சசிகலாவிடம் குறுக்கு விசாரணை : ஆறுமுகசாமி கமிஷனில் தி.மு.க., மனு

சென்னை:
'ஜெ., மரணம் தொடர்பாக, சசிகலா, கவர்னர் வித்யாசாகர் ராவ்
உட்பட, 17 பேரை விசாரணைக்கு அழைக்கும்போது,
அவர்களிடம் குறுக்கு விசாரணை நடத்த அனுமதி அளிக்க வேண்டும்'
என, விசாரணைக் கமிஷனிடம், தி.மு.க., பிரமுகர் சரவணன், மனு
கொடுத்துள்ளார்.

திருப்பரங்குன்றம் இடைத்தேர்தலில், தி.மு.க., சார்பில் போட்டி யிட்டு,
தோல்வி அடைந்தவர், டாக்டர் சரவணன். இவர், நீதிபதி ஆறுமுகசாமி
கமிஷனில், தாக்கல் செய்துள்ள மனு:

திருப்பரங்குன்றம் இடைத்தேர்தலில், தி.மு.க., சார்பில் போட்டியிட்டேன்.
அ.தி.மு.க., சார்பில், ஏ.கே.போஸ் போட்டியிட்டார்.

அவருக்கு இரட்டை இலை சின்னத்தை ஒதுக்கும்படி, 'ஏ' மற்றும், 'பி'
படிவத்தில், அ.தி.மு.க., பொதுச்செயலர், ஜெயலலிதா கையெழுத்திற்கு
பதிலாக, தன் கைரேகையைப் பதிவு செய்திருந்தார்.

அவரிடம் கையொப்பம் பெற்ற, 2016 அக்., 27ல், சென்னை, அப்பல்லோ
மருத்துவமனையில், அவர் இருந்தார். அப்போது, அவருக்கு செயற்கை
சுவாசக் கருவி பொருத்தப்பட்டிருந்தது.

எனவே, ஏ.கே.போஸ் மனுவை நிராகரிக்க வேண்டும் என, தேர்தல்
அலுவலரிடம் கோரினேன்; அது நிராகரிக்கப்பட்டது.

தேர்தல் முடிந்த பின், நீதிமன்றத்தில் வழக்கு தொடர்ந்துள்ளேன்.
ஜெ., மருத்துவமனைக்கு வரும்போது, சுய நினைவு இல்லாமல்
இருந்துள்ளார். இவ்விபரம், ஆம்புலன்ஸ் அறிக்கையில் உள்ளது.

ஆனால், மருத்துவமனை நிர்வாகம் ெவளியிட்ட செய்திக் குறிப்பில்,
'அவர் காய்ச்சல் மற்றும் நீர் சத்து குறைவு காரணமாக அனுமதிக்கப்
பட்டுள்ளார். விரைவில், வீடு திரும்புவார்' என, குறிப்பிடப்பட்டிருந்தது.
இது, முரண்பாடாக உள்ளது.

இதேபோல், அவர் பெயரில் அறிக்கை ெவளியானது உட்பட, அவர்
மறையும் வரை நடந்த நிகழ்வுகளில், பல்வேறு சந்தேகங்கள் உள்ளன.

எனவே, முன்னாள் தமிழக கவர்னர், வித்யாசாகர் ராவ், சசிகலா,
முதல்வர் பழனிசாமி, துணை முதல்வர் பன்னீர்செல்வம், அமைச்சர்
விஜய பாஸ்கர், சுகாதாரத்துறை செயலர் ராதாகிருஷ்ணன்.
முன்னாள் அமைச்சர்கள், பொன்னையன், மதுசூதனன், மருத்துவர்கள்
உட்பட, 17 பேரிடம், கமிஷனில் குறுக்கு விசாரணை நடத்த, என்னை
அனுமதிக்க வேண்டும்.
இவ்வாறு அதில் கூறியுள்ளார்.
-
-------------------------------------
தினமலர்