார். அதேவேளையில் டெல்லி முதல் மந்திரி கெஜ்ரிவால் கலந்து கொள்ளவில்லை.

இந்நிலையில் இது குறித்து டெல்லி துணை முதல்-மந்திரி மணிஷ் சிசோடியா டுவிட்டரில் கூறியிருப்பதாவது:

டெல்லி மெட்ரோ ரயில் தொடக்க விழாவிற்கு முதல்-மந்திரி அரவிந்த் கெஜ்ரிவால் அழைப்பு விடுக்காதது டெல்லி மக்களை அவமானப்படுத்தும் செயல். இதற்கு ஒரே காரணம் தான் உள்ளது. இந்த விழாவிற்கு கெஜ்ரிவால் வந்தால் மெட்ரோ ரயில் டிக்கெட் விலையை குறைக்க வேண்டும் என்று பிரதமர் மோடியிடம் முறையிடுவார் என்ற பயத்தில் தான் அவருக்கு அழைப்பு விடுக்கப்படவில்லை. மெட்ரோ ரயில் கட்டணத்தை உயர்த்திய மத்திய அரசுக்கு ஆம் ஆத்மி தலைவரை சந்திக்க துணிவு இல்லை.

மணிஷ் சிசோடியா வெளியிட்ட டுவிட்டர் செய்தியை கெஜ்ரிவால் பகிர்ந்துள்ளார்.

டெல்லியில் கிறிஸ்துமஸ் விழாவில் கலந்துகொண்ட கெஜ்ரிவால் மணிஷ் சிசோடியா வெளியிட்ட கருத்து குறித்து பத்திரிக்கையாளர்கள் கேள்வி எழுப்பினர். அதற்கு பதில் அளித்த கெஜ்ரிவால் அதனை பற்றி பேசுவதற்கு இது சரியான தருணம் இல்லை என கூறிவிட்டார்.

by aeroboy2000 Tue Dec 26, 2017 4:25 pm

கெஜ்ரி ஜி சில பல விஷயங்களில் சிக்கிக் கொண்டு சாந்தமாகக் கிடக்கும் போது ...மோடி ஜி அவரை ஒரு பொருட்டாக மதிக்க மாட்டாரே

மகிழ்ச்சி

...

டெல்லி மெட்ரோ ரயில் தொடக்க விழா - டெல்லி மக்களை அவமானப்படுத்தும் செயல்

டெல்லி மெட்ரோ ரயில் தொடக்க விழா - டெல்லி மக்களை அவமானப்படுத்தும் செயல்

Re: டெல்லி மெட்ரோ ரயில் தொடக்க விழா - டெல்லி மக்களை அவமானப்படுத்தும் செயல்