தொங்க விடலாமா?

[size=37]பதிவு செய்த நேரம்:2017-12-06 00:51:01[/size]

[size=37]தமிழகத்தில், அரசு மற்றும் அரசு உதவிபெறும் பள்ளிகள் 37 ஆயிரம் உள்ளன. இவற்றில், 38 லட்சம் மாணவ-மாணவியர் படிக்கின்றனர். அரசு பள்ளிகளில் படிக்கும் மாணவ-மாணவிகளில் பெரும்பாலானவர்கள் தமிழக அரசின் இலவச பஸ் பாஸ் பெற்று, அரசு பேருந்துகளிலேயே பயணிக்கின்றனர். அன்றாடம் பள்ளிக்கு செல்லும் இவர்கள், பேருந்தில் படிக்கட்டில் தொங்கிக்கொண்டே  பயணிக்கின்றனர். இதைக்கண்டு, பெற்றோர் பீதி அடைந்துள்ளனர். மாணவர்களின் தொங்கல் பயணம் தொடர்பான செய்தி மற்றும் படம் தினகரன் நாளிதழில் சமீபத்தில் வெளிவந்தது.
இதை சென்னை உயர்நீதிமன்றம் தாமாக முன்வந்து வழக்காக எடுத்து விசாரித்தது. இந்த வழக்கில், தலைமை நீதிபதி இந்திரா பானர்ஜி மற்றும் நீதிபதி ஹேமலதா ஆகியோர் நேற்று முன்தினம் தீர்ப்பு கூறினர். அதில், நடுத்தர, ஏழை மாணவர்கள் பயன்பெறும் வகையில் பள்ளிகளை இணைத்து, சிறப்பு வழித்தடங்களை உருவாக்கி, அவற்றில் பிரத்யேகமாக அரசு பஸ்களை இயக்கவேண்டும் என உத்தரவிட்டனர். 

குழந்தைகளை பஸ்சில் தொங்கவிட்டு அவர்கள் வாழ்வில் விளையாட வேண்டாம், கூட்டம் அதிகமாக உள்ள பேருந்துகளில் மாணவர்கள் படியில் தொங்கிக்கொண்டு ஆபத்தான பயணம் மேற்கொள்வதை தடுக்கும் வகையில் தமிழக அரசு உரிய நடவடிக்கை எடுக்க வேண்டும். பள்ளி நேரத்தில் கூடுதலாக தனி பேருந்துகளை இயக்க வேண்டும் எனவும் தங்களது தீர்ப்பில் கூறியுள்ளனர். தமிழ்நாடு அரசு போக்குவரத்து கழகத்திற்கு சொந்தமாக 21,207 பேருந்துகள் உள்ளன. சென்னை மாநகர போக்குவரத்து கழகம், அரசு விரைவு போக்குவரத்து கழகம், விழுப்புரம், கும்பகோணம், சேலம், கோவை, மதுரை ஆகிய 7 பிரிவாக பிரிக்கப்பட்டு, அரசு போக்குவரத்து கழகங்கள் செயல்படுகின்றன. இதில், சென்னை மாநகர போக்குவரத்து கழகம் மட்டும் 3,500 பேருந்துகளை இயக்குகிறது. [/size]