கணிப்புகளில் பலித்தது எது?

**ayyasamy ram** · **ayyasamy ram** Mon Dec 25, 2017 5:20 am

அ.தி.மு.க., வெற்றி பெறும் என, இரு தமிழ் 'டிவி' சேனல்கள்
கூறிய கணிப்பு பொய்த்தது;

தேர்தலுக்கு பின், ஆங்கில, 'டிவி' சேனல் மற்றும் லயோலா
கல்லுாரியின் முன்னாள் பேராசிரியர், ராஜநாயகம் குழு
எடுத்த கருத்து கணிப்புகள் பலித்துள்ளன.

சென்னை, ஆர்.கே.நகர் தொகுதி இடைத்தேர்தலில், 'அ.தி.மு.க., வேட்பாளர்,
மதுசூதனன், 34 சதவீதம் ஓட்டுகளும், தி.மு.க., 31 சதவீதம்; தினகரன் அணி
18 சதவீதம் ஓட்டுகளும் பெறும்' என, தமிழ் 'டிவி' சேனல் ஒன்று கருத்து
கணிப்பு வெளியிட்டது.

மற்றொரு 'டிவி' சேனல் கருத்துக் கணிப்பில், அ.தி.மு.க., 33 சதவீதம்,
தி.மு.க., 32 சதவீதம், தினகரனுக்கு, 18 சதவீதம் ஓட்டு கிடைக்கும் என
கூறப்பட்டது. இந்த இரு கருத்துக்களும் பொய்த்துள்ளன.

ஓட்டுப்பதிவு முடிந்த பின், ஆங்கில தொலைக்காட்சி நடத்திய கருத்துக்
கணிப்பில், தினகரன் வெற்றி பெறுவார் என கூறப்பட்டது; அது தான்
பலித்துள்ளது.ஆங்கில சேனல் கருத்துக் கணிப்பை நம்பி தான்,
பா.ஜ., மூத்த தலைவர், சுப்பிரமணியசாமி, 'டுவிட்டரில்', 'தினகரன்
வெற்றி பெறுவார்' என, பதிவு செய்தார்.

சென்னை லயோலா கல்லுாரியின் முன்னாள் பேராசிரியர்ராஜநாயகம்
குழுவினர் எடுத்த கருத்துக் கணிப்பில், 'தினகரன் முதலிடம் பெறுவார்'
என, கூறப்பட்டது. இறுதியில் அதுவே உண்மையாகி விட்டது.

- நமது நிருபர் -தினமலர்