புயல் எனும் எமன்

**பழ.முத்துராமலிங்கம்** · 27/09/2015

நெய்தல் நில வாழ்க்கை என்பது முள்மேல் சேலை போன்று எப்போதும் கடலாடிகளுக்கு காயம் ஏற்படுத்தக் கூடியது. சுனாமியின் சுவடுகள் இன்னும் காயாத சூழலில் ஓகி புயல் எமனின் இன்னொரு உருவமாக சமீபத்தில் வெளிப்பட்டிருக்கிறது. ஓகி புயல் தற்போது குமரி மற்றும் கேரள கடலோரங்களை கலங்கடித்துவிட்டு சென்றிருக்கிறது. விளைநிலங்கள், மரங்கள் சேதம் ஒருபுறம் இருக்கட்டும். கடலுக்குள் சென்ற ஆயிரக்கணக்கான மீனவர்கள் கதி என்னவாயிற்று என்பதற்கான பதில் இதுவரை தெளிவாக இல்லை. ஆழ்கடலுக்குள் மீன்பிடிக்கச் சென்ற ஆயிரக்கணக்கான மீனவர்களில் 2 ஆயிரத்து 124 மீனவர்கள் மீட்கப்பட்டு குஜராத், கோவா, மகாராஷ்டிரா உள்ளிட்ட கடற்கரைகளில் பாதுகாப்பாக தங்க வைக்கப்பட்டு உள்ளதாக மீன்வளத்துறை அமைச்சர் தெரிவித்துள்ளார்.

இயற்கை பேரிடர் ெதாடர்பான ஒத்திகைகளை மட்டுமே கவனமாக கையாளும் தமிழக அரசு, உண்மையில் அத்தகைய கோரம் நிகழ்ந்தால் எப்படி செயல்படும் என்பதற்கு ஓகி புயலும் ஒரு எடுத்துக்காட்டு. கடந்த காலங்களில் சுனாமிக்கும், சென்னை வெள்ளப் பேரழிவுக்கும் உரிய எச்சரிக்கையை அரசு அளிக்கவில்லை. அதுபோலவே இப்போதைய ஓகி புயலுக்கும் பெயரளவுக்கே ஒரு அபாய மணி அடிக்கப்பட்டது. ஏதோ தென்மாவட்டங்களில் கனமழை பொழியும் என்கிற ரீதியிலான ஒரு எச்சரிக்கை, வானிலை மையத்தின் வழக்கமான வாசகமாகவே தென்பட்டது.
நன்றி
தினகரன்

**பழ.முத்துராமலிங்கம்** · 27/09/2015

குமரிக்கு அருகே ஓகி புயல் அசுர வேகத்தோடு கடந்தபோது ஆழ்கடல் மீனவர்கள் ஆடிப் போயினர். ஆயிரக்கணக்கான மீனவர்கள் கடலில் மூழ்கி கரை சேர முடியாமல் தத்தளித்தனர். கரை ஒதுங்கிய உடல்களை மட்டுமே அரசு இறப்பு என கணக்கெடுத்திருக்கிறது. மீதமுள்ள மீனவர்கள் என்ன ஆனார்கள் என்றே தெரியவில்லை. இதை இயற்கை பேரிடர் என அறிவிக்க முடியாது என மத்திய அமைச்சர் நிர்மலா சீதாராமன் தெரிவித்து விட்டார். மாயமான மீனவர்களை தேடிக் கண்டுபிடிக்கும் முயற்சியிலாவது தீவிரம் காட்டப்படுமா என்றால் அதிலும் மந்த நிலையே தென்படுகிறது.

ஓகி புயல் பாதிப்புகளால் குமரி மாவட்ட கடலோரங்கள் சின்னாபின்னமாக காட்சியளிக்கின்றன. நிவாரண முகாம்களில் தங்க வைக்கப்பட்டுள்ள ஆயிரக்கணக்கான மீனவ குடும்பங்கள் தங்கள் உறவுகள் மற்றும் குடியிருப்புகளை இழந்து மீட்டுருவாக்கத்திற்கு காத்திருக்கின்றன. பேரிடர் என அறிவிக்க மறுக்கும் அரசுகள் அவர்கள் தொழில் நடத்த இழப்பீடுகளையாவது முறையாக அளிக்குமா என்பதும் கேள்விக்குறியே. மின் கம்பிகளை முழுமையாக சீரமைத்து, குடியிருப்புகளை இழந்து நிற்போருக்கு அடிப்படை வசதிகளை செய்து கொடுப்பதே அரசின் முதற்கடமையாகும்.

புயல் எனும் எமன்

புயல் எனும் எமன்

Re: புயல் எனும் எமன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக