காதலித்ததால் 24 ஆண்டுகள் பெற்றோரால் சிறையில் அடைக்கப்பட்ட பெண்!

KavithaMohan · KavithaMohan Thu Dec 14, 2017 12:14 pm

மகளின் காதலை ஏற்றுக்கொள்ளாத பெற்றோர் காதலை மறந்துவிடுமாறு வலியுறித்தியுள்ளனர் ஆனால் மகளோ காதலில் உறுதியாக இருந்ததால் மகளை 24 ஆண்டுகள் வீட்டில் சிறை வைத்துள்ள சம்பவம் ஒன்று இடம்பெற்றுள்ளது. குறித்த சம்பவமானது பிரான்சின் பாரிசில் இடம்பெற்றுள்ளது.

காதலித்ததால் 24 ஆண்டுகள் பெற்றோரால் சிறையில் அடைக்கப்பட்ட பெண்! 5a31fd7190777-IBCTAMIL

பிரான்சின் பாரிஸ் நகரில் வசிக்கும் Blanche Monnier என்ற பெண் வழக்கறிஞர் ஒருவரை காதலித்துவந்துள்ளார். ஆனால் அவருடைய காதலை விரும்பாத பெற்றோர் காதலை மறக்குமாறு வலியுறுத்தியுள்ளனர். பெற்றோரின் வலியுறுத்தலிற்கு செவி சாய்க்காத Blanche தனது காதலில் உறுதியாக இருந்துள்ளார். அதனால் அவரை ஒரு அறையில் பூட்டி சிறைவாசம் வைத்துள்ளனர். சூரிய வெளிச்சமே படாத அந்த அறையிலேயே 24 வருடங்களாக முடங்கி கிடந்துள்ளார் Blanche. தன்னை வெளியில் விடுமாறு அவர் மன்றாடியும் தாய் வெளியில் விட அனுமதிக்கவில்லை. சுமார் 23 வருடங்கள் அதாவது அவருடைய 43 வயது வரைக்கும் வீட்டு சிறையில் இருந்துள்ளார்.

இந்நிலையில் ஒரு தடவை Blanche வீட்டில் சத்தம் போட்டுள்ளார். அச் சத்தத்தை கேட்ட அயல் வீட்டார் பொலிசாருக்கு தகவல் வழங்கியுள்ளனர். விரைந்து வந்த பொலிசார் சோதனை நடத்தியதன் மூலம் குறித்த பெண்ணை மீட்டுள்ளனர்.

மேலும் 24 வருடங்கள் தனி அறையிலேயே சிறை வைக்கப்பட்டிருந்த Blanche மனநலம் பாதிக்கப்பட்டிருந்ததால் மனநல மருத்துவமனையில் சேர்க்கப்பட்டிருந்தார். 12 வருடங்கள் மனநல மருத்துவமனையில் இருந்த Blanche அங்கேயே இறந்துள்ளார். இவ்வாறு வீட்டு சிறையும் மனநல மருத்துவமனையுமாகவே Blanche-யின் வாழ்க்கை முடிவடைந்துள்ளது.

குறித்த வழக்கு தொடர்பாக மேற்கொள்ளப்பட்ட விசாரணையில் Blanche-யின் தாயாருக்கு 15 மாதங்கள் சிறை தண்டனை விதிக்கப்பட்டுள்ளது.
நன்றி
IBC தமிழ்

SK · SK Thu Dec 14, 2017 1:24 pm

மகளை 24 வருடம் சிறை வைத்த தாய்க்கு 15 மாதம் தான் சிறை

அந்த நட்டு சட்டம் நன்றாக வளைந்து கொடுக்கும் போல

**ayyasamy ram** · **ayyasamy ram** Thu Dec 14, 2017 2:08 pm

காதலுக்கு மரியாதை தரும் நாட்டில் இப்படி ஒரு அவலம்.....
-
சோகம்

Sponsored content · Sponsored content

காதலித்ததால் 24 ஆண்டுகள் பெற்றோரால் சிறையில் அடைக்கப்பட்ட பெண்!

காதலித்ததால் 24 ஆண்டுகள் பெற்றோரால் சிறையில் அடைக்கப்பட்ட பெண்!

Re: காதலித்ததால் 24 ஆண்டுகள் பெற்றோரால் சிறையில் அடைக்கப்பட்ட பெண்!

Re: காதலித்ததால் 24 ஆண்டுகள் பெற்றோரால் சிறையில் அடைக்கப்பட்ட பெண்!

Re: காதலித்ததால் 24 ஆண்டுகள் பெற்றோரால் சிறையில் அடைக்கப்பட்ட பெண்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக