Next பத்மாவதி : சுப்ரீம் கோர்ட் கண்டிப்பு, வெளிநாடுகளில் வெளியிட தடையில்லை

**பழ.முத்துராமலிங்கம்** · 27/09/2015

பத்மாவதி : சுப்ரீம் கோர்ட் கண்டிப்பு, வெளிநாடுகளில் வெளியிட தடையில்லை

புதுடில்லி : பத்மாவதி படத்தை வெளிநாடுகளில் வெளியிட தடையில்லை என சுப்ரீம் கோர்ட் தெரிவித்துள்ளது. அதோடு படத்தை எதிர்ப்பவர்களை கண்டித்தும் உள்ளது.

சஞ்சய் லீலா பன்சாலி இயக்கத்தில், தீபிகா படுகோனே, சாகித் கபூர், ரன்வீர் சிங் நடிப்பில் உருவாகி உள்ள படம் பத்மாவதி. இந்த படத்தில், ராஜபுத்ர சமூகத்தினரை அவமதிக்கும் வகையிலான காட்சிகள் இடம் பெற்றுள்ளதாக கூறி, வட மாநிலங்களில் போராட்டங்கள் நடக்கின்றன. படத்தின் இயக்குனர், நடிகை தீபிகா படுகோனே ஆகியோருக்கு, மிரட்டல்கள் விடுக்கப்பட்டு உள்ளன. இதனால், அடுத்த மாதம் வெளியாக இருந்த இந்த படம், 2018க்கு தள்ளி வைக்கப்பட்டு உள்ளது.

இந்நிலையில், இந்த படத்தை, பிரிட்டனில் திரையிட, அந்நாட்டு தணிக்கை வாரியம் அனுமதி அளித்துள்ளது. அதோடு மற்ற நாடுகளில் ரிலீஸ் செய்ய படக்குழு முடிவு செய்துள்ளது. ஆனால், வெளிநாடுகளிலும் பத்மாவதி படத்தை திரையிட அனுமதிக்கக் கூடாது என வழக்கறிஞர் சர்மா என்பவர் சுப்ரீம் கோர்ட்டில் மனு தாக்கல் செய்திருந்தார்.

இந்த வழக்கு இன்று விசாரணைக்கு வந்தது. வழக்கை விசாரித்த நீதிபதி, தீபக் மிஸ்ரா வெளிநாடுகளில் வெளியிட தடையில்லை என்று உத்தரவிட்டார். அதோடு, ஒரு படத்தை தணிக்கை செய்வதற்கு முன்னர், அதை எதிர்ப்பது சென்சார் போர்டை அவமதிக்கும் செயல். படத்தை பார்க்கும் முன்னரே பொது வாழ்வில் இருப்பவர்கள் எந்த கருத்தையும் கூற கூடாது என படத்தை எதிர்ப்பவர்களை கண்டித்தும் உள்ளார்.
நன்றி
தினமலர்

Next பத்மாவதி : சுப்ரீம் கோர்ட் கண்டிப்பு, வெளிநாடுகளில் வெளியிட தடையில்லை

Next பத்மாவதி : சுப்ரீம் கோர்ட் கண்டிப்பு, வெளிநாடுகளில் வெளியிட தடையில்லை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக