டெஸ்ட் தரவரிசை: கோலி 5-வது இடத்துக்கு முன்னேற்றம்; ஜடேஜாவுக்கு பின்னடைவு

**பழ.முத்துராமலிங்கம்** · 27/09/2015

ஐசிசி-யின் டெஸ்ட் பேட்ஸ்மேன்கள் தரவரிசைப் பட்டியலில் இந்திய அணியின் கேப்டன் விராட் கோலி 5-வது இடத்துக்கு முன்னேறி உள்ளார். அதேவேளையில் பந்து வீச்சாளர்கள் பட்டியலில் ரவீந்திர ஜடேஜா 3-வது இடத்துக்கு தள்ளப்பட்டுள்ளார்.

இலங்கை அணிக்கு எதிரான கொல்கத்தா டெஸ்ட்டில் சதம் விளாசிய விராட் கோலி, டேவிட் வார்னரை பின்னுக்கு தள்ளி 5-வது இடத்துக்கு முன்னேறி உள்ளார். தொடக்க வீரரான ஷிகர் தவண் இரு இடங்கள் முன்னேறி 28-வது இடத்தை பிடித்துள்ளார். கொல்கத்தா டெஸ்ட்டில் 8 விக்கெட்கள் வீழ்த்திய புவனேஷ்வர் குமார் 8 இடங்கள் முன்னேறி 29-வது இடத்தையும், முகமது ஷமி ஒரு இடம் முன்னேறி 18-வது இடத்தையும் பிடித்துள்ளனர்.

கொல்கத்தா டெஸ்ட்டில் வேகப்பந்து வீச்சாளர்கள் ஆதிக்கம் செலுத்தியதால் 2 ஓவர்கள் மட்டுமே வீசிய ரவீந்திர ஜடேஜா 2-வது இடத்தில் இருந்து 3-வது இடத்துக்கு தள்ளப்பட்டுள்ளார். இதேபோல் ஆல்ரவுண்டர்கள் தரவரிசைப் பட்டியலிலும் 20 புள்ளிகளை இழந்து பின்னடைவை சந்தித்துள்ளார் ஜடேஜா. எனினும் இலங்கை அணிக்கு எதிராக இன்னும் 2 டெஸ்ட் போட்டிகள் உள்ளதால் ஜடேஜா முன்னேற்றம் காண வாய்ப்பு உள்ளது.

இலங்கை வீரர்களில் நிரோஷன் திக்வெலா பேட்டிங் தரவரிசையில் 3 இடங்கள் முன்னேறி 37-வது இடத்தை பிடித்துள்ளார். இதபோல் பந்து வீச்சாளர்கள் பட்டியலில் திலுருவன் பெரேராவும் 3 இடங்கள் முன்னேறி 22-வது இடத்தை கைப்பற்றி உள்ளார். அணிகள் தரவரிசையில் இந்தியா 125 புள்ளிகளுடன் முதலிடத்தில் ஆதிக்கம் செலுத்துகிறது. தென் ஆப்பிரிக்கா (111), இங்கிலாந்து (105) , நியூஸிலாந்து (97), ஆஸ்திரேலியா (97) ஆகிய அணிகள் முறையே 2 முதல் 5-வது இடங்களில் உள்ளன.
நன்றி
தி இந்து

டெஸ்ட் தரவரிசை: கோலி 5-வது இடத்துக்கு முன்னேற்றம்; ஜடேஜாவுக்கு பின்னடைவு

டெஸ்ட் தரவரிசை: கோலி 5-வது இடத்துக்கு முன்னேற்றம்; ஜடேஜாவுக்கு பின்னடைவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக