உருவானது ஓகி புயல் :(தொடர் பதிவு)

**ayyasamy ram** · **ayyasamy ram** Thu Nov 30, 2017 5:58 pm

-
சென்னை:
கன்னியாகுமரி அருகே நிலைக்கொண்டுள்ள
காற்றழுத்தத் தாழ்வுமண்டலம் ஓகி புயலாக உருவாகி
உள்ளதாக இந்திய வானிலை ஆய்வு மையம் அதிகாரப்
பூர்வமாக அறிவித்துள்ளது.

கன்னியாகுமரி அருகே 60 கிலோமீட்டர் தொலைவில்
ஓகி புயல் உருவாகியுள்ளது. புதிதாக உருவான ஓகி
புயலால் தென்மாவட்டங்களில் கனமழை பெய்யுக்கூடும்
என வானிலை மையம் தெரிவித்துள்ளது.

தென் தமிழகத்தில் கடலோர பகுதியில் மணிக்கு 65 முதல்
75 கிலோமீட்டர் வேகத்தில் காற்றுவீசும் என வானிலை
மையம் எச்சரித்துள்ளது.

ஓகி புயல் உருவாகியுள்ளதை அடுத்து கன்னியாகுமரி,
தூத்துக்குடி, நெல்லை, விருதுநகர், தஞ்சை,திருவாரூர்,
நாகை, புதுக்கோட்டை மாவட்டங்களில் கனமழை
பெய்யும் என கூறியுள்ளது.

கன்னியாகுமரி, தூத்துக்குடி, நெல்லை மாவட்டங்களில்
சேதம் ஏற்பட வாய்ப்புள்ளது என பாலசந்தர்
தெரிவித்துள்ளார்.
-
-----------------------------------
தினகரன்

**ayyasamy ram** · **ayyasamy ram** Thu Nov 30, 2017 6:01 pm

ஒகி புயலால் நடுக்கடலில் தத்தளிக்கும் மீனவர்களை மீட்க தீவிர நடவடிக்கை
-
குமரி: கன்னியாகுமரியில் இருந்து மீன்பிடிக்க சென்ற
200 படகுகள் நடுக்கடலில் தத்தளித்து வருகின்றனர்.
தூத்தூர், தேங்காய்பட்டினம், குளச்சல் மீனவர்கள் அறிவிப்பு
வருவதற்கு முன் கடலுக்கு சென்றதால் கரை திரும்ப
முடியாமல் 3000-க்கும் மேற்பட்ட மீனவர்கள் கடலில் தத்தளிப்பு
வருகின்றனர். மாயமான மீனவர்களை மீட்க கடலோர காவல்
படை, விமான படை உதவி கோரப்பட்டுள்ளது.
-

4 மீனவர்கள் பத்திரமாக மீட்பு

தேங்காய்பட்டினம் துறைமுகத்தில் இருந்து கடலுக்கு சென்ற
4 மீனவர்கள் மாயமானார்கள். இந்நிலையில் உயிருக்கு
போராடிய 4 மீனவர்களை விடைப்படகு மீனவர்கள் மீட்டனர்.

மீட்கப்பட்ட 4 மீனவர்கள் கொல்லம் துறைமுகத்திற்கு அழைத்து
செல்லப்பட்டனர். புயல் காரணமாக நடுக்கடலில் படகு கவிழ்ந்த
நிலையில் 4 பேர் பத்திரமாக மீட்கப்படட்டனர்.

புயல் உருவாகி உள்ளதால் கன்னியாகுமரி, தூத்துக்குடி,
நெல்லை, ராமநாதபுரம் மீனவர்கள் கடலுக்கு செல்ல வேண்டாம்
என அறிவுறுத்தப்பட்டுள்ளது.

ஒகி புயலால் பொதுமக்கள் பெரிதும் பாதிப்படைந்துள்ளனர்.
செல்போன் கோபுரங்கள் செயல் இழந்துள்ளது.
இதனால் தொலைதொடர்பு சேவை, போக்குவரத்து சேவை,
மின்சார சேவையும் முற்றிலுமாக முடங்கி உள்ளது.

20,000-க்கும் மேற்பட்ட மரங்கள் வேரோடு சாய்ந்தன.
ஒகி புயல் காரணமாக சென்னையில் இருந்து தூத்துக்குடி
செல்ல இருந்த விமானங்கள் ரத்து செய்யப்பட்டுள்ளன.

அதேபோல் ரயில் சேவைகளையும் ரத்து செய்வதாக
தெற்கு ரயில்வே நிர்வாகம் அறிவித்துள்ளது.
-
----------------------தினகரன்

**ayyasamy ram** · **ayyasamy ram** Thu Nov 30, 2017 6:03 pm

அடுத்த 24 மணி நேரத்தில் புயல் கரையை கடக்க வாய்ப்பு
-]
சென்னை:
அடுத்த 24 மணி நேரத்தில் புயல் கரையை கடக்க வாய்ப்பு
உள்ளதாக வானிலை ஆய்வு மையம் தெரிவித்துள்ளது.

புயல் கரையை கடக்கும் போது தென் கடலோர மாவட்டங்களில்
மணிக்கு 90 கி.மீ. வேகத்தில் காற்று வீசக்கூடும் என்றும்,
கன்னியாகுமரியில் இருந்து 80 கி.மீ. தொலைவில் ஓகி புயல்
நிலை கொண்டுள்ளதாகவும் வானிலை ஆய்வு மையம்
தெரிவித்துள்ளது.

வடமேற்கு திசையை நோக்கி நகரும் ஓகி புயல்
லட்சத்தீவை சென்றடையும் என்று தெரிவித்துள்ளளது.
--

Sponsored content · Sponsored content

உருவானது ஓகி புயல் :(தொடர் பதிவு)

உருவானது ஓகி புயல் :(தொடர் பதிவு)

Re: உருவானது ஓகி புயல் :(தொடர் பதிவு)

Re: உருவானது ஓகி புயல் :(தொடர் பதிவு)

Re: உருவானது ஓகி புயல் :(தொடர் பதிவு)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக