கண்களில் ஒற்றிக் காப்பாற்றுவோம்!

**ayyasamy ram** · **ayyasamy ram** Sun Nov 12, 2017 7:42 am

-

சிருஷ்டிகளின் சிகரங்கள்
இரண்டு...
இந்த
இரண்டையும் நேசிக்காத
இதயங்கள் இருக்க முடியாது!
-
அவை -
பிறவியின் மதிப்பை
பிரதிபலிக்கும் அடையாளங்கள்
இணைப்பையும், பிணைப்பையும்
ஏற்படுத்தும் உறவுப் பாலங்கள்!
-
அளவாய் இருக்கையில்
ஆனந்தக் களிப்பையும்
அதிகமாகையில்
அச்சத்தில்
தவிப்பையும் தருபவை!
-
இரண்டையும்
ஒற்றை நாமத்தாலேயே
உலகம் அழைக்கிறது!
-
குழந்தையும், பணமும்
'செல்வம்' என்று தானே
கொண்டாடப்படுகின்றன!
-
இவை இல்லாதிருப்போரின்
இதய வலி
சொல்லில் விவரிக்க
முடியாத சோகமானது!
-
தக்கார் தகவிலார் என்பது
எச்சத்தால் காணப்படுவது
வாழ்வின், 'உச்சமாகவும்'
வாழ்ந்ததன், 'எச்சமாகவும்'
அமையும் அடையாளங்கள்!
-
இவை இல்லாதவர்களை
உலகம் அலட்சியப்படுத்துகிறது
இருப்பவர்களோ
உலகை அலட்சியப்படுத்துகின்றனர்!
-
இந்த நிலை மாற -
கண்களில் ஒற்றிக் காப்பாற்றுவோம்
காசு, பணத்தை மட்டுமல்ல
கடவுள் கொடையான
குழந்தைகளையும்!
-
---------------------------
-
—ஆர்.முரளி, ஸ்ரீவில்லிபுத்துார்.
வாரமலர்

**Dr.S.Soundarapandian** · **Dr.S.Soundarapandian** Sun Nov 12, 2017 7:19 pm

கண்களில் ஒற்றிக் காப்பாற்றுவோம்! 3838410834

இந்த பதிவைத் துவங்கியவர் நன்றி கூறியுள்ளார் Dr.S.Soundarapandian

கண்களில் ஒற்றிக் காப்பாற்றுவோம்!

கண்களில் ஒற்றிக் காப்பாற்றுவோம்!

Re: கண்களில் ஒற்றிக் காப்பாற்றுவோம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக