Latest topics

நேற்றிரவு உன்னை ! (ஆங்கில நாட்டுப்புறப் பாடல்)

ஈகரை தமிழ் களஞ்சியம் :: கவிதைக் களஞ்சியம் :: மொழிபெயர்ப்புக் கவிதைகள்

Page 1 of 1

நேற்றிரவு உன்னை ! (ஆங்கில நாட்டுப்புறப் பாடல்)

Post by Dr.S.Soundarapandian Sat Nov 04, 2017 11:22 pm

நேற்றிரவு உன்னை ! (ஆங்கில நாட்டுப்புறப் பாடல்)

நேற்றிரவு உன்னை-
எங்கே காண்பது எனத் தவித்தேன் !
உனது அந்த ஒளியை-
எங்கே காண்பது எனத் தவித்தேன் !-
உன் பின்னே இருக்கும் அந்த ஒளியை-
எங்கே காண்பது எனத் தவித்தேன் !
உன்னைக் காண ஒரு வழி இருக்கிறதென்று-
அப்போது தெரியவில்லை !
சொல்லாமல் காதல் உன்னைக் கொண்டுபோவதைப் போல-
நேற்றைய நிலையிலிருந்து அது உன்னை இழுத்துவரும் !

நான் உனது-
நீண்டநாள் நண்பனாக இருக்க விரும்புகிறேன்!
நீண்டநாள் பழகியிருக்க விரும்புகிறேன் !
ஒரு கோடைக்கால மறக்கும் பாடலாக-
இருக்க நான் விரும்பவில்லை !

காதல் – என்னிடத்திலிருந்து-
உனக்கானது!
உன் கண்களுக்கானது!
இது வலுவானது!
அறிவுசார்ந்த இது ஒரு-
ஆச்சரியம் !
நான் இங்கே!-
நீ அங்கே!
காதல் – நாம் சுமக்க வேண்டிய சிலுவை!

அந்த மலை மீது-
நான் – நம்மைப் பற்றித்தான் சிந்திப்பேன் !
தங்க நிற நிலவு மேல் எழுகையில்-
உடுக்கள் நம்மைச் சுற்றிலும் விழும்!
அப்போது –
நம் காதல் உணரப்படும் !

நாம் மீண்டும் சந்திக்கும் வரை-
உன்னை நான் தழுவும் வரை-
இதுதான் நிலை!
ஆகவே-
நரைக்கும் எனது தலைமுடியையும் –
நீ எண்ணிக்கொள்ளலாம் !
அப்போதும்-
உன்னைப் பார்த்ததற்காக-
நான் நன்றியுள்ளவனாக இருப்பேன் !.

(’ Love Is Our Cross To Bear ’ என்ற ஆங்கில நாட்டுப்புறப் பாடலை ஆங்கிலத்திலிருந்து தமிழில் மொழிபெயர்த்தவர் முனைவர் சு. சௌந்தரபாண்டியன்)
Courtesy - folkalley.com

முனைவர் சு.சௌந்தரபாண்டியன்
எம்.ஏ.(தமிழ்),எம்.ஏ(ஆங்கிலம்),பி.எட்.,டிப்.(வடமொழி),பி.எச்டி
சென்னை-33
http://ssoundarapandian.blogspot.in/

Dr.S.Soundarapandian: கல்வியாளர்; பதிவுகள் : 9818
இணைந்தது : 23/10/2012