ரயில்வேயில் வி.ஐ.பி., கலாசாரம் ஒழிப்பு: மத்திய அரசு அதிரடி

**ayyasamy ram** · **ayyasamy ram** Mon Oct 09, 2017 6:03 am

-
புதுடில்லி:
ரயில்வே துறையில் வி.ஐ.பி., கலாசாரத்தை ஒழிக்கும் வகையில்,
ரயில்வே வாரிய தலைவர் வரும் போது பூங்கொத்து
கொடுப்பதற்கும், ஊழியர்களை அதிகாரிகள் வீட்டில் பணி
புரிவதற்கும் மத்திய அரசு தடை விதித்துள்ளது.

உத்தரவு

மத்திய அரசு விஐபி கலாசாரத்தை ஒழிக்கும் வகையில்
பல நடவடிக்கைகளை எடுத்து வருகிறது. இதன் ஒரு பகுதியாக
சமீபத்தில் ரயில்வே அமைச்சராக பொறுப்பேற்ற
பியூஸ் கோயலும் ரயில்வே துறையில் விஐபி கலாசாரத்தை
ஒழிக்கும் வகையில் பல உத்தரவுகளை பிறப்பித்துள்ளார்.

இது குறித்து கடந்த செப்டம்பர் 28 ம் தேதி அனுப்பப்பட்ட
சுற்றறிக்கையில் கூறப்பட்டுள்ளதாவது:

ரயில்வே வாரிய தலைவர் மற்றும் வாரிய உறுப்பினர்கள் ஆய்வுக்காக
வரும் போது, ரயில் நிலைய மேலாளர், உயர் அதிகாரிகள்
பூங்கொத்துகள், பரிசு வழங்கக்கூடாது.

உயர் அதிகாரிகள் வீட்டில் ரயில்வே ஊழியர்கள் பணிபுரிய தடை
விதிக்கப்பட்டுள்ளது. அதிகாரிகள், தங்கள் வீட்டில் பணிபுரியும்
ரயில்வே ஊழியர்களை உடனடியாக திருப்பி அனுப்ப வேண்டும்.

உயர் அதிகாரிகள் அதிக கட்டணம் மற்றும் சொகுசு வகுப்பு
பெட்டிகளில் பயணம் செய்வதை விட்டுவிட்டு, 3 அடுக்கு,
படுக்கை வசதி கொண்ட பெட்டிகளில் பயணம் செய்ய வேண்டும்.

பயணிகளுடன் கலந்து அவர்களின் பிரச்னைகளை அறிய வேண்டும்
என்பன உள்ளிட்ட பல உத்தரவுகள் பிறப்பிக்கப்பட்டுள்ளன.
-
தற்போது 30 ஆயிரம் தண்டவாள பராமரிப்பாளர்கள் உயர் அதிகாரிகள்
வீட்டில் பணிபுரிந்து வருவதாக கூறிய அதிகாரிகள், கடந்த ஒரு மாதத்தில்,
மட்டும் உயர் அதிகாரிகள் வீட்டில் பணிபுரிந்தவர்களில்
6 ஆயிரம் முதல் 7 ஆயிரம் பேர் வரை திருப்பி அழைக்கப்பட்டுள்ளனர்.

இதில் யாருக்கும் விலக்கு கிடையாது என அதிகாரிகள் கூறினர்.
----------------------
தினமலர்

ரயில்வேயில் வி.ஐ.பி., கலாசாரம் ஒழிப்பு: மத்திய அரசு அதிரடி

ரயில்வேயில் வி.ஐ.பி., கலாசாரம் ஒழிப்பு: மத்திய அரசு அதிரடி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக