முதல் முறையாக ராஜ்யசபையில் பேசிய சச்சின் தெண்டுல்கர் காங்கிரஸ் அமளியால் பேச முடியவில்லை

-
புதுடெல்லி

இந்தியாவின் மிகச்சிறந்த கிரிக்கெட் வீரர்களில் ஒருவரான பாரத ரத்னா சச்சின்தெண்டுல்கர் இன்று பாராளுமன்றத்தில் முதல் முறையாக பேசினார்.
ஆனால் சச்சின் உரையின் முதல் சில நிமிடங்கள் காங்கிரஸ் உறுப்பினர்கள் அமளியில் ஈடுபட்டனர். முன்னாள் பிரதமர் மன்மோகன் சிங் பற்றி பிரதமர் நரேந்திர மோடி கூறிய விவகாரம் தொடரபாக அவர்கள் அமளியில் ஈடுபட்டனர். இதனால் சச்சின் பேசாமல் காத்து கொண்டு இருந்தார். காங்கிரஸ் எம்பிக்கள் பிரதம மந்திரி ராஜ்ய சபாவிற்கு வரவேண்டும் என கோஷம் எழுப்பினர். சச்சின் பேச அவர்கள் அனுமதிக்கவில்லை. சச்சினின் பேச்சு இந்தியாவில் விளையாடுவதற்கான உரிமை மற்றும் விளையாட்டுகளின் எதிர்காலம் என்ற தலைப்பில் இருந்தது.

மேல்சபை தலைவர் வெங்கய்யா நாயுடு எதிர்க்கட்சி எம்.பி.க்களை அமைதிப்படுத்த பல முறை முயன்றார், அவர்களது ஆர்ப்பாட்டங்கள் பதிவு செய்யப்பட போவதில்லை என அவர் கூறினார். பாரத ரத்னா விருதுக்கு மரியாதை காட்டும்படி கேட்டுக் கொண்டார்.

இருந்தும் காங்கிரஸ் எம்பிக்கள் தொடர்ந்து அமளியில் ஈடுபட்டனர். இதனால் வெங்கய்யா நாயுடு நாள் முழுவதும் சபையை ஒத்திவைத்தார். இதனால் சச்சினின் முதல் உரையே தடைபட்டது.

சபை ஒத்திவைக்கபட்டதை தொடர்ந்து , முன்னாள் நடிகையும் ராஜ்ய சபை எம்பியுமான ஜெயாபாச்சன் சச்சின் பேச பாராளுமன்ற உறுப்பினர்கள் அனுமதிக்கவில்லை என்பது ஒரு அவமானகரமான விஷயம் என்று கூறினார்.

2012 ஆம் ஆண்டு சச்சின் ராஜ்யசபா உறுப்பினராக தேர்ந்து எடுக்கபட்டார். சச்சின், குறைவான வருகைக்காக அடிக்கடி விமர்சிக்கப்படுகிறார். ஆனால், அவர் விளையாட்டு உள்கட்டமைப்பு மற்றும் விளையாட்டு வீரர்களுக்கு வேலைவாய்ப்பு தொடர்பான கேள்விகளை கேட்டு உள்ளார். சமூக நலனுக்காக பாராளுமன்ற உறுப்பினராக அவருக்கு ஒதுக்கப்பட்ட நிதியில் 98 சதவீதம் பயன்படுத்தி உள்ளார்.
-
தினத்தந்தி

பேசி பிரோயோஜனம் இல்லை செயல் தானே முக்கியம்

sk wrote:சமூக நலனுக்காக பாராளுமன்ற உறுப்பினராக அவருக்கு ஒதுக்கப்பட்ட நிதியில் 98 சதவீதம் பயன்படுத்தி உள்ளார்.
-

இது போதுமே அவர் செயல்பாட்டை விளக்க