118 நாடுகள் பங்கேற்ற போட்டியில் இந்தியாவின் மனுஷி சில்லர் உலக அழகி பட்டம் வென்றார் : 17 ஆண்டுக்கு பின் சாதனை

சான்யா: உலக அழகிப் போட்டியில் இந்தியாவின் மனுஷி சில்லர் பட்டம் வென்று சாதித்துள்ளார். 17 ஆண்டுக்குப் பிறகு இப்பட்டம் வெல்லும் இந்திய அழகி என்ற பெருமையை அவர் பெற்றுள்ளார். சீனாவின் சான்யா நகரில் 67வது உலக அழகிப் போட்டி நேற்று கோலாகலமாக நடந்தது. இதில், 118 நாடுகளைச் சேர்ந்த அழகிகள் போட்டியிட்டனர். இந்தியாவின் சார்பில் ‘மிஸ் இந்தியா’வான அரியானாவைச் சேர்ந்த மனுஷி சில்லர் (20) பங்கேற்றார். பல்வேறு கட்ட போட்டிகளின் அடிப்படையில் டாப்-40 அழகிகள் தேர்வு செய்யப்பட்டனர்.

வெற்றியாளரை தேர்ந்தெடுக்கும் கடைசி நாளான நேற்று 40 அழகிகள் அரங்கில் அறிமுகம் செய்யப்பட்டனர். அவர்களில் இருந்து டாப்-15, டாப்-10, டாப்-5 அழகிகள் தேர்வு செய்யப்பட்டனர். இறுதிச் சுற்றுக்கு மனுஷி சில்லருடன், மெக்சிகோ, இங்கிலாந்து, பிரான்ஸ், கென்யா அழகிகள் தேர்வாகினர். இவர்களிடம் அறிவுத்திறன் உள்ளிட்ட சில பிரிவில் கேள்விகள் கேட்கப்பட்டன. இறுதியில், உலக அழகியாக இந்தியாவின் மனுஷி சில்லர் தேர்வு செய்யப்பட்டார். அவருக்கு கடந்தாண்டு உலக அழகி பட்டம் வென்ற பியர்டோரிகாவின் ஸ்டீபனி டெல் வாலே, கிரீடம் அணிவித்து கவுரவித்தார். மனுஷி சில்லர் ஆனந்தக் கண்ணீருடன் நன்றி கூறினார். 2வது இடத்தை இங்கிலாந்தின் ஸ்டீபனி ஹில்லும், 3ம் இடத்தை மெக்சிகோவின் ஆன்ட்ரியா மெஸாவும் பெற்றனர்.

கடைசியாக, 2000ம் ஆண்டில் தற்போது பாலிவுட்டி–்ல் பிரபல நடிகையாக விளங்கும் பிரியங்கா சோப்ரா உலக அழகிப் பட்டம் வென்றார். அதைத் தொடர்ந்து, 17 ஆண்டுக்குப் பிறகு உலக அழகி பட்டத்தை வெல்லும் இந்திய அழகி என்ற சாதனையை மனுஷி சில்லர் படைத்துள்ளார். இப்பட்டத்தை வெல்லும் 6வது இந்திய பெண் என்ற பெருமையையும் பெற்றுள்ளார். அவருக்கு பிரதமர் மோடி உள்ளிட்ட தலைவர்கள் வாழ்த்து தெரிவித்துள்ளனர்.

சாதித்தது இந்தியா
நன்றி
தினகரன்

உலக அழகி பட்டத்தை அதிக முறை வென்ற நாடு என்ற வெனிசுலாவின் சாதனையை இந்தியா நேற்று சமன் செய்தது. இதுவரை இந்தியாவும்,  வெனிசுலாவும் அதிகபட்சமாக 6 முறை உலக அழகி பட்டத்தை வென்றுள்ளன. அடுத்ததாக இங்கிலாந்து அழகிகள் 5 முறை உலக அழகி பட்டத்தை  பெற்றுள்ளனர்.

1.கடந்த மே மாதம் நடந்த ‘மிஸ் இந்தியா’ போட்டியில், 29 மாநிலங்களைச் சேர்ந்த அழகிகளை வென்று, பட்டத்தைத் தட்டிச் சென்ற மனுஷி சில்லர்,  உலக அழகிப் போட்டியில்  இந்தியா சார்பாக கலந்துகொள்ள  தேர்ந்தெடுக்கப்பட்டார்.
2 .இவரது தந்தை மித்ரா பாசு சில்லரும், தாய் நீலம் சில்லரும் மருத்துவர்கள்.
3. மனுஷி சில்லர், அரியானாவில் உள்ள பகத் பூல் சிங் மருத்துவக் கல்லூரியில் படித்து வருகிறார்.

பரிசுக்கான கேள்வி

இறுதிச்சுற்றில் வெற்றியாளரை தேர்வு செய்வதற்காக ஒவ்வொரு போட்டியாளர்களிடம் தனித்தனி கேள்விகள் கேட்கப்படும். இந்திய அழகி  மனுஷியிடம், ‘உலகில் எந்த தொழிலில் ஈடுபட்டிருப்பவர் அதிக சம்பளத்திற்கு தகுதி வாய்ந்தவர்? ஏன்?’ என கேட்கப்பட்டது. அதற்கு மனுஷி,  ‘‘உலகில் உயர்ந்த மரியாதைக்கு தகுதியானவர் தாய் மட்டுமே. அவரது சம்பளம் வெறும் பணமல்ல. அன்பும், மரியாதையும்தான்’’ என கூறி  உள்ளார்.

ayyasamy ram wrote:பரிசுக்கான கேள்விக்கு அளித்த பதில்....

மேற்கோள் செய்த பதிவு: 1251402
அம்மா எதற்க்கும் ஈடில்லை என்பதே உண்மை
நன்றி
ஐயா