Latest topics

அதிகரிக்கும் அந்நிய படையெடுப்பு- இந்தியா வரும் வெளிநாட்டு சுற்றுலா பயணிகள் எண்ணிக்கை உயர்வு

ஈகரை தமிழ் களஞ்சியம் :: மக்கள் அரங்கம் :: திண்ணைப் பேச்சு

Page 1 of 1

அதிகரிக்கும் அந்நிய படையெடுப்பு- இந்தியா வரும் வெளிநாட்டு சுற்றுலா பயணிகள் எண்ணிக்கை உயர்வு

Post by பழ.முத்துராமலிங்கம் Sun Dec 03, 2017 5:30 pm

இந்தியாவுக்கு வரும் வெளிநாட்டு சுற்றுலா பயணிகளின் எண்ணிக்கை கடந்தாண்டை காட்டிலும் கணிசமான அளவு அதிகரித்துள்ளது.
பாரம்பரியம் மற்றும் கலாசார பெருமை வாய்ந்த இந்தியாவில் சுற்றுப்பயணம் மேற்கொள்ள வெளிநாட்டினர் பெரிதும் விரும்புகின்றனர். இங்குள்ள பழமைவாய்ந்த கோயில்கள், புராதான சின்னங்களை காண்பதில் ஆர்வம் காட்டுகின்றனர். இதனால், இந்தியாவுக்கு வரும் சுற்றுலா பயணிகளி எண்ணிக்கை நாளுக்குநாள் அதிகரித்து வருகிறது.
இந்தாண்டு அக்டோபரில் மட்டும் 8.76 லட்சம் பேர் இந்தியா வந்துள்ளனர். கடந்தாண்டு இதே காலகட்டத்தில் வந்த சுற்றுலா பயணிகளின் எண்ணிக்கை 7.42 லட்சம் ஆகும்.
இந்தாண்டு தொடக்கத்தில் இருந்து அக்டோபர் வரை வருகை தந்த வெளிநாட்டு சுற்றுலா பயணிகளின் எண்ணிக்கை, கடந்தாண்டை கட்டிலும் 15.8 சதவீதம் அதிகம். வங்கதேசத்தை சேர்ந்த சுற்றுலா பயணிகள் அதிகளவில் இந்தியாவுக்கு வந்துள்ளனர். அமெரிக்கா, இங்கிலாந்து, இலங்கை, கனடா, ஜெர்மனி ஆகிய நாடுகள் அடுத்தடுத்த இடங்களை பிடித்துள்ளன.
வெளிநாடு சுற்றுலா பயணிகளை கவரும் வகையில் மத்திய, மாநில அரசுகள் எடுத்த நடவடிக்கைகள், எளிதாக விசா வழங்குவது உள்ளிட்ட காரணங்களால் சுற்றுலா பயணிகளின் எண்ணிக்கை அதிகரித்துள்ளது. கடந்த மாதத்தில் மட்டும் வெளிநாடுகளைச் சேர்ந்த 1.76 லட்சம் பேருக்கு மின்னணு சுற்றுலா விசா வழங்கப்பட்டுள்ளது குறிப்பிடத்தக்கது.
நன்றி
புன்னகை

பழ.முத்துராமலிங்கம்: சிறப்புப் பதிவாளர்; பதிவுகள் : 15343
இணைந்தது : 27/09/2015