தமிழகத்தில் முதன்முறையாக நடமாடும் அஞ்சலகம் அறிமுகம்

by **T.N.Balasubramanian** Wed Oct 11, 2017 9:09 am

தமிழகத்தில் முதன்முறையாக நடமாடும் அஞ்சலகம் அறிமுகம்

சென்னை:தமிழக அஞ்சல் துறையில், முதன்முறையாக, நடமாடும் அஞ்சலகம், சென்னையில் நேற்று, செயல்பாட்டுக்கு வந்துஉள்ளது.

தமிழகத்தில் முதன்முறையாக நடமாடும் அஞ்சலகம் அறிமுகம் 1oF5vbfiTv2KHf5wLcpI+Tamil_News_large_1872811_318_219

தமிழகத்தில் முதன்முறையாக நடமாடும் அஞ்சலகம் அறிமுகம் 1oF5vbfiTv2KHf5wLcpI+Tamil_News_large_1872811_318_219

தேசிய அஞ்சல் வாரம், அக்., 9 - 14 வரை கொண்டாடப்படுகிறது. இதன் ஒரு பகுதியாக, அஞ்சல் தினமான நேற்று, தமிழக அஞ்சல் துறை சார்பில், நடமாடும் அஞ்சல் அலுவலகம் அறிமுகம் செய்யப்பட்டு உள்ளது.இதை அறிமுகம் செய்து, தமிழக அஞ்சல் துறை தலைவர், சம்பத் பேசியதாவது:

அஞ்சல் துறையில் முதன்முதலாக, 1949ல், மஹாராஷ்டிரா மாநிலம், நாக்பூரில், நடமாடும் அஞ்சலகம் அறிமுகம் செய்யப்பட்டது. 1973ல், இந்தியாவில், 18 முக்கிய நகரங்களில், நடமாடும் அஞ்சலகம் செயல்பட்டது. 1996ல், இத்திட்டம் கைவிடப்பட்டது.தற்போது, மக்களின் தேவைக்கேற்ப, தமிழகத்தில், முதன்முதலாக,நடமாடும் அஞ்சலகம் அறிமுகம் செய்யப்படுகிறது.

இந்த அலுவலகம் தென் சென்னை, பரங்கிமலையை மையமாக கொண்டு இயங்கும். தினமும், மதியம், 12:00 மணி முதல், இரவு, 8:00 மணி வரை செயல்படும்.அஞ்சல் துறையின் சேவைகளான, தபால் தலை விற்பனை, விரைவு தபால், பதிவு தபால், மணி ஆர்டர் உள்ளிட்ட, பிற சேவைகளை, மக்கள் பயன்படுத்தி கொள்ளலாம். மேலும், 'என் அஞ்சல் தலை' என்ற திட்டமும், இந்த நடமாடும் அஞ்சலகத்தில் செயல்படுத்தப்படும். இந்த சேவையை, மக்கள் பயன்பாட்டிற்கேற்ப விரிவாக்கம் செய்யப்படும். இவ்வாறு அவர் கூறினார்.

இந்நிகழ்ச்சியில் சென்னை, மண்டல தபால் துறை தலைவர், ஆனந்த், தமிழக தபால், வணிக விரிவாக்கத் துறை தலைவர், வெங்கடேஷ்வரலு உள்ளிட்டோர் பங்கேற்றனர்.

நன்றி தினமலர்

ரமணியன்

by **T.N.Balasubramanian** Wed Oct 11, 2017 9:12 am

இது தவறான தகவல்.
1960 களிலேயே நடமாடும் தபால் வண்டிகள் ( mobile post office ) இருந்தன.
அக்காலங்களில் நான் பூக்கடை என்னும் George Town பகுதியில் இருந்து
இந்த சேவைகளை பயன் படுத்தி உள்ளேன். எனது நண்பரின் சகோதரர்
அதில் வேலை செய்துள்ளார்.

ரமணியன்

by **M.Jagadeesan** Wed Oct 11, 2017 1:03 pm

1970 களில் மைலாப்பூர் லஸ் கார்னர் , தி .நகர் . பனகல் பார்க் ஆகிய இடங்களில் நடமாடும் அஞ்சலக சேவை இருந்தது . இரவு நேரங்களில் 8 மணி வரையில் இருக்கும் .

by **T.N.Balasubramanian** Wed Oct 11, 2017 8:25 pm

1960 களிலேயே நடமாடும் தபால் வண்டிகள் ( mobile post office ) இருந்தன. அக்காலங்களில் நான் பூக்கடை என்னும் George Town பகுதியில் இருந்து இந்த சேவைகளை பயன் படுத்தி உள்ளேன். எனது நண்பரின் சகோதரர் அதில் வேலை செய்துள்ளார்.

.

இது இன்றைய தினமலரிலும் கருத்துக்கள் பகுதியில் பதிவாகி உள்ளது .

ரமணியன்

by சிவனாசான் Thu Oct 12, 2017 8:55 am

அஞ்சல் துறையின் வருவாயை பெருக்க இப்படி ஓர்சேவை செயவதை வரவேற்போம்.பயன்பெறுவோமாக>>>>

by சிவனாசான் Thu Oct 12, 2017 8:59 am

வீட்டு சாமான்களையும் தற்போது எடுத்து செல்லும் திட்டமும் கொண்டுவர
ஏற்பாடுகள் செய்யப்படுகின்றன.அரசு ஊழியர்கள் மற்றும்பொது மக்கள்
பயன்பெறுவார்கள். நல்ல திட்டம் வரவேற்போம் பயன்படுத்திகொள்வோம்.