ச்சும்மா ச்சும்மா”

சாந்தன் · சாந்தன் Wed Dec 09, 2009 1:13 pm

நாம் வாசிக்கும் எத்தனையோ தகவல்கள் நம்மைக் கொஞ்சம் (யோ)சிக்க வைக்கலாம். அந்த வகைத் தகவல்களை இங்கே தொடரலாம்.....

இதோ என் பங்களிப்பாய்ச் சில மாதிரிகள்

சதாமின் சீருடை!

ஈராக் முன்னாள் அதிபர் சதாம் ஹுசைனின் சீருடை, அமெரிக்க இணையதளம்
மூலம் ஏலத்துக்கு விடப்பட்டுள்ளது. அதன் ஆரம்பக் கேட்புத் தொகை. ரூ.2.25
லட்சம். இதுவரை ரூ.2.36 லட்சம் வரை ஏலம் கேட்கப்பட்டுள்ளது.

கரும் பச்சை நிறத்தில் உள்ள இந்த சீருடையில், சதாமின் தகுதியைக்
குறிக்கும் ராணுவ பேட்ஜ்களும் இடம் பெற்றுள்ளன. சதாமுக்கு தனிப்பட்ட
முறையில் துணி தைக்கும் தையலகத்திலிருந்து அந்தச் சீருடை
கைப்பற்றப்பட்டுள்ளது. இதற்கு முன்பும் "மணியன்' ஏல நிறுவனத்தின் மூலம்
சதாம் ஹுசைனின் சீருடை ஒன்று ரூ.9 லட்சத்துக்கு ஏலம் போனது.

Quiz

"க்விஸ்' என்ற வார்த்தையை கண்டுபிடித்தவர் டாலி. அவர் ஒரு நாடக
அரங்கின் மேலாளர். ஒரு நாள் ராத்திரி, ஓர் ஹோட்டலில் நண்பரோடு உட்கார்ந்து
பேசிக் கொண்டிருந்தார்.

ஒரு சவால் விட்டார் நண்பர்...

"ஒரு புது வார்த்தை கண்டுபிடிக்கணும். அந்த வார்த்தை சீக்கிரமாக பிரபலமாகணும்...' இதுதான் இந்த சவால்.

அந்த சவாலை ஏற்றுக் கொண்ட டாலி, கொஞ்சம், யோசனை பண்ணி, "க்விஸ்'
என்கிற வார்த்தையை உருவாக்கினார். இரவு முழுவதும் கண்விழித்து, அதை எல்லா
இடங்களிலும் சாக்பீஸால் எழுதி வைத்தார்.

மறுநாள், அந்த வார்த்தையை பார்த்த மக்களுக்கு குழப்பம். என்ன இது
க்விஸ்? எதுக்காக இப்படி எழுதி போட்டிருக்காங்கன்னு விசாரிக்க ஆரம்பித்து
விட்டனர், ஒருத்தருக்கும் ஒன்றுமே புரியவில்லை. ஒரே புதிர்.

அதன் பிறகு அதுவே அதுக்கு பெயரா ஆயிடுச்சி.

"புதிர்'ங்கறதுக்கே, "க்விஸ்'ங்கற வார்த்தையை பயன்படுத்த ஆரம்பித்து விட்டனர்.

"அன்லீடட் பெட் ரோல்' என்றால் என்ன?

அமெரிக்க விஞ்ஞானி ஒருவர் 1921ல் ஒருவகை ஈயத்தைக் கண்டுபிடித்து பெட்ரோலில் கலந்தார்.

இதனால், வாகன ஓட்டம் எளிதானது. ஆனால், இந்த ஈயம் கலந்த பெட்ரோலால்
சுற்றுச் சுழல் கெட்டு, மனித உடல் நலத்திற்கு பாதிப்பு ஏற்படுகிறது.

எனவே தான், ஈயம் கலக்காத பெட்ரோலை நமது நாட்டில் மூன்று, நான்கு வருடங்களுக்கு முன் அறிமுகப்படுத்தினர்.

அதுவே, "அன்லீடட் பெட்ரோல்' என்கின்றனர் ஆங்கிலத்தில்!