ஒரே குடும்பத்தில் தனித்தனி பைக் வாங்க முடியாது ஆர்.டி.ஓ.வின் புதிய விதிக்கு பொதுமக்கள் எதிர்ப்பு

**பழ.முத்துராமலிங்கம்** · 27/09/2015

பெங்களூரு: 100 சி.சி. பைக் குறித்த புதிய விதிமுறைக்கு பொதுமக்கள் எதிர்ப்பு தெரிவித்துள்ளனர். வீட்டில் ஒரு நபருக்கு ஒரு பைக் வாங்க முடியாது என்று அவர்கள் கூறியுள்ளனர். இரு சக்கர வாகனத்தில் 100 சி.சி. வண்டியில் ஒருவர் மட்டும்தான் பயணிக்க வேண்டும் என்று புதிய விதிமுறையை ஆர்டிஓ விதித்துள்ளது. விபத்தை குறைப்பதற்காக இந்த புதிய விதிமுறை விதிக்கப்பட்டுள்ளதாக ஆர்.டி.ஓ. நேற்று முன்தினம் விளக்கமளித்தது. இதையும் மீறி ஒரு வாகனத்தில் இருவர் பயணித்தால் அபராதம் விதிக்கப்படும் என்றும் அறிவிக்கப்பட்டுள்ளது. இந்த புதிய விதிமுறைக்கு பொதுமக்கள் கடும் எதிர்ப்பு தெரிவித்துள்ளனர். பெங்களூருவைச் சேர்ந்த வீரேந்திரர் என்பவர் இதுகுறித்து கூறியதாவது: ‘’ நான் 100 சி.சி. வாகனம் வைத்துள்ளேன். நானும் எனது நண்பரும் ஒரே வாகனத்தில் அலுவலகத்திற்கு செல்கிறோம்.
இருவரும் இணைந்து ஒரே வாகனத்தில் செல்வதால் பெட்ரோல் செலவை பங்கீடு செய்து கொள்கிறோம் இதனால் எனக்கும் சுமை குறைகிறது.
நன்றி
தினகரன்

**பழ.முத்துராமலிங்கம்** · 27/09/2015

ஆனால் ஆர்.டி.ஓ.வின் புதிய விதிமுறையால் எனக்கு செலவு ஏற்படுவதோடு எனது நண்பர் புதிய வாகனம் வாங்க வேண்டும். தற்போதைய சூழலுக்கு புதிய வாகனம் வாங்கும் அளவிற்கு வசதியில்லை. நாங்கள் ஏழை குடும்பத்தை சேர்ந்தவர்கள் என்பதால் வீட்டில் இருக்கும் ஒவ்வொருவருக்கும் தனித்தனியாக ஒரு வாகனம் வாங்க முடியாது. பணம வைத்திருக்கும் நபர்கள் புதிய வாகனங்கள் வாங்கினாலும் மேலும் மாசு ஏற்படும்’’ என்றார்.
சுற்றுச்சூழல் ஆர்வலர் விஜய் நிஷாந்த் கூறியதாவது: ‘‘நடுத்தர வர்க்கத்தை சேர்ந்த குடும்பத்தினரால் அதிக அளவு செலவு செய்ய முடியாது. புதிய வாகனம் வாங்க முடியாது.
ஆர்.டி.ஓ.விதித்துள்ள புதிய விதிகள் சரியானது அல்ல. ஒரு பணக்கார குடும்பத்தைச் சேர்ந்த மனிதர் ஒரு வீட்டில் நான்கு கார்களை வைத்துள்ளார்.
ஒரு வீட்டிற்கு ஒரு கார் போதுமானது என்ற போதிலும் 4 கார்கள் வைத்திருப்பது மாசுபாட்டை அதிகரிக்கும். எனவே முதலில் அதை தடுத்து நிறுத்த வேண்டும். இவ்வாறு ஏழைகள் மீது சுமையை திணிக்கக் கூடாது’’ என்றார். நடப்பாண்டில் ஆகஸ்ட் மாதத்தில் கர்நாடகம் முழுவதும் 49 லட்சம் பேர் புதிய வாகனங்கள் வாங்கியுள்ளனர். இதில் 45 லட்சம் பேர் 100 சி.சி. வாகனங்களை வாங்கியுள்ளனர். பெங்களூருவில் மட்டும் 12 லட்சம் பேர் 100 சி.சி. வண்டிகளை வாங்கியுள்ளனர் என்பது குறிப்பிடத்தக்கது.

ஒரே குடும்பத்தில் தனித்தனி பைக் வாங்க முடியாது ஆர்.டி.ஓ.வின் புதிய விதிக்கு பொதுமக்கள் எதிர்ப்பு

ஒரே குடும்பத்தில் தனித்தனி பைக் வாங்க முடியாது ஆர்.டி.ஓ.வின் புதிய விதிக்கு பொதுமக்கள் எதிர்ப்பு

Re: ஒரே குடும்பத்தில் தனித்தனி பைக் வாங்க முடியாது ஆர்.டி.ஓ.வின் புதிய விதிக்கு பொதுமக்கள் எதிர்ப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக