கோபாஷ்டமிc!

    *கோவிந்தா கோவிந்தா !*    

    *கோபாஷ்டமி*    

ராதேக்ருஷ்ணா !      

இனிய ப்ரிய பக்தர்களுக்கு...

கண்ணன் தீபாவளிக்கு மறுநாள் கோவர்த்தன பூஜை செய்தான்.

அதனால் கோபம் கொண்ட இந்திரன் மழையைக் கொட்டி பிருந்தாவனத்தை அழிக்க நினைத்தான்.

ஆனால் கோபர்களும் கோபிகைகளும் கண்ணனைச் சரணடைந்தார்கள்.
ஆகவே 7வயது கண்ணன் தன் பிஞ்சுக்கையால் கோவர்த்தன மலையைத் தூக்கினான் !

குன்றம் ஏந்தி குளிர்மழையிலிருந்து வ்ரஜவாசிகளை 7 நாள் காத்தான். இந்திரனும் கர்வம் அழிந்து மழையை நிறுத்தினான்.

கண்ணனும் மழை நின்றதால் எல்லோரையும் வெளியேறச் சொல்லி, தன் கையிலிருந்த கோவர்த்தனத்தை கீழே வைத்தான்.

கண்ணன் இப்படிச் சொன்னபிறகே எல்லோருக்கும் 7நாட்களாக தாங்களும், கண்ணனும் ஒன்றும் சாப்பிடவில்லை என்ற உணர்வு வந்தது.

உடனேயே கோபிகைகள் எல்லோரும் தனித்தனியாய் 56 பதார்த்தங்கள் செய்து கண்ணனுக்கு சமர்பித்தனர்.

அது சரி ?!? அது ஏன் 56 ?!
அது என்ன கணக்கு...

கண்ணன் ஒரு நாளைக்கு 8 வேளை சாப்பிடுவானாம்... அதனால் 7 நாட்களுக்கும் சேர்த்து 56 விதமான நிவேதனம். இதற்கு "சப்பன் போக்" என்று பெயர் !

அதனால் தான் புரி ஜகந்நாதனுக்கு தினமும் 56 விதமான நிவேதங்கள்...

நாமும் தரலாமா நாளைக்கு !!!

*10வகை அன்னங்கள்..*
(நெய் சாதம், பருப்பு சாதம், புளியோதரை போன்றவை)

*10 வகை பழங்கள்...*
(வாழை, ஆரஞ்சு, ஆப்பிள் போன்றவை)

*10 வகை உலர்பழ வகைகள்...*
(முந்திரி, பாதாம், திராட்சை போன்றவை)

*10 வகை பாயசம்...*
(வெல்லப் பாயசம், பால் பாயசம், பாதாங்கீர் போன்றவை)

*10 வகை பக்ஷணங்கள்...*
(முறுக்கு, எள்ளுருண்டை, லட்டு போன்றவை)

*6வகை ஜீரணப் பொருட்கள்...*
வெற்றிலை,பாக்கு, ஏலக்காய், கிராம்பு, பெருஞ்சீரகம், கல்கண்டு...

மொத்தம் 56...

இது போலல்லாமல் வேறு விதமாகவும் செய்து நீங்கள் நிவேதனம் செய்யலாம்.

அதாவது

_பால், தயிர், மோர், வெண்ணை, நெய், லஸ்ஸி, நீர்மோர் - 7_,

_7வகை வாழைப்பழங்கள்_,

_பாதாம்பால், கல்கண்டு பால், பிஸ்தா பால், ஏலக்காய் பால், குங்குமப்பூபால், மஞ்சப்பொடி பால்,முந்திரிப்பால் - 7_

இப்படி ஒரு கணக்கு வைத்தும் 56 வரும்படி செய்யலாம்...

உங்களுக்கு என்ன முடியுமோ, எத்தனை முடியுமோ ஆசையாய் கண்ணனுக்குக் கொடுங்கள்...மனசு தான் முக்கியம்...

இந்திரன் கண்ணனுக்கு கோவிந்த பட்டாபிஷேகம் செய்ததும் கோபாஷ்டமி அன்றுதான் ! அதனால் நிறைய கோவிந்த நாமம் சொல்லிக்கொண்டு கண்ணனுக்குத் தா!!!

உன்னால் முடியும்...
உன் கண்ணன் ஆசையாய் பசியோடு
காத்திருக்கிறான்...
7 நாளாய் கண்ணன் ஒன்றுமே சாப்பிடவில்லை !

ராதேக்ருஷ்ணா !

குருஜீ கோபாலவல்லிதாசர்!

ராதேக்ருஷ்ணா !

*கோவிந்தா கோவிந்தா !*