மூன்று மாதக் குழந்தையின் வயிற்றில் ஒட்டுண்ணி இரட்டைக் குழந்தை!

KavithaMohan · KavithaMohan Fri Dec 15, 2017 6:28 pm

மூன்று மாதக் குழந்தையின் வயிற்றில் ஒரு கிலோ நிறை கொண்ட, ஒட்டுண்ணி இரட்டைக் குழந்தை (parasitic twin) உள்ளதை கண்டுபிடித்த வைத்தியர்கள் அதிர்ச்சிக்குள்ளான சம்பவமானது,இந்தியாவின், பீகார் மாநிலத்தில் இடம்பெற்றுள்ளது.

இந்தியாவின், பீகார் மாநிலத்தைச் சேர்ந்த, ரஞ்சுபாலா மற்றும் சத்யேந்திர யாதவ் தம்பதிக்கு மூன்று மாதத்திற்கு முன்னர், பெண் குழந்தை ஒன்று பிறந்தது. நாளடைவில் குழந்தையின் வயிறு வீங்க தொடங்கியதில் அருகில் உள்ள மருத்துவரிடம் காட்டியதில், சிறுநீர் பிரச்னையால்தான், குழந்தையின் வயிறு வீங்குகிறது என்று தெரிவித்துள்ளார். ஆனால், நாளுக்கு நாள் வீக்கம் அதிகரித்ததால், உத்தரப் பிரதேசத்தில் உள்ள பனாரஸ் ஹிந்து மருத்துவ பல்கலைக்கழக மருத்துவமனைக்கு கொண்டு சென்றனர். குழந்தையை பரிசோதித்த மருத்துவர்கள், குழந்தையின் வயிற்றில் ஒரு கிலோ நிறை கொண்ட, ஒட்டுண்ணி இரட்டைக் குழந்தை உள்ளதை கண்டுபிடித்தனர்.

தாயின் கருவறையில் இரட்டைக் குழந்தைகள் உருவாகும் போது தனித்தனியாக இரு கருப்பைகள் இல்லாமல் இருந்தால், இதுபோல நடக்கும். ஒரே கருப்பையில் வளரும் போது ஒரு குழந்தை ஆதிக்கம் செலுத்தி வேகமாக வளரும். மற்றொரு குழந்தையானது, ஆதிக்கம் செலுத்தும் குழந்தையுடன் ஒட்டிக் கொண்டு, ஊட்டச்சத்துக்களை பெற்று வளரத் தொடங்கும்.

உலகில் இதுவரை 200 குழந்தைகளுக்கு மட்டுமே இவ்வாறு நிகழ்ந்துள்ளது. மருத்துவர்கள் அந்தக் குழந்தையின் வயிற்றில் இருந்த ஒட்டுண்ணி இரட்டைக் குழந்தையை வெற்றிகரமாக அறுவை சிகிச்சை மூலம் வெளியே எடுத்துள்ளமை குறிப்பிடத்தக்கது.

நன்றி
IBC Tamil News

SK · SK Sat Dec 16, 2017 3:11 pm

அந்த குழந்தை விரைவில் நலம்பெற வேண்டும்

மூன்று மாதக் குழந்தையின் வயிற்றில் ஒட்டுண்ணி இரட்டைக் குழந்தை!

மூன்று மாதக் குழந்தையின் வயிற்றில் ஒட்டுண்ணி இரட்டைக் குழந்தை!

Re: மூன்று மாதக் குழந்தையின் வயிற்றில் ஒட்டுண்ணி இரட்டைக் குழந்தை!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக