ஆதிபுருஷ் - ராமாயணம் 2023 - விமர்சனம்

தயாரிப்பு - டி சீரிஸ், ரெட்ரோபைல்ஸ் இயக்கம் - ஓம் ராவத் பின்னணி இசை - சஞ்சித் பல்ஹாரா, அங்கித் பல்ஹாரா நடிப்பு - பிரபாஸ், கிரித்தி சனோன், சைப் அலிகான் வெளியான தேதி - 16 ஜுன் 2023 நேரம் - 2 மணி நேரம் 59 நிமிடம்

நம் நாட்டின் இரு பெரும் இதிகாசங்களான ராமாயணம், மகாபாரதம் ஆகிய இரண்டையும் தெருக்கூத்துக்களாக, நாடகங்களாக, திரைப்படங்களாக, டிவி தொடர்களாக, அனிமேஷன் தொடர்களாக எத்தனையோ வடிவில் பார்த்து ரசித்திருக்கிறோம். அந்த இரண்டு காவியங்களைப் பற்றிய கதாபாத்திரங்களும், அவர்களது உருவ அமைப்புகள் இப்படித்தான் இருக்கும் என்று நம் மனதளவில் ஒரு கற்பனை இருக்கும். அப்படி நம் கற்பனைக்கு ஏற்றபடி அமையும் திரைப்படங்கள்தான் நம்மை அதிகம் ஈர்த்து ரசிக்க வைக்கும். ஆனால், இந்த 'ஆதி புருஷ்' படத்தில் ஏதோ ஒரு தோற்றத்தை, களத்தை 'மோஷன் கேப்சரிங்' முறையில் படமாக்கி வேறு ஒரு பிம்பத்தைக் கொடுக்க முயற்சித்திருக்கிறார் இயக்குனர் ஓம் ராவத்.

ராமாயணக் கதாபாத்திரங்களின் பெயர்களாக ராமர், லட்சுமணர், சீதா, அனுமன், ராவணன் என்பதுதான் நாம் படித்து அறிந்த ஒன்று. ஆனால், இந்தப் படத்தில் ராமரை ராகவா எனவும், லட்சுமணரை சேஷு என்றும், சீதாவை ஜானகி என்றும், அனுமனை பஜ்ரங் என்று அழைப்பதும் நமக்கு அந்நியப்பட்டு தெரிகிறது. தமிழில் டப்பிங் செய்தவற்களாவது தமிழ் ரசிகர்களுக்கு அதிக பரிச்சயம் ஆன பெயர்களை வைத்து டப் செய்திருக்கலாம்.

ராமர், சீதா, லட்சுமணர் 14 வருடங்கள் வனவாசம் இருக்கும் போது கதை நடக்கிறது. தங்கை சூர்ப்பனை சொல்வதைக் கேட்டு சீதாவைக் கடத்திக் கொண்டு போகிறார் ராவணன். எந்த படை பலமும் இல்லாத ராமர் வானரப் படையின் தலைவன் சுக்ரீவன் மற்றும் அனுமன் ஆகியோருடனும் ஏராளமான வானரங்களுடன் இலங்கைக்குச் செல்லும் வழியில் ராமர் பாலத்தையும் கட்டி முடித்து, அதன் வழியே சென்று ராவணனை எதிர்த்துப் போரிட்டு, தனது மனைவி சீதாவை மீட்பதுதான் இப்படத்தின் கதை.

ராமாயணத்தின் நாயகனான ராமபிரான் சாந்தமே வடிவானவராக, அமைதியின் திருவுருவமாக ஈரேழு லோகத்திலும் உள்ளவர்களும் அவரது அழகைப் பார்த்து வியக்கும் ஒருவராகத்தான் பார்த்திருக்கிறோம். மீசையில்லாத அவரது தோற்றம்தான் நமது மனதில் ஆழப் பதிந்த ஒன்று. ஆனால், இந்தப் படத்தில் பிரபாஸை நடிக்க வைக்க வேண்டும் என்பதற்காக அவரை மீசையுடன் நடிக்க வைத்திருப்பது பொருத்தமற்றதாக உள்ளது. ராமபிரான் கதாபாத்திரத்தில் நடிக்க மீசையைக் கூடவா தியாகம் செய்ய மாட்டார் பிரபாஸ். 'பாகுபலி' பட ஆக்ஷன் நாயகனை ராமன் ஆக முழுமையாக ஏற்க முடியவில்லை. எந்த ஒரு எமோஷனலும் இல்லாமல் ஏதோ ஒரு கடமைக்கு நடித்தது போலவே படம் முழுவதும் நடித்திருக்கிறார் பிரபாஸ்.

