ஏனென்றால் நீ ஆண்! (பொலீவியப் பாடல்)

**Dr.S.Soundarapandian** · **Dr.S.Soundarapandian** Wed Oct 04, 2017 10:38 pm

ஏனென்றால் நீ ஆண்! (பொலீவியப் பாடல்)

அவள் கடினப்பட்டு வேலை பார்க்கிறாள்!
ஏனென்றால்-
அவள் கணவனின் சோம்பலை –
அவள் ஈடுகட்ட வேண்டியுள்ளது!
வீட்டில் அவன் ஒரு-
திறமை எதுவும் இல்லாதவன்!
வெற்றுப் பந்தாக்காரன்!
ஆனாலும் –
வீட்டில் அவன்தான் தலைவன்! –
ஏனென்றால் அவன் ஆண்!

ஒரு பாடல் எழுதப்பட்டுள்ளது என்றால்-
அதை யாரோ ஆள்தான் எழுதியிருக்கவேண்டும்!
அவள் அதை ஒரு தாளில் பதிவுதான் செய்தாள்!
ஆனால்-
எழுதியவர் இன்னார் என்று தெரியாதபோது-
அதை அவன்தான் எழுதினான் என்று ஏன் சொல்கிறார்கள்?
ஏனென்றால் –
அவன் ஆண்!

தெளிவான புத்திசாலிப்பெண் ஒருத்தி –
தேர்தலில் வாக்களிக்க முடியாது !
ஆனால்-
கொடூரக் குற்றவாளி வாக்களிக்கலாம் !
ஏனென்றால்-
அவன் ஆண்!

அவனுக்குக் கையெழுத்துப்போடத் தெரிந்தால் போதும் !
முட்டாளாக இருந்தாலும் அவன் ஓட்டுப்போடலாம் !
ஏனெனில்-
அவன் ஆண்!

அவன்-
பாவம் செய்கிறான் !
குடிக்கிறான் !
சூதாடுகிறான்!
அவள் –
கஷ்டப்படுகிறாள்!
போராடுகிறாள்!
பிரார்த்தனை செய்கிறாள்!
அவளை-
உறுதியில்லாத பாலினத்தவள் என்கிறோம்!
அவனை-
உறுதிமிகு பாலினத்தவன் என்கிறோம்!
ஏனென்றால்- அவன் ஆண்!

அவன் பொறுப்பில்லாத செயல் செய்தாலும்,
அவள்-
அவனை மன்னிக்கவேண்டும் !
அவனும்-
தனக்குத்தானே மன்னிப்பு வழங்கிக்கொள்ளலாம் !
இதேபோன்ற நிலை அவளுக்கு வந்தால்-
அவனுக்கு-
அவளைக் கொலை செய்யக்கூட அனுமதி !
ஏனென்றால்-
அவன் ஆண்!

ஒருநாள் நீயும் அழிவாய் என்றாலும்-
ஓ ஆணே!-
நீ வாழ்நாள் முழுதும்-
எல்லா வசதிகளையும் அனுபவிக்கிறாய் !
எல