ஈசி மட்டன் பிரியானி

by wannie Sat 23 Dec 2017 - 9:31

மட்டன் - 1/2 கிலோ
பாஸ்மதி அரிசி - 2 கப்
வெண்ணெய் - 2 தேக்கரண்டி
எண்ணெய் - 4 தேக்கரண்டி
பட்டை - 2
லவங்கம் - 4
ஏலக்காய் - 2
சோம்பு - 1/2 தேக்கரண்டி
பிரிஞ்சி இலை - 1
வெங்காயம் - 1/2 கப்
உப்பு - தேவைக்கேற்ப
மஞ்சள் தூள் - 1/2 தேக்கரண்டி
இஞ்சி, பூண்டு விழுது - 5 தேக்கரண்டி அல்லது தேவைக்கேற்ப
பச்சை மிளகாய் நீளமாக நறுக்கியது - 15
தக்காளி - 3
புதினா - ஒரு கைபிடி(பொடியாக நறுக்கியது)
கொத்தமல்லித்தழை - ஒரு கைப்பிடி(பொடியாக நறுக்கியது)
கறிவேப்பிலை - சிறிது

குக்கரில் 4 கப் தண்ணீர் விட்டு உப்பு, மஞ்சள் தூள், (இஞ்சி,பூண்டு விழுது), மட்டன் சேர்த்து 15 விசில் விட்டு எடுத்து வைத்து கொள்ளவும்.
குக்கரில் வெண்ணெய், எண்ணெய், பட்டை, லவங்கம், ஏலக்காய், சோம்பு, பிரிஞ்சி இலை, வெங்காயம், பாதி உப்பு, மஞ்சள் தூள் சேர்த்து நன்கு வதக்கவும்.
அதில் இஞ்சி,பூண்டு விழுது சேர்த்து நன்கு வதக்கவும்(எண்ணெய் மிதக்கும் வரை வதக்குவது மிகவும் முக்கியம்).
பச்சை மிளகாய், தக்காளி, புதினா, கொத்தமல்லித்தழை சேர்த்து நன்கு வதக்கியப் பிறகு வேக வைத்த மட்டன்(தண்ணீர் இல்லாமல்) சேர்த்து நன்கு எண்ணெய் மிதக்கும் வரை வதக்கவும்.
ஊற வைத்த அரிசியை தண்ணீர் இல்லாமல் சேர்த்து லேசாக வதக்கவும். பின் 4 கப் தண்ணீர் (மட்டன் வேக வைத்த தண்ணீரை பயன்படுத்தி கொள்ளலாம்) விட்டு உப்பு, காரம் பார்த்து குக்கரை மூடி ஒரு விசில் வந்ததும் அடுப்பை நிறுத்தி விடவும்.
15 நிமிடம் கழித்து குக்கரை திறந்து கறிவேப்பிலை சேர்த்து பரிமாறவும்.

எண்ணெய் மிதக்கும் வரை வதக்குவது மிக மிக முக்கியம்.

by SK Sat 23 Dec 2017 - 11:29

அப்படியே செய்து கொடுத்தால் சாப்பிட்டு பின்னூட்டம் கொடுக்க வசதியாக இருக்கும்

by wannie Sat 23 Dec 2017 - 13:02

கண்டிப்பாக மலேசியா வந்தால் சமைத்து கொடுக்கிறேன்.

wannie wrote:
அதில் இஞ்சி,பூண்டு விழுது சேர்த்து நன்கு வதக்கவும்(எண்ணெய் மிதக்கும் வரை வதக்குவது மிகவும் முக்கியம்).
பச்சை மிளகாய், தக்காளி, புதினா, கொத்தமல்லித்தழை சேர்த்து நன்கு வதக்கியப் பிறகு வேக வைத்த மட்டன்(தண்ணீர் இல்லாமல்) சேர்த்து நன்கு எண்ணெய் மிதக்கும் வரை வதக்கவும்.
ஊற வைத்த அரிசியை தண்ணீர் இல்லாமல் சேர்த்து லேசாக வதக்கவும். பின் 4 கப் தண்ணீர் (மட்டன் வேக வைத்த தண்ணீரை பயன்படுத்தி கொள்ளலாம்) விட்டு உப்பு, காரம் பார்த்து குக்கரை மூடி ஒரு விசில் வந்ததும் அடுப்பை நிறுத்தி விடவும்.
15 நிமிடம் கழித்து குக்கரை திறந்து கறிவேப்பிலை சேர்த்து பரிமாறவும்.
எண்ணெய் மிதக்கும் வரை வதக்குவது மிக மிக முக்கியம்.

மேற்கோள் செய்த பதிவு: 1254448
எண்ணெய் கக்க கக்க இது தான் பயமாக உள்ளது இந்த உடன் சாப்பிட தான்
ஆசை, ஆனால் வீட்டில் மட்டன் எண்ணெய் நோ!!!!!!