எனது ஆளை நீ எடுத்துக்கொள்ளாதே! (அமெரிக்கப் பாடல்)

எனது ஆளை நீ எடுத்துக்கொள்ளாதே! (அமெரிக்கப் பாடல்)

ஜொலீன்! ஜொலீன்! ஜொலீன்!
நான் உன்ன்னிடம் பிச்சை கேட்கிறேன் !-
தயவு செய்து –
என்னுடைய ஆளை நீ கவர்ந்துகொள்ளாதே!
ஜொலீன்! ஜொலீன்! ஜொலீன்!
என்னுடைய ஆளை நீ கவர்ந்துகொள்ளாதே!
தயவுசெய்து அவனைக் கவராதே!-
உன்னால் முடியும் என்பதற்காக அவனைக் கவராதே!

உனது அழகு-அது
ஒப்பிட இயலாதது !
உனது-
இளஞ்சிவப்புக் கூந்தல்;
அது ஒளிவிடுவது !
உனது தோல்-
தந்தம் போன்று ஒளிர்வது !
உன் கண்கள் –
அவை மரகதப் பச்சை நிறத்தவை!

உனது சிரிப்பு –
அது வசந்தத்தின் மூச்சு!
உனது குரலின் மென்மை-
அது கோடைமழை போன்றது !
ஆகவே- ஜொலீன்,
நான் உன்னோடு போட்டிபோடவே இயலாது !

என்னவன்-
அவன் உறக்கத்திலும்-
உன்னைப் பற்றியே பேசுகிறான் !
உனது பேரைச்சொல்லி அவன் அழைக்கும்போது –
அதைத் தடுக்க என்னால் முடிவதே இல்லை ஜொலீன் !

என்னால் எளிதில் புரிந்துகொள்ள முடிகிறது ஜொலீன் !-
எனது ஆளை நீ –
எளிதில் எடுத்துக் கொள்ளமுடியும் என்று !
ஆனால்-
அவன் எனக்கு-
எவ்வளவு பொருளுள்ளவன் என்று உனக்குத் தெரியாது, ஜொலீன் !

நீ-
ஆசைப்பட்ட யாரும்-
உனக்குக் கிடைப்பார்கள்!
ஆனால்-
நான் –
இனி யாரையும் காதலிக்க முடியாது!
அவன் –
ஒருவன் மட்டுமே எனக்கு !
அவன் ஒருவன் மட்டுந்தான் என்னவன், ஜொலீன் !

நான் -
இந்தப் பேச்சை-
உன்னிடம் பேசத்தான் வேண்டும் !
எனது மகிழ்ச்சி-
உன்னைப் பொறுத்து அமைந்துள்ளது !
நீ முடிவு செய்வதைப் பொறுத்து அமைந்துள்ளது, ஜொலீன் !

ஜொலீன்! ஜொலீன் ! ஜொலீன் !
நான் உன்னிடம் –
பிச்சை கேட்கிறேன் !
தயவுசெய்து –
எனது ஆளை நீ எடுத்துக்கொள்ளாதே!
ஜொலீன்! ஜொலீன் ! ஜொலீன் !
தயவு செய்து அவனைக் கவராதே,
உன்னால் கவரமுடியும் என்றாலும் !-,
ஜொலீன்! ஜொலீன் !


( ’ Jolene’ என்ற பாடலை ,ஆங்கிலத்தில் எழுதியவர் Dolly Carton என்ற அமெரிக்கப் பெண் கவிஞர் ; இவர் நடிகை என்பதுடன் வியாபாரப் புள்ளியும் கூட! இவர் பிறந்த ஆண்டு 1946.ஆங்கிலத்திலிருந்து தமிழில் மொழிபெயர்த்தவர் முனைவர் சு. சௌந்தரபாண்டியன்)
Courtesy - lyricsfreak.com

-