பெயர்களில் இத்தனை சுவாரசியமா!

**ayyasamy ram** · **ayyasamy ram** Sat Oct 21, 2017 4:16 pm

-
சென்னை இன்று, காஸ்மோபொலிடன் நகரங்களில் ஒன்று.
நுாறு ஆண்டுகளுக்கு முன்வரை, இது, சிறு சிறு கிராமங்களாக
இருந்தது. பல கிராமங்கள் சேர்ந்தது தான், சென்னை மாநகரம்.

சென்னையில் பல பகுதிகள் உள்ளன. அவற்றின் பெயர், உருவான
பின்னணி சுவாரசியமானது...

சென்னை மாகாண முதல்வராக இருந்த, பனகல் ராஜாவின்
நினைவாக உருவாக்கப்பட்டது தான், தி.நகரில் உள்ள, பனகல் பார்க்.

பல்லவர்கள் ஆட்சி செய்ததால், பல்லவபுரம் என்றழைக்கப்பட்ட
இடம், இன்றைய பல்லாவரம்.

சவுந்தர பாண்டியன் பஜார் என்பதின் சுருக்கமே, பாண்டி பஜார்.

நீதி கட்சி தலைவர், சர். பி.டி.தியாகராஜ செட்டியார் பெயராலேயே,
தியாகராய நகர் பகுதி உருவானது.
மகப்பேறு என்பதே, மருவி முகப்பேர் ஆனது.

கடந்த, 17ம் நூற்றாண்டில், வாழ்ந்த முஸ்லீம் துறவி, குணங்குடி
மஸ்தான் சாகிப். இவரது சொந்த ஊர், ராமநாதபுரம் மாவட்டத்தில்
உள்ள தொண்டி; அதனால் இவரை, தொண்டியார் என்று
பகுதிவாசிகள் அழைத்தனர். அது மருவி, அவர் வசித்த பகுதி,
தண்டயார் பேட்டை என, அழைக்கப்படுகிறது.

ஆடு, மாடுகள் மேயும் திறந்தவெளியாக இருந்த பகுதிதான்,
மந்தைவெளி என்று அழைக்கபடுகிறது.

பூவரச மரங்கள் மிகுதியாக, இருந்த பகுதி, புரசைவாக்கம் ஆனது.
மல்லிகை பூக்கள் அதிகமாக பயிரிடப்பட்ட பகுதி பூவிருந்தவல்லி
ஆனது. இங்கிருந்து தான் திருக்கச்சி நம்பி ஆழ்வார், தினமும்,
பூக்களை பறித்து, காஞ்சி வரதராஜ பெருமாளை வழிபட்டு வந்தார்.
சமஸ்கிருதத்தில், இது புஷ்பகவல்லி என்று அழைக்கப்பட்டது.
பின்னாளில், பூந்தமல்லியாக மாறியது.

**ayyasamy ram** · **ayyasamy ram** Sat Oct 21, 2017 4:16 pm

சையிது ஷா பேட்டை என்பதுதான், சைதாபேட்டையானது.

தாமஸ் பாரி என்பவர் வணிகம் செய்த பகுதி, பாரிமுனை என்ற
பாரிஸ் கார்னர் ஆனது.

மயில் ஆர்ப்பரிக்கும் ஊரே, மயிலாப்பூர் என ஆனது.

திரிசூலநாதர் கோவில் உள்ள பகுதி, திரிசூலம் என்று அழைக்கப்
படுகிறது.

முற்காலத்தில், வேதஸ்ரேணி என, அழைக்கப்பட்ட பகுதி, தற்போது,
வேளச்சேரியாக உள்ளது.

கடந்த, 18ம் நுற்றாண்டில், நவாப் ஒருவரின் கட்டுப்பாட்டில்,
குதிரை வளர்க்கும் பகுதி இருந்தது. அதை உருது மொழியில்
, 'கோடா பாக்' என்றனர். பின்னாளில், அதுவே, கோடம்பாக்கம்
என்றானது.

குரோம் லெதர் பேக்டரி என்பது, தோல் தோழிற்சாலை அதிகம்
இருந்த பகுதி. இதுவே, குரோம்பேட்டை என, அழைக்கப்படுகிறது.

தென்னை மரங்கள் நிரம்பிய பகுதியை, தென்னம்பேட்டை என
அழைத்தனர்; பின்னர், அதுவே, தேனாம்பேட்டையாக மாறியது.

மூங்கில் மரங்கள் அதிகம் இருந்த பகுதி, பெரம்பூர் எனப்படுகிறது.

பல்லவர்கள் காலத்தில், போர்கள் அதிகம் நடந்த பகுதி, போரூர்
எனப்படுகிறது.

அல்லிப்பூக்கள் அதிகம் மலர்ந்த குளத்துக்கு, அல்லிக்கேணி என
பெயர் வந்தது. பின்னர் அது திருவல்லிக்கேணியானது.

வள்ளிசேரி பாக்கம் என்பதே மருவி, வளசரவாக்கம் எனப்படுகிறது.
-
--------------------------------
நன்றி - சிறுவர் மலர்

பெயர்களில் இத்தனை சுவாரசியமா!

பெயர்களில் இத்தனை சுவாரசியமா!

Re: பெயர்களில் இத்தனை சுவாரசியமா!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக