அம்மா! எனக்கொரு கணவன் வேண்டும் ! (ஆப்பிரிக்க நாட்டுப்புறப் பாடல்)

அம்மா! எனக்கொரு கணவன் வேண்டும் ! (ஆப்பிரிக்க நாட்டுப்புறப் பாடல்)


அம்மா! எனக்கொரு கணவன் வேண்டும் !
எந்தமாதிரி ?, என் அன்புக் குழந்தையே!
உண்மையான பிரெஞ்சுக் கணவன் வேண்டுமா?
இல்லை அம்மா! இல்லை!
ஒரு பிரெஞ்சுக்காரன் எனக்கு வேண்டாம் !
அவனது ‘parlez-vous’ போன்ற சொற்கள்-
எனக்கு விளங்காதவை !
நான்-
நம்மைச் சுற்றியுள்ள விவசாயப் பையன்களோடு-
மகிழ்வாக இருக்கிறேன் !


அம்மா! எனக்கொரு கணவன் வேண்டும் !
எந்தமாதிரி, என் அன்புக் குழந்தையே?
உனக்கு உண்மையான டச்சுக்காரன் தேவையா?
இல்லை அம்மா இல்லை!
ஒரு டச்சுக்காரன் எனக்குத் தேவையில்லை!
மரச் செருப்புப்போட்டு என்னால் நடக்கமுடியாது !
நான்-
நம்மைச் சுற்றியுள்ள விவசாயப் பையன்களோடு-
மகிழ்வாக இருக்கிறேன் !


அம்மா! எனக்கொரு கணவன் வேண்டும் !
எந்தமாதிரி, என் அன்புக் குழந்தையே?
உனக்கு ஜெர்மன்காரன் தேவையா?
இல்லை அம்மா இல்லை!
ஜெர்மன்காரன் எனக்கு வேண்டாம் !
பன்றிக்கறியின் ருசி எனக்குப் பிடிக்காது !
நான்-
நம்மைச் சுற்றியுள்ள விவசாயப் பையன்களோடு-
மகிழ்வாக இருக்கிறேன் !


அம்மா! எனக்கொரு கணவன் வேண்டும் !
எந்தமாதிரி, என் அன்புக் குழந்தையே?
உனக்கு விவசாயி மகன் தேவையா?
ஆமாம் அம்மா ஆமாம்!
ஒரு விவசாயிதான் எனக்குத் தேவை!
விவசாயியின் கைகளில்தான் –
நான் சாய்ந்திருக்க விரும்புகிறேன் !
நான்-
நம்மைச் சுற்றியுள்ள விவசாயப் பையன்களோடு-
மகிழ்வாக இருக்கிறேன் !


( ’ Mummy I want a husband ’ என்ற Afrikaans என்ற ஆப்பிரிக்க மொழீ நாட்டுப்புறப் பாடலை ; ஆங்கிலத்திலிருந்து தமிழில் மொழிபெயர்த்தவர் முனைவர் சு. சௌந்தரபாண்டியன் )
Courtesy - dutchsongs.overtuin.net