டாக்டர்கள் புதிய வரையறை 130 இருந்தால் இனிமேல் உயர் ரத்த அழுத்தம்

**பழ.முத்துராமலிங்கம்** · 27/09/2015

கலிபோர்னியா: ‘இனிமேல் 130 மிமீ இருந்தாலே உயர் ரத்த அழுத்தமாக கருதப்படும்’ என்று அமெரிக்க டாக்டர்கள் வரையறை செய்துள்ளனர்.
சராசரி நபருக்கு ரத்தத்தில் 120/80 மிமீ பாதரச அளவு என்பது மிகவும் சரியான ரத்த அழுத்தம். ஆனால், இது அனைவருக்குமே சொல்லி வைத்ததுபோல் 120/80 என்று இருக்காது. ஒரே வயது தான் என்றாலும் ஆளுக்கு ஆள் உடல் எடை, உயரம் போன்றவை வேறுபடுவது போல ரத்த அழுத்தமும் வேறுபடலாம். ஆகவேதான், உலக சுகாதார அமைப்பு ஒரு நபருக்கு 100/70 மிமீ முதல் 140/90 மிமீ வரை உள்ள ரத்த அழுத்தத்தை ‘சரியான ரத்த அழுத்தம்’ என்று வரையறை செய்துள்ளது. ஒருவருக்கு ரத்த அழுத்தம் 140/90 க்கு மேல் இருந்தால் அவருக்கு உயர் ரத்த அழுத்தம் உள்ளதாக கணிக்கிறார்கள் மருத்துவர்கள்.
நன்றி
தினகரன்

**பழ.முத்துராமலிங்கம்** · 27/09/2015

தற்போது, அமெரிக்க இருதய அமைப்பு மற்றும் அமெரிக்க இருதய கல்லூரி ஆகியவை இணைந்து ஆராய்ச்சி செய்து, ரத்த அழுத்தத்தைப் பற்றி புதிய வரையறை செய்துள்ளனர். அவர்கள் ஆராய்ச்சி முடிவின்படி, இனிமேல் ‘130 மிமீ எச்ஜி’ இருந்தாலே உயர் ரத்த அழுத்தம் என்று கருதப்படும். அதேபோல், குறைந்த ரத்த அழுத்தம் 80 என்று நிர்ணயிக்கப்பட்டுள்ளது. உயர் ரத்த அழுத்தத்திலும் 130 முதல் 139 வரை உள்ளவர்கள் முதல்நிலை என்றும், 140 மற்றும் கூடுதலாக உள்ளவர்கள் இரண்டாம் நிலை என்றும் வரையறை செய்துள்ளனர். இதில், 130 தாண்டினாலே இருதயம் தொடர்பான நோய்கள் அதிகரிக்கும் என்று மருத்துவர்கள் எச்சரித்துள்ளனர்.

இந்த புதிய வரையறை மூலம் அமெரிக்காவில் மட்டும் உயர் ரத்த அழுத்த நோயால் பாதிக்கப்பட்டவர்களின் எண்ணிக்கை 14 சதவீதம் அதிகரித்துள்ளது. குறிப்பாக, 3 கோடி அமெரிக்கர்கள் அதற்கான சிகிச்சை பெற வேண்டும். இது பற்றி அமெரிக்க இருதய அமைப்பின் முன்னாள் தலைவர் டாக்டர் ஸ்டீவன் ஹவுசர் கூறுகையில், ‘‘வளரும் உடலுக்கு குறைந்த ரத்த அழுத்தமே நல்லது. அந்த சூழ்நிலையில், உடல் பாகங்கள் சீராக வளர்கிறது. உயர் ரத்த அழுத்தத்தால் ஏற்படும் பாதிப்புகளை குறைக்க நாங்கள் தேவையான நடவடிக்கையை எடுத்துள்ளோம்’’ என்றார்.

**பழ.முத்துராமலிங்கம்** · 27/09/2015

* இன்றைய இயந்திரத்தனமான வாழ்க்கைச் சூழலில் மேற்கத்திய உணவுப் பழக்கமும், மன அழுத்தமுமே ரத்த அழுத்த நோய்க்கு முக்கியக் காரணங்கள்.
* தலைவலி, தலைச்சுற்றல், மயக்கம், சோர்வு, மூக்கில் ரத்தக் கசிவு ஆகியவை உயர் ரத்த அழுத்த நோய்க்குரிய அறிகுறிகள். ஆனால், பெரும்பாலோருக்கு சில நேரம் இந்த அறிகுறிகள் வெளியில் தெரியாது.
* இந்த ஆபத்துகளை எல்லாம் தவிர்க்க 30 வயதுக்கு மேல் உள்ளவர்கள் மாதம் ஒருமுறை ரத்த அழுத்தத்தை பரிசோதனை செய்து கொள்ள வேண்டும்.
* இந்த நோயினால் இதயம், சிறுநீரகம், மூளை, கண்கள் பாதிக்கப்படும் போது சில அறிகுறிகள் தோன்றும்.
* இந்த நோயைச் சரியாகக் கவனிக்காத நிலையில் இதயம் வீங்கிவிடும். மாரடைப்பு, பக்கவாதம் வந்து சேரும். பார்வை பாதிக்கப்படும். சிறிது சிறிதாகச் சிறுநீரகங்கள் கெட்டுப் போகும்.

Sponsored content · Sponsored content

டாக்டர்கள் புதிய வரையறை 130 இருந்தால் இனிமேல் உயர் ரத்த அழுத்தம்

டாக்டர்கள் புதிய வரையறை 130 இருந்தால் இனிமேல் உயர் ரத்த அழுத்தம்

Re: டாக்டர்கள் புதிய வரையறை 130 இருந்தால் இனிமேல் உயர் ரத்த அழுத்தம்

Re: டாக்டர்கள் புதிய வரையறை 130 இருந்தால் இனிமேல் உயர் ரத்த அழுத்தம்

Re: டாக்டர்கள் புதிய வரையறை 130 இருந்தால் இனிமேல் உயர் ரத்த அழுத்தம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக