10 வயது மூத்த பெண்ணுடன் திருமணம்: 15 வயது சிறுவன் தற்கொலை!

by KavithaMohan Sat Dec 16, 2017 5:32 pm

10 வயது மூத்த பெண்ணுடன் திருமணம்: 15 வயது சிறுவன் தற்கொலை!

10 வயது மூத்த பெண்ணுடன் திருமணம் செய்து வைத்ததால்15 வயது சிறுவன் தற்கொலை செய்துள்ளதாக தகவல்கள் வெளியாகியுள்ளன. பீகார் மாநிலம் கயா மாவட்டத்தில் உள்ள வினோபா நகர் கிராமத்தைச் சேர்ந்த சந்த்ரேஷ்வர் தாஸ் என்பவரின் மூத்த மகன் கடந்த 2013ஆம் ஆண்டு மின்சாரம் தாக்கி உயிரிழந்துள்ளார்.

இதனையடுத்து,இரு குழந்தைகளுக்கு தாயாக இருக்கும் 25 வயது மருமகளை தனது இரண்டாவது மகன் மகாதேவ் தாசுக்கு திருமணம் செய்ய முடிவெடுத்து திருமணம் நடந்துள்ளது. ஆனால்,திருமணம் ஆகி சில மணி நேரத்தில் 15 வயதான மகாதேவ் தாஸ் தூக்கிட்டு தற்கொலை செய்துகொண்டுள்ளார் என கூறப்படுகிறது.

இந்நிலையில் இந்தியாவின் அனைத்து மாநிலங்களிலும் குழந்தை திருமணத்தை ஒடுக்க சிறப்பு சட்டங்கள் இருக்கும் போதிலும்,பழங்குடிகள் மற்றும் கிராமப்புறங்களில் வெகு சாதாரணமாக குழந்தை திருமணங்கள் நடந்து வருகின்றன.ராஜஸ்தான்,உத்தரப்பிரதேசம்,பீகார்,ஜார்கண்ட்,சத்தீஸ்கர் ஆகிய மாநிலங்களில் அதிகளவிலான திருமணங்கள் நடந்து வருகின்றதாக கூறப்படுகிறது.

இவ்வாறே தமிழகத்திலும் திருவண்ணாமலை உள்ளிட்ட சில பழங்குடி கிராமத்தில் இந்த திருமணங்கள் நடந்து வருகின்றன.இந்நிலையில்,திருமணம் தொடர்பாக வழக்குப்பதிவு செய்துள்ள பொலிஸார் விசாரணை நடத்தி வருகின்றனர் என்பது குறிப்பிடத்தக்கது.

நன்றி
IBC Tamil News