பக்தி முத்திப் போச்சுன்னா - இப்படித்தானா....

by சாந்தன் Thu Dec 10, 2009 1:51 pm

கோயிலுக்குப் போவதே ஒரு சாகசமாக இருக்க முடியுமா? சீனாவில் இருக்கும்
ஹ§வாஷான் மலை அப்படி ஒன்று. 2,160 மீட்டர் உயரத்தில் மிக அபாயகரமான மலைப்
பாதைகளில் உயிரைப் பணயம்வைத்துப் போக வேண்டிய இந்தக் கோயில், சராசரி
மனிதனையும் சாகசக்காரன் ஆக்கும்.

பக்தி முத்திப் போச்சுன்னா - இப்படித்தானா.... P128a

பக்தி முத்திப் போச்சுன்னா - இப்படித்தானா.... P128a

சீனாவின்
ஐந்து தாவோயிஸப் புனிதத் தலங்களில் இது முக்கியமானது. மலை உச்சியில்
இருக்கும் தாவோ கோயில்களைத் தரிசிப்பதுதான் நோக்கம். மலை அடிவாரத்தில்
குட்டியூண்டு படிகளாகத் துவங்கும் மலைப் பாதை போகப்போக பாறை ஓட்டைகள்,
மரப் பலகைகள், குறுகலான பொந்துகள், ஒரே ஒரு நீளமான சங்கிலி எனப்
பதறவைக்கிறது. படத்தைப் பார்த்தீர்கள்தானே... ஒரு சங்கிலியைப்
பிடித்துக்கொண்டு பலகையில் கால்வைத்து நகர்ந்து செல்ல வேண்டியதுதான்.
(அதுசரி, அந்தப் பலகையையும், சங்கிலியையும் அந்த இடத்தில் எப்படிப்
பதித்திருப்பார்கள்?) எந்தப் பாதுகாப்பு ஏற்பாடும் கிடையாது. கொஞ்சம்
மிஸ்ஸானாலும் ஆட்டம் க்ளோஸ்!

சாமி கும்பிடுவதற்காக வருபவர்கள் ஒரு
பக்கம்... சும்மா அட்வெஞ்சருக்காக வருபவர்கள் மறுபக்கம் என இந்த ஹ§வாஷான்
மலை எப்போதும் பிஸி. தெற்குச் சிகரத்தில் இருக்கும் மலைக் கடவுளின்
கோயில்தான் மெகா டேஞ்சர். ஆனால், இங்கு போனால்தான் கோயிலுக்குப் போனதன்
முழுப் பலனும் கிடைக்கும் என்கிறார்கள். 'விஞ்ச்' வசதிகூட இருக்கிறது.
ஆனால், இரண்டு மலைகளுக்கு நடுவே அந்தரத்தில் விஞ்ச்சில் போவதற்கு ஸ்பெஷல்
தைரியம் வேண்டும். இந்த மலைப் பாதையில் புனிதப் பயணம் போகிறவர்கள் யாரும்
'கீழே பார்க்கக் கூடாது' என்பது விதி.

என்ன ஒன்று... கோயிலைத் தூரத்தில் பார்த்ததும் கையெடுத்துக் கும்பிடுவது எல்லாம் இங்கு ஆகாது.

நன்றி - விகடன்