உறக்கம் எப்போது இனிமையாகிறது?

-
கேள்வி ; எது சிறந்த உதவி?
-
பதில் ;செய்த உதவியை மற்றவர்களுக்குச் சொல்லாமல்
இருப்பது தான் சிறந்த உதவி. ஒருமுறை சொன்னாலும்
அதன் பலனை அனுபவித்தவர்களாக ஆகி விடுவோம்.
நாம் மற்றவர்களுக்குச் செய்த உதவியை உடனே மறந்து
விடுவது மிக நல்ல பழக்கம்.
–
——————————————
–
கேள்வி ; “துன்பம் வரும் போது சிரிக்க முடியுமா?
-
பதில் ; துன்பத்தை எண்ணி இடிந்து போகாமல் துணிவுடன்
அதை எதிர்கொள்ள வேண்டும். அப்படிச் செய்யும் போது
நம் சிந்தனை மழுங்கி விடாமல் கூர்மை அடைந்து, அந்தப்
பிரச்சனை தீர்வதற்கான உபாயங்களும் தோன்ற ஆரம்பிக்கும்
பல நெருக்கடியான நேரங்களில். துணிந்து நிற்பவர்கள்
வெற்றி பெறுவது துன்பத்தை சோதனையாகக் கருதாமல்
சவாலாக கருதுவதால் தான்”.
–
———————————————-
–
கேள்வி ; பழமொழிகள் என்பவை?
-
பதில் ;
பழமொழிகள் நடைமுறை இலக்கியங்கள் ; ஞானப்பிழிவுகள்.
சாமானியர்களின் உதடுகளில் இருந்தும் உச்சரிக்கப்படும்
உன்னதக் கவிதைகள்.
–
———————————————
கேள்வி ;
பணம் பாதாளம் வரை பாயும் என்கிறார்களே! அப்படியென்றால்?
-
பதில் ;
அதிகம் பணம் சம்பாதிப்பவர்களும். குறுக்கு வழியில்
ஈட்டுபவர்களும் அவற்றை மற்றவர்களிடம் இருந்து
மறைப்பதற்காக அடித்தள அறை’ அமைப்பாளர்கள்
என்று பொருள்.
–
—————————————————-
–
கேள்வி ; வசந்த காலம் பள்ளியிலா? கல்லூரியிலா?
பதில் ; பள்ளியில் வனக்குதிரையாக வலம் வருகிறோம்.
கல்லூரியில் கடிவாளமிட்ட குதிரையாக களைத்து
ஓடுகிறோம். எப்போதுமே வசந்தம் இடத்தில் இல்லை.
–
———————————————
–
கேள்வி ; உறக்கம் எப்போது இனிமையாகிறது?
-
பதில் ; கடுமையாக உழைத்த பிறகு மேற்கொள்ளும்
உறக்கம் இனிமையானதாக இருக்கிறது.
–
——————————————-
நன்றி-வெ.இறையன்பு

_________________