ஒரு ஓட்டுக்கு 1 சவரன், 25 ஆயிரம் ரொக்கம்… ஆர்.கே.நகரை மிஞ்சும் விநியோகஸ்தர்கள் சங்க தேர்தல்

தேர்தலில் மக்களுக்கு பணம் கொடுக்காமல் அவர்களின் வாக்குகளை வாங்க முடியாது என்பதை புரிந்து கொண்டு, ஆர்.கே.நகரில் பணத்தை வாரி இறைக்கின்றன அரசியல்கட்சிகள்.
ஆனாலும் ஒரு வாக்குக்கு அதிகபட்சம் 5000 கொடுத்தாலே அதிகம்.
டிசம்பர் 24 ஆம் தேதியன்று நடைபெறவிருக்கும் சென்னை -காஞ்சிபுரம் – திருவள்ளூர் மாவட்ட விநியோகஸ்தர் சங்கத் தேர்தலில் ஒரு ஓட்டுக்கு 1 சவரன், 25 ஆயிரம் ரொக்கம் கொடுக்கப்படவிருப்பதாக தகவல்கள் வருகின்றன.
பட அதிபரும் நடிகர் சூர்யாவின் உறவினருமான ‘ஸ்டுடியோ கிரீன்’ கே.ஈ.ஞானவேல்ராஜா விநியோகஸ்தர்கள் சங்கத்தின் தேர்தலில் தலைவர் பதவிக்கு போட்டியிடுகிறார்.
இதற்காகவே ஏற்கனவே அவர் வகித்து வந்த தமிழ்த்திரைப்படத் தயாரிப்பாளர்கள் சங்கத்தின் செயலாளர் பதவியை ராஜினாமா செய்தார்.
இருந்த பதவியையும் துறந்துவிட்டோம்… எனவே, எப்படியாவது விநியோகஸ்தர்கள் சங்கத்தின் தலைவர் பதவியில் அமர்ந்தே தீருவது என்பதில் தீவிரமாக களமிறங்கி இருக்கிறார் ஞானவேல்ராஜா.
விநியோகஸ்தர் சங்கத்தில் ஏற்கனவே பதவியில் இருப்பவர்களை வீழ்த்துவது அத்தனை எளிதல்ல என்பதை புரிந்து கொண்டு, ‘திருமங்கலம் ஃபார்முலா’வில் ஓட்டு வேட்டையைத் தொடங்கி இருக்கிறாராம்.
அதாவது, ஒரு ஓட்டுக்கு 1 சவரன் தங்க நாணயம், 25 ஆயிரம் ரொக்கம் கொடுத்து வாக்கு சேகரித்து வருவதாக தகவல் அடிபடுகிறது.
இதே ஃபார்முலாவில்தான் சில வருடங்களுக்கு முன் நடைபெற்ற தயாரிப்பாளர்கள் சங்கத் தேர்தலிலும் வெற்றிவாகை சூடினார் ஞானவேல்ராஜா.
பணவசதி படைத்த தயாரிப்பாளர்களே பணம் மற்றும் தங்கக்காசுகளை பெற்றுக் கொண்டு தனக்கு வாக்களித்தனர்.
எத்தனையோ விநியோகஸ்தர்கள் தற்போது, ஏழ்மைநிலையில் உள்ளனர்.
நாம் கொடுக்கும் பணத்துக்கும், தங்கக்காசுக்கும் விசுவாசமாக விநியோகஸ்தர்கள் வாக்களிக்க மாட்டார்களா என்ன? என்பது ஞானவேல்ராஜாவின் எண்ணம் போலிருக்கிறது.
வாழ்க ஜனநாயகம்…
Tamil Screen- நன்றி

heezulia wrote:13.12.2017

சினிமா பகுதியில் அரசியல் எதுக்கு?

Baby Heerajan

மேற்கோள் செய்த பதிவு: 1253181
வினியோகஸ்தர்கள் சங்கம் சினிமா சார்ந்தது தானே.

heezulia wrote:13 .12.2017

விநியோகஸ்தர்கள் சினிமா சம்பந்தப்பட்டவங்கதான். ஆனா அவங்க வாங்குற சினிமாவை பற்றி எழுதுங்க.  அவங்க நாற்காலிக்காக போடுற சண்டையை பற்றி நாம் ஏன் பேசணும்? அவங்க காசு கொடுத்து வாங்குற ஓட்டைப் பற்றி நமக்கென்ன கவல?  

சினிமாவை பற்றி பேச விஷயமா இல்ல? நூற்றுக்கணக்கான சினிமா விஷயங்களை ஜாலியா பேசுறத விட்டுட்டு .............................  

Baby Heerajan

மேற்கோள் செய்த பதிவு: 1253232
நன்றி அறிவுறுத்தலுக்கு