துப்புரவாளர்கள் நியமிப்பதில் அலட்சியம் : சுங்கசாவடி புது கழிப்பறைகளுக்கு பூட்டு

**ayyasamy ram** · **ayyasamy ram** Mon Dec 04, 2017 6:35 am

துப்புரவாளர்களை நியமனம் செய்வது தாமதமாகி உள்ளதால், சுங்கச்சாவடியில் புதிதாக கட்டப்பட்ட கழிப்பறைகள், பூட்டி வைக்கப்பட்டுள்ளன. 'தேசிய நெடுஞ்சாலைகளில் பயணிக்கும் வாகன ஓட்டிகளுக்கு, ஓய்வறை, அவசர தொலைபேசி, கழிப்பறை உள்ளிட்ட வசதிகளை ஏற்படுத்தி தர வேண்டும்' என, உயர் நீதிமன்றம் உத்தரவு பிறப்பித்துள்ளது.

இதையடுத்து, நாடு முழுவதும் உள்ள சுங்கச்சாவடிகளில், கழிப்பறைகள் அமைப்பதற்காக, தேசிய நெடுஞ்சாலை ஆணையம் நிதி ஒதுக்கி உள்ளது.

அதன்படி, தமிழகத்தில், 46 இடங்களில் உள்ள சுங்கச்சாவடிகளில், கழிப் பறைகள் கட்ட முடிவு செய்யப்பட்டு உள்ளது.

இதன் ஒருபகுதியாக, பெருங்களத்துார் - புழல் இடையே, சென்னை, 'பை-பாஸ்' சாலையில், சூரப்பட்டு சுங்கச்சாவடியில், தலா, 25 லட்சம் ரூபாய் செலவில், இரண்டு நவீன கழிப்பறைகள்
கட்டப்பட்டு உள்ளன. இந்த கழிப்பறைகளை, மாற்று திறனாளிகள் பயன்படுத்தும் வகையிலும், வசதிகள் செய்யப்பட்டு உள்ளன.

இவை, கட்டி முடிக்கப்பட்டு இரண்டு மாதங்கள் ஆகியும், திறக்கப்படாமல் பூட்டி வைக்கப்பட்டு உள்ளது. சுங்கச்சாவடி நிர்வாகம், துப்புரவு பணியாளர்களை நியமிக்காததே, இதற்கு காரணம் என தெரிய வந்துள்ளது.

இதுகுறித்து தேசிய நெடுஞ்சாலை ஆணைய அதிகாரி ஒருவர் கூறியதாவது:ஏற்கனவே, இருந்த சுங்க வசூலிப்பு நிறுவனம், சமீபத்தில் மாற்றப்பட்டது. இதில் ஏற்பட்ட தாமதத்தால், துப்புரவு பணியாளர்கள் நியமிக்கப்படவில்லை.

இதுகுறித்து சம்பந்தப்பட்ட நிறுவனத்திற்கு அறிவுறுத்தப்பட்டு உள்ளது. விரைவில், இரண்டு கழிப்பறைகளும், வாகன ஓட்டிகள், பயணியர் பயன்பாட்டிற்கு திறந்து விடப்படும்.இவ்வாறு அவர் கூறினார்.

- நமது நிருபர் -

துப்புரவாளர்கள் நியமிப்பதில் அலட்சியம் : சுங்கசாவடி புது கழிப்பறைகளுக்கு பூட்டு

துப்புரவாளர்கள் நியமிப்பதில் அலட்சியம் : சுங்கசாவடி புது கழிப்பறைகளுக்கு பூட்டு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக