வங்கிகளுக்கு ஆதார் ஆணையம் புதிய உத்தரவு

**ayyasamy ram** · **ayyasamy ram** Wed Dec 20, 2017 8:25 am

ஆதார் எண் வழங்கும் ‘இந்திய தனித்துவ அடையாள அட்டை ஆணையம்’
நேற்று புதிய ஆணை ஒன்றை அரசிதழில் வெளியிட்டது.

அதில், வாடிக்கையாளர்கள் ஏற்கனவே மானியம் பெற்று வரும் வங்கிக்
கணக்கில் இருந்து வேறு வங்கிக்கணக்குக்கு மானிய வரவை மாற்றுவதாக
இருந்தால், வாடிக்கையாளர்களின் வெளிப்படையான ஒப்புதலை பெற்ற
பிறகே அப்படிச் செய்யவேண்டும் என்று அனைத்து வங்கிகளுக்கும்
உத்தரவிட்டுள்ளது.

வங்கிகள் இதுபோன்ற மாற்றத்தை செய்வதற்கு முன்பு, 24 மணி
நேரத்துக்குள், வாடிக்கையாளர்களுக்கு எஸ்.எம்.எஸ். அல்லது
இ–மெயில் அனுப்பி, அவர்களது ஒப்புதலை பெற வேண்டும்.

இந்த வசதி இல்லாத வாடிக்கையாளர்களிடம், ஒரு படிவத்தை நிரப்பச்
செய்து ஒப்புதல் பெற வேண்டும்.

தணிக்கையின்போது காண்பிப்பதற்காக, இந்த ஆவணங்களை
வங்கிகள் 7 ஆண்டுகளுக்கு தங்கள் கைவசம் பத்திரமாக பராமரித்து
வரவேண்டும். இந்த ஒப்புதல் இருந்தால்தான், தேசிய பணப்பட்டுவாடா
கழகம், வேறு வங்கிக்கணக்குக்கு மானியத்தை மாற்ற வேண்டும்.

மானியம் வரவு வைக்க வேண்டிய வங்கிக்கணக்கை வாடிக்கையாளர்களே
மாற்ற விரும்பினால், அதற்கும் வாய்ப்பு அளிக்க வேண்டும். இவ்வாறு
அதில் கூறப்பட்டுள்ளது.

‘‘‘வாடிக்கையாளர்களுக்கு தகவல் தெரிவிக்காமல், மானியம் வரவு
வைக்க வேண்டிய வங்கிக்கணக்கை மாற்றுவதற்கு முற்றுப்புள்ளி
வைப்பதற்காக இந்த பாதுகாப்பான நடைமுறை கொண்டுவரப்படுகிறது’’
என்று இந்திய தனித்துவ அடையாள அட்டை ஆணைய தலைமை செயல்
அதிகாரி அஜய் பூ‌ஷண் பாண்டே தெரிவித்தார்.
-
--------------------------------
தினத்தந்தி

SK · SK Wed Dec 20, 2017 10:16 am

வரவேற்கத்தக்க விஷயம் வங்கிகளுக்கு ஆதார் ஆணையம் புதிய உத்தரவு 3838410834

**krishnaamma** · **krishnaamma** Wed Dec 20, 2017 6:34 pm

நல்ல விஷயம் தான் !..... சூப்பருங்க

Sponsored content · Sponsored content

வங்கிகளுக்கு ஆதார் ஆணையம் புதிய உத்தரவு

வங்கிகளுக்கு ஆதார் ஆணையம் புதிய உத்தரவு

Re: வங்கிகளுக்கு ஆதார் ஆணையம் புதிய உத்தரவு

Re: வங்கிகளுக்கு ஆதார் ஆணையம் புதிய உத்தரவு

Re: வங்கிகளுக்கு ஆதார் ஆணையம் புதிய உத்தரவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக