கேளாய் பெண்ணே: மழைக்காலத்தில் ஏன் உடல் வலிக்கிறது?

மழைக்காலம் தொடங்கியவுடன் எனக்குக் கை, கால் மூட்டுகள் அதிகமாக வலிக்கின்றன. ஏன் இப்படி வலிக்கிறது? இது குணமாக என்ன செய்ய வேண்டும்?

- மல்லிகா, சென்னை.
கே.கலைவாணன், எலும்பு சிகிச்சை மருத்துவர், சென்னை.
கேளாய் பெண்ணே: மழைக்காலத்தில் ஏன் உடல் வலிக்கிறது? Ed2M6g0SHaVKu8Cvpm3Q+d7ff718d45f541a98661fe8c06ba2088

கேளாய் பெண்ணே: மழைக்காலத்தில் ஏன் உடல் வலிக்கிறது? Ed2M6g0SHaVKu8Cvpm3Q+d7ff718d45f541a98661fe8c06ba2088

பொதுவாக மழைக்காலங்களில் உடலின் வெப்பம் குறைவாக இருக்கும். இதனால் உடல் தசைகள் இறுக்கமடைந்து உடலில் வலி உண்டாகும். இந்தப் பிரச்சினையை இளைஞர்களால் தாங்கிக்கொள்ள முடியும். ஆனால், 40 வயதுக்கு மேல் உள்ளவர்களால் தாங்கிக்கொள்ள முடியாது. முடக்குவாதத்தால் பாதிக்கப்பட்டவர்களுக்குத் தட்பவெப்ப நிலை மாறும்போது உடல் வலி அதிகமாக இருக்கும். குறிப்பாக மழைக்காலத்தில் உடலின் கை மூட்டு, கால் மூட்டு, கழுத்து, இடுப்பு போன்ற இணைப்புப் பகுதிகளில் அதிகமாக நீர் சுரக்கும். இதனால் அந்த இடங்களில் வீக்கம் உண்டாகி, வலி அதிகரிக்கும். முடக்குவாதத்தால் பாதிக்கப்பட்டவர்கள் குளிர், மழைக்காலத்தில் முன்னெச்சரிக்கையாக சரியான நேரத்தில் மாத்திரைகளைச் சாப்பிட வேண்டும்.
எது முடக்குவாதம்?

காலையில் எழுந்தவுடன் கை விரல்களை மடக்க முடியாமல் சிறிது நேரத்துக்கு வலிக்கும். பின்னர், வேலை செய்யச் செய்ய விரல்கள் எப்போதும் போலாகிவிடும். இதேபோல் எப்போதும் கை விரல்களைக் கொஞ்ச நேரத்துக்கு மடக்க முடியாமல் வலி இருந்தால் முடக்குவாதமாக இருக்கக்கூடும். இதுபோன்ற பிரச்சினை தொடர்ச்சியாக இருந்தால் எலும்பு மருத்துவரிடம் ஆலோசனை பெற்று, மருத்துவ சிகிச்சை மேற்கொள்வது நல்லது. அதேபோல் இரவு படுக்கச் செல்லும்போது உடலில் அதிக வலி இருக்கும். ஆனால், ஓய்வெடுத்த பின்பு காலை எழுந்திருக்கும்போது சரியாகிவிடும். இதேபோல் எப்போதும் உடல்வலி இருப்பவர்களுக்கு எலும்புத் தேய்மான பிரச்சினை பாதிப்பும் இருக்கலாம்.
நீரிழிவு, தைராய்டு உள்ளவர்களின் கவனத்துக்கு

மழைக்காலத்தில் நீரிழிவு, தைராய்டு, ரத்த அழுத்த பிரச்சினை உள்ளவர்களுக்கு உடலின் இணைப்புப் பகுதிகளில் வலிக்கும். இதற்குக் காலையில் எழுந்தவுடன் சிறிது நேரம் தோள்பட்டை, கை, கால் தசைகளை விரிவடையச் செய்யும் உடற்பயிற்சிகளைச் செய்து பின்னர் அன்றாட வேலைகளைத் தொடங்கலாம். அதேபோல் வைரஸ் காய்ச்சலால் பாதிக்கப்பட்டவர்களுக்கும் கை, கால்களில் உள்ள எலும்புகளில் வலி இருக்கும். சாதாரண வலிகளுக்குத் தைலம் தேய்த்து, வெந்நீர் ஒத்தடம் கொடுத்தாலே சரியாகிவிடும்.
நன்றி
தி இந்து