சீதா கதாபாத்திரத்தில் ஹிந்தி நடிகையான கிரித்தி சனோன் பொருத்தமாக இருக்கிறார். ஆனாலும், அவருக்கான காட்சிகள் அதிகமில்லை. ராவணனை எதிர்த்துப் பேசும் ஒரே ஒரு காட்சியில் மட்டும் அவருக்கான வாய்ப்பைத் தந்திருக்கிறார் இயக்குனர்.

ராவணன் கதாபாத்திரத்தில் சைப் அலிகான். ஹாலிவுட் படங்களில் வரும் அனைத்து சக்திகளையும் பெற்ற மாயாஜால வில்லன் போல ராவணன் கதாபாத்திரத் தோற்றத்தை உருவாக்கி இருக்கிறார் இயக்குனர். அது மட்டுமல்ல ராவணன் அரண்மனை, வழிபடும் சிவன் கோவில், அவருடைய படை வீரர்கள் என அவர் சம்பந்தப்பட்ட காட்சிகள் அனைத்துமே ஏதோ ஹாலிவுட் ஏலியன் படத்தில் வருவது போலவே உருவாக்கப்பட்டுள்ளது. இலங்கை என்று சொல்லிவிட்டு ராவணன் இருக்கும் இடத்தை மட்டுமே காட்டுகிறார்கள். ராவணன் கதாபாத்திரத்தை ஒரு ரோபோ போலவே மாற்றிவிட்டார்கள். நடப்பதும், சண்டையிடுவதும் அப்படித்தான் இருக்கிறது.

லட்சுமணன் கதாபாத்திரத்தில் சன்னி சிங், அனுமன் கதாபாத்திரத்தில் தேவதத்த நாகே அவர்களுக்கான காட்சிகளில் படத்தின் மற்ற முக்கிய நடிகர்களைக் காட்டிலும் முத்திரை பதித்திருக்கிறார்கள். மற்ற கதாபாத்திரங்களான மண்டோதரி, இந்திரஜித், விபூஷணன், சூர்ப்பனகை கதாபாத்திரங்கள் சில காட்சிகளில் வந்து போகிறார்கள். இந்திரஜித் கதாபாத்திரத்திற்கு மட்டும் ஒரு மாயாஜால சண்டைக் காட்சியை அமைத்திருக்கிறார் இயக்குனர்.

பல்லாயிரம் வருடப் பாரம்பரியமான ராமாணயத்தை இப்படி மாற்றி கொடுக்கலாமா என ஒரு பக்கம் கேள்விகள் வரலாம். இந்தக் காலத்து குழந்தைகளும் ரசிக்கும் விதமாக அவர்களும் ராமாணயத்தைப் பற்றி தெரிந்து கொள்ளும் விதமாக காலத்திற்கேற்றபடி மாற்றி எடுப்பதில் தவறில்லை என்றும் சிலர் சொல்லலாம்.

மற்ற தொழில்நுட்ப கலைஞர்களை விட இசையமைப்பாளர்கள் சஞ்சித் பல்ஹாரா, அங்கித் பல்ஹாரா ஆகியோர் தங்களது முழு ஈடுபாட்டை கொடுத்திருக்கிறார்கள்.

ராமாயணம் என்றாலே ஒரு தெய்வீகம் தானாக வந்துவிடும். படத்தைப் பார்க்கும் போது அந்த 'டிவைன் வீலிங்', உணர்வு குறைவாகவே வருகிறது. அந்த தெய்வீகத்தை திரையிலும் உணர்த்தும் விதத்தில் சில பல காட்சிகளை இயக்குனர் அமைத்திருக்க வேண்டும். ஒரு திரைப்படத்திற்கான கதாபாத்திரங்கள், அதற்கான காட்சிகள் என்ற அளவில் மட்டுமே படத்தை உருவாக்கியிருக்கிறார். படம் முழுவதும் இருட்டிலேயே நடக்கிறது. போர்க்களக் காட்சிகளைக் கூட இருட்டில் நடப்பது போலவே காட்டுகிறார்கள். விஎப்எக்ஸ் காட்சிகளின் தரம் தெரிந்துவிடக் கூடாது என்பதும் காரணமாக இருக்கலாம். 3 டியில் படத்தைப் பார்க்கும் போது பல காட்சிகள் தெளிவாக இல்லை. அவுட் ஆப் போகஸ் போல் பல காட்சிகள் தெரிகிறது. சாதாரண அனிமேஷன் படங்களைக் கூட இதை விட சிறப்பாக உருவாக்கியிருக்கிறார்கள்.

சில பல ஹாலிவுட் படங்களின் கதாபாத்திரங்கள், 'கிங்காங், அவெஞ்சர்ஸ், பிளானட் ஆப் த ஏப்ஸ்' உள்ளிட்ட சில ஹாலிவுட் படங்கள் பல காட்சிகளை ஞாபகப்படுத்துகிறது. அனிமேஷன், கார்ட்டூன் படங்களைப் பார்த்து ரசிக்கும் குழந்தைகளுக்கு இந்தப் படம் பிடிக்க வாய்ப்பிருக்கிறது. டெக்னிக்கல் குறைபாடுகள், தரமான விஎக்ஸ் என இருந்திருந்தால் இந்தப் படம் பெரிய அளவில் கொண்டாடப்பட்டிருக்கும்.

பிரபாஸ் கீர்த்தி சனோன் சையப் அலிகான் ஆகியோர் நடிப்பில் வெளியான ஆதிபுருஷ் திரைப்படம் 2-வது நாளில் பெற்ற வசூல் நிலவரம் குறித்து வெளியான தகவல் இணையத்தில் வைரலாகி வருகிறது.

ராமாயணத்தை அடிப்படையாக வைத்து இந்தி மற்றும் தெலுங்கில் தயாரான படம் ஆதிபுருஷ். பிரபாஸ், கீர்த்தி சனோன், சையப் அலிகான் ஆனகியோர் முதன்மை கேரக்டரில் நடித்துள்ள இந்த படத்தை ஓம் ராவத் இயக்கியுள்ளார். தமிழ் தெலுங்கு கன்னடம், மலையாளம் இந்தி உள்ளிட்ட 5 மொழிகளில் வெளியாகியுள்ள ஆதிபுருஷ் படம் கலவையான விமர்சனங்களை பெற்றாலும், வசூலில் சாதனை படைத்து வருகிறது.

ஜூன் 16-ந் தேதி வெளியான ஆதிபுருஷ் திரைப்படம் முதல் நாளில் உலகம் முழுவதும் 140 கோடிக்கு மேல் வசூலித்துள்ளதாக தகவல் வெளியானது. இது குறித்து இண்டஸ்ட்ரி டிராக்கர் சாக்னில்க் வெளியிட்டுள்ள அறிவிப்பின்படி, இந்தியாவில் உள்ள அனைத்து மொழிகளிலும் வெளியான ஆதிபுருஷ் இரண்டாம் நாளில் ரூ.65 கோடி வசூலித்துள்ளதாக கூறப்படுகிறது.

#Adipurush: 2nd Day Gross in Telugu States is a Solid ₹26 Cr!! Very Few Hit Films manage this big a number on their 1st Saturday! Nizam is All Time 2nd Biggest other than #RRR on 2nd Day as well! https://t.co/wzFxqEdQs8 — AndhraBoxOffice.Com (@AndhraBoxOffice) June 18, 2023

இதில் இந்தி பாக்ஸ் ஆபிஸிலும் இரண்டு நாட்களில் ரூ 37 கோடி வசூல் செய்து ஆதிபுருஷ் சிறப்பாக வரவேற்பை பெற்று வருகிறது. அதேபோல் தெலுங்கு மாநிலங்களில் ஆதிபுருஷின் இரண்டாம் நாள் வசூல் ரூ.26 கோடியை கடந்துள்ளது. ஆதிபுருஷ் படம் வெளியான நாளில் இருந்து கலவையான விமர்சனங்களை பெற்று வருகிறது. இதில் குறிப்பாக படத்தின் விஷுவல் எஃபெக்ட்ஸ் மற்றும் டயலாக்குகளுக்காக நிறைய விமர்சனங்களையும் ட்ரோல்களையும் எதிர்கொண்டு வருகிறது.

இதன் காரணமாக சத்தீஸ்கரின் மானேந்திரகர்-சிர்மிரி-பாரத்பூர் மாவட்டத்தில் படத்தை திரையிடுவதற்கு தேசிய அளவில் தடை விதிக்கக் கோரி போராட்டம் நடைபெற்றது. படத்திற்கு கலவையான விமர்சனங்கள் இருந்தபோதிலும், படம் இன்னும் பாக்ஸ் ஆபிஸில் நல்ல வசூலை பெற்று வருவதாக கூறப்படுகிறது. இது குறித்து டி-சீரிஸ் அறிவிப்பின்படி, அதிபுருஷ் உலகளவில் மொத்தமாக இரண்டு நாளில் ரூ 100 கோடி வசூலித்துள்ளது.

Adipurush continues to mesmerise audiences worldwide, surpassing expectations with a bumper opening of ₹140 CR on Day 1, it adds ₹100 CR on Day 2, taking the total collection to a phenomenal ₹240 CR in just two days! Jai Shri Ram https://t.co/0gHImE23yj#Prabhas @omraut… pic.twitter.com/EOCb2GroSQ — T-Series (@TSeries) June 18, 2023

இதன் மூலம் இந்த படம் 2 நாட்களில் உலகளவில் ரூ 240 கோடி வசூலித்துள்ளது. பாலிவுட்டில் வெளியான ஷாருக்கானின் பதான் திரைப்படம் இரண்டு நாளில் ரூ.219 வசூலித்திருந்தது குறிப்பிடத்தக்கது.

இந்திய அளவல் வெளியான படங்களில் முதல் நாள் அதிக வசூல் செய்த படங்களின் பட்டியலில் ஆதிபுருஷ் உலகளாவிய மொத்த பாக்ஸ் ஆபிஸ் வசூல் அடிப்படையில் 4-வது இடத்தில் உள்ளது. இந்த பட்டியலில் ரூ.222 கோடியுடன் ஆர்ஆர்ஆர், ரூ.214 கோடியுடன் பாகுபலி 2: தி கன்க்ளூஷன், ரூ.164.5 கோடியுடன் கேஜிஎஃப்: அத்தியாயம் 2 ஆகியவை பட்டியலில் முதல் மூன்று படங்கள் உள்ளன.

’பதான்’ பட சாதனையை முறியடித்த ’ஆதிபுருஷ்’; வெளியான மூன்று நாட்களில் ரூ.340 கோடி வசூல்!

#ஆதிபுருஷ் திரைப்படம் வெளியான மூன்று நாட்களில் உலகம் முழுவதும் 340 கோடி ரூபாய் வசூல் செய்து சாதனை படைத்துள்ளது.

தெலுங்கு நடிகர் பிரபாஸின் ஆதிபுருஷ் திரைப்படம், இந்த ஆண்டின் மிகப்பெரிய பான்-இந்திய படங்களில் ஒன்றாகக் கூறப்படுகிறது. ஓம் ரவுத் இயக்கும் இப்படத்தில், பிரபாஸ் ராமராகவும், கிருத்தி சனோன் சீதையாகவும், சன்னி சிங் லட்சுமணனாகவும், சைஃப் அலிகான் ராவணனாகவும் நடித்துள்ளனர். ராமாயணத்தை மையமாக வைத்து இந்த படத்தை உருவாக்கியுள்ளனர். 500 கோடி ரூபாய் பட்ஜெட்டில் இப்படம் உருவாகியுள்ளது.

இந்திய ரசிகர்களால் மிகவும் எதிர்பார்க்கப்பட்ட இந்த படம் கடந்த வாரம் வெள்ளிக்கிழமை உலகம் முழுவதும் வெளியானது. இப்படம் வெளியான ஒரே நாளில் உலகம் முழுவதும் 140 கோடி ரூபாய் வசூல் செய்து சாதனை படைத்துள்ளதாக கூறப்பட்டது. இந்நிலையில் வெளியான முதல் மூன்று நாட்களில் ரூ.340 கோடி வசூலை பெற்றதாக தகவல் கிடைத்துள்ளது. இதன் மூலம் இந்த ஆண்டு வெளியான படங்களில் முதல் மூன்று நாட்களில் 300 கோடி ரூபாய் வசூலை தாண்டிய இரண்டாவது படம் என்ற பெருமையை ஆதிபுருஷ் பெற்றுள்ளது.

ஷாருக்கான், தீபிகா படுகோன், ஜான் ஆபிரஹாம் நடித்த ‘பதான்’ படம் முதல் வார இறுதியில் உலகம் முழுவதும் ரூ 313 கோடி வசூலித்தது குறிப்பிடத்தக்கது. ஆதிபுருஷ் திரைப்படம் நடிகர் பிரபாஸின் சினிமா பயணத்தில் புதிய மைல்கல்லாக இருக்கும் என எதிர்பார்க்கப்படுகிறது.