இப்போது இரண்டு பக்கமும் ! (கனடா நாட்டுப் பெண் கவிஞரின் பாடல்)

இப்போது இரண்டு பக்கமும் ! (கனடா நாட்டுப் பெண் கவிஞரின் பாடல்)

அலையலையான வரிசைகள்!
இது தேவதையின் கூந்தல்!
ஆகாயத்தில் இது-
ஐஸ்கிரீம் கோட்டைகள்!
எங்கு பார்த்தாலும் இறகுகளால் ஆன பள்ளத்தாக்குகள்!
நான் மேகங்களை இப்படித்தான் பார்த்தேன் !

ஆனால் இப்போது-
மேகங்கள் சூரியனை மறைப்பதைத்தான் பார்க்கிறேன் !
மேகங்கள் –
ஒவ்வொருவர் மீதும் மழையையும் பனிக்கட்டிகளையும்
பொழிவதைப் பார்க்கிறேன் !
நான் எத்தனையோ காரியங்களைச் செய்திருப்பேன்!
ஆனால்-
மேகங்கள் இடையே இப்படிக் குறுக்கிடுகின்றன!

இப்போது மேகங்களை நான்-
இரு புறங்களிலிருந்தும் பார்க்கிறேன் !
மேலிருந்தும் பார்க்கிறேன்!
கீழிருந்தும் பார்க்கிறேன் !
இருந்தாலும்-
மேகங்களின் மாயத் தோற்றங்களே எனக்கு நினைவுக்கு வருகின்றன!
எனக்கு மேகம் புரிவதே இல்லை !

நான் காதலை-
நிலவுகள் போலவும்
குடை ராட்டினம் போலவும்
நடனங்களாகவும்
மந்திரவாதக் கதைகள்போலவும்
மட்டுமே பார்த்தேன் !

ஆனால் இப்போது-
நேரில் காண்பது வேறே!

நான் இப்போது காதலை -
இருபுறம் இருந்தும் கண்டுகொள்கிறேன் !
கொடுத்து வாங்குவது –
என்ற நோக்கிலும் பார்த்தேன்!
ஆனாலும்-
அதெல்லாம்-
ஒரு கற்பனையாகவே தோன்றுகிறது!
உண்மையில்-
எனக்குக் காதலைப் பற்றி ஒன்றும் தெரியவில்லை !

கண்ணீரும் அச்சமும்,
பெருமையாக எண்ணுவதும்,
‘நான் உன்னைக் காதலிக்கிறேன்’-
என உரக்கச் சொல்வதும்,
கனவுகளும், திட்டங்களும்-
அப்படித்தான் நான் காதலைப் பார்த்துள்ளேன் !

ஆனால்-
இப்போது பழைய நண்பர்கள்-
வித்தியாசமாகச் செயற்படுகிறார்கள்!
‘நான் இப்போது மாறிவிட்டேன்’ –
எனச் சொல்லித் தலையை ஆட்டுகிறார்கள்!
ஆமாம்! சில நட்டங்கள் ஏற்பட்டுள்ளன!
சில லாபங்கள் ஏற்பட்டுள்ளன-
ஒவ்வொரு நாள் வாழ்க்கையிலும் !


நான் இப்போது-
வாழ்க்கையை இருபுறமும் இருந்து பார்க்கிறேன் -
தோல்வியிலும், வெற்றியிலும் இருந்து !
ஆனாலும்-
என்னால் பார்க்க முடிந்ததெல்லாம்-
வாழ்க்கையின் மாயையையே!
எனக்கு உண்மையில்-
வாழ்க்கை என்றால் என்ன என்பது தெரியவில்லை !


( ’Both sides now ’ என்ற பாடலை 1960இல் ஆங்கிலத்தில் எழுதியவர் Joni Mitchell என்ற கனடா நாட்டுப் பெண் கவிஞர். இதன் ஒரு பகுதியை ஆங்கிலத்திலிருந்து தமிழில் மொழிபெயர்த்தவர் முனைவர் சு. சௌந்தரபாண்டியன்)
Courtesy – genius.com