தமிழக அரசு ஊழியர்களின் சம்பளம் 2.57 மடங்கு உயர்வு

**ayyasamy ram** · **ayyasamy ram** Wed Oct 11, 2017 6:45 pm

சென்னை:
தமிழக அரசு ஊழியர்கள் சம்பளம் 2.57 மடங்கு உயர்த்தப்படுவதாக
தமிழக முதல்வர் பழனிசாமி அறிவித்துள்ளார்.

இது தொடர்பாக முதல்வர் வெளியிட்ட அறிவிப்பில், அரசு
ஊழியர்களின் சம்பளம் 2.57 மடங்கு அதிகரிக்கப்படுகிறது.

குறைந்தபட்ச சம்பளம் ரூ.6.100லிருந்து ரூ.15,700 ஆகவும்,
அதிகபட்ச சம்பளம் ரூ.77 ஆயிரத்திலிருந்து ரூ.2.25 லட்சமாக
அதிகரிக்கப்படுகிறது. இந்த சம்பள உயர்வு 2016ம் வருடத்தை
கருத்தியலாக,1.10.17 முதல் பண பயனுடன்அமல்படுத்தப்படும்.

பென்சன்தாரர்கள்
பென்சன் மற்றும் குடும்ப பென்சன்தாரர்களுக்கும் 2.57 மடங்கு
பென்சன் அதிகரிக்கப்படும். இதன் மூலம் குறைந்தபட்ச
பென்சன் ரூ.7,850 ஆகவும், அதிகபட்ச பென்சன் ரூ.1,12,500 மற்றும்
குடும்ப பென்சன் 67,500ஆகவும் இருக்கும்.ஓய்வு பெறும் போது
வழங்கப்படும்

பணிக்கொடைக்கான அதிகபட்சவரம்பு ரூ.10 லட்சத்திலிருந்து
ரூ.20 லட்சமாக உயர்த்தப்பட்டுள்ளது.

கூடுதல் செலவு

சத்துணவு பணியாளர்கள், அங்கன்வாடி பணியாளர்கள,
கிராம பஞ்சாயத்து செயலர் மற்றும் அனைத்து துறைகளில்
பணியாற்றும் சிறப்பு காலமுறை சம்பளம் பெறும்
பணியாளர்களுக்கு குறைந்த பட்ச சம்பளம் ரூ. 3 ஆயிரமாகவும்,
அதிகபட்ச சம்பளம் ரூ.11 ஆயிரமாகவும் திருத்தியமைக்கப்
பட்டுள்ளது.

தமிழக அரசு தொகுப்பூதியம், நிலையான ஊதியம் மற்றும்
மதிப்பூதியத்தில் உள்ள ஊழியர்களின் நலனை கொண்டு
அவர்களுக்கு குறைந்தபட்சமாக 30 சதவீத சம்பள உயர்வு
வழங்கப்படும்.

இதனால், அரசுக்கு ரூ.14,719 கோடி கூடுதல் செலவு ஏற்படும்.
இதனை அரசே ஏற்று கொள்ளும் இவ்வாறு அவர் கூறியுள்ளார்.
-
------------------------
தினமலர்

**T.N.Balasubramanian** · **T.N.Balasubramanian** Wed Oct 11, 2017 8:11 pm

இதற்கு முந்தைய பதிவில், ram
கும்பகோணம் RTO ஆபீசில் 2.1 லக்ஷம் பணம் பறிமுதல்.
சம்பளத்தை எவ்வளவு உயர்த்தினாலும்,
நாய் போல நக்கி தின்னும் பழக்கம், அதான் லஞ்சப் பணத்தை,
வெட்கம் மானம் இல்லாது வாங்கியே தீருவார்கள் இந்த எச்சை பொறுக்கிகள்.

ரமணியன்

**M.Jagadeesan** · **M.Jagadeesan** Thu Oct 12, 2017 7:09 am

" லஞ்சம் கேட்டால் செருப்பால் அடியுங்கள் ! "

என்று தெலுங்கானா முதலமைச்சர் கூறியிருக்கிறார் .

தமிழ்நாட்டிலும் அப்படி செய்யலாமே ! ஆனால் நிறைய செருப்புகள் தேவைப்படும் .

**ayyasamy ram** · **ayyasamy ram** Thu Oct 12, 2017 8:04 am

தேனை வழிப்பவன் புறங்கையை நக்காமல் இருக்க மாட்டான்...!
-
தலைமைப் பொறுப்பில் இருப்பவர்கள், உயரதிகாரிகள்
மற்றும் அமைச்சர்கள் லஞ்சம் பெறாமல் இருந்தால்தான்
கீழ்நிலை பணியாளர்கள் திருந்துவார்கள்.....

Sponsored content · Sponsored content

தமிழக அரசு ஊழியர்களின் சம்பளம் 2.57 மடங்கு உயர்வு

தமிழக அரசு ஊழியர்களின் சம்பளம் 2.57 மடங்கு உயர்வு

Re: தமிழக அரசு ஊழியர்களின் சம்பளம் 2.57 மடங்கு உயர்வு

Re: தமிழக அரசு ஊழியர்களின் சம்பளம் 2.57 மடங்கு உயர்வு

Re: தமிழக அரசு ஊழியர்களின் சம்பளம் 2.57 மடங்கு உயர்வு

Re: தமிழக அரசு ஊழியர்களின் சம்பளம் 2.57 மடங்கு உயர்வு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக