என்றும் உன் நினைவுகளுடன்...!

sandhiya m · sandhiya m Sat 9 Dec 2017 - 20:59

என்றும் உன் நினைவுகளுடன்..!

வாழ்க்கை என்பது கனவுகள்..
காணும் வரையில் இன்பங்கள்..
கண்ட பிறகோ பிரிவின் துன்பங்கள்..
நட்பு என்பது தொடர்கதை..
காதல் என்பது முடிவுரை..
தொடக்கம் எங்கோ இருக்கிறது..
முடிவு எங்கோ இருக்கிறது..
கண்களில் கனவுகள் மட்டுமே
கலையாமல் இருக்கிறது..
கண்களில் நினைவுகள் மட்டும்
அழியாத சித்திரமாக இருக்கிறது..
உந்தன் நினைவுகளுடன் என்றும் நான்..!
- சந்தியா மூ

**T.N.Balasubramanian** · **T.N.Balasubramanian** Sat 9 Dec 2017 - 21:33

வாழ்த்துகள் சந்தியா அவர்களே. அன்பு மலர்

தொடர்கதையும் முடிவுரையும் சரி , :நல்வரவு:

முகவுரை காணவில்லையே !

அறிமுகப்பகுதிக்கு சென்று உங்களை அறிமுகப்படுத்திக் கொள்ளவும் .

ரமணியன்

**ayyasamy ram** · **ayyasamy ram** Sun 10 Dec 2017 - 10:28

இந்த பதிவைத் துவங்கியவர் நன்றி கூறியுள்ளார் ayyasamy ram

sandhiya m · sandhiya m Sun 10 Dec 2017 - 11:33

அழகான நினைவுகளை சேமித்தேன்
என்னுடைய நினைவு பெட்டகத்தில்!
நினைவு பெட்டகத்தைத் திறந்தேன்
சில வருடங்கள் கடந்தபிறகு!
திறக்கும் வரையில் தெரியவில்லை
நினைவுகளில் நீ இருப்பாய் என்று!
திறந்தபிறகு தெரிந்தது என் இதயம்
முழுவதும் உன் நினைவுகளே என்று..!
-சந்தியா மூ

sandhiya m · sandhiya m Sun 10 Dec 2017 - 11:35

உன் நினைவுகளை சேமித்தேன்
என் நினைவு பெட்டகத்தில்!
இதயம் சேமித்த நினைவுகள்
என் காதலின் நினைவுச்சின்னம்
நீ என்னை மறந்து சென்றாலும் - என்
நினைவுகள் உன்னை மறப்பதில்லை!
-சந்தியா மூ

sandhiya m · sandhiya m Sun 10 Dec 2017 - 11:37

காதல் பேசும் கண்களோ
காதல் வலியை மறைத்தது!
காதல் சொன்ன உதடுகளோ
செயற்கை புன்னகை பூக்கிறது!
காதலால் வாழ்ந்த இதயமோ
வலியால் துடித்துக்கொண்டே இருக்கிறது!
காதல் கொண்ட மனம்
மௌனமாகிப் போனது - இன்று
தாமரை முகம் வாடிவிட்டது!
துயரை காட்ட விரும்பவில்லை!
உன் மௌனத்தை உடைக்க
வழிகள் தென்படவில்லை என்மனதில்!
வலியை மறைத்து பழக்கமில்லை!
வலியை மறைக்க பழகிவிட்டேன்!
உன் கண்களில் வலியைக்
காணக்கூடாது என்று!
-சந்தியா மூ

sandhiya m · sandhiya m Sun 10 Dec 2017 - 11:38

நினைவுகள் கண்ணீர் துளிகளாக
கரைகிறது உன்னாலே..
கரையாமல் தடுக்கிறேன் என்
இமைக்கதவுகளை மூடி..
-சந்தியா மூ

sandhiya m · sandhiya m Sun 10 Dec 2017 - 11:39

கனவுகளில் காதல் செய்கிறேன்..
கண்களில் கண்ணீர் ஏந்துகிறேன்..
நீ விரும்புவாய் என்ற எதிர்ப்பார்ப்புடன் அல்ல..
என்னை வெறுக்கிறாய் வலியுடன்..
-சந்தியா மூ

sandhiya m · sandhiya m Tue 12 Dec 2017 - 12:27

கண்களில் கனவுகளுடன்
நெஞ்சில் உனது நினைவுகளுடன்
மாங்கல்யம் கட்டினேன்!
கொலுசொலி சொல்ல கவிதை
நான் அணிவித்த மெட்டி சொல்லும்
உன்னில் இருப்பது நானென்று..!
என்னையே எடுத்துக் கொண்டு
மனதில் மட்டும் இடம் தர மறுக்கும்
உன்னிடம் எப்படி சொல்வேன் !
என் நெஞ்சத்தில் உள்ள நினைவுகள்
உனது நினைவுகளே என்று!
சந்தியா எம்

Sponsored content · Sponsored content

என்றும் உன் நினைவுகளுடன்...!

என்றும் உன் நினைவுகளுடன்...!

Re: என்றும் உன் நினைவுகளுடன்...!

Re: என்றும் உன் நினைவுகளுடன்...!

Re: என்றும் உன் நினைவுகளுடன்...!

Re: என்றும் உன் நினைவுகளுடன்...!

Re: என்றும் உன் நினைவுகளுடன்...!

Re: என்றும் உன் நினைவுகளுடன்...!

Re: என்றும் உன் நினைவுகளுடன்...!

Re: என்றும் உன் நினைவுகளுடன்...!

Re: என்றும் உன் நினைவுகளுடன்...!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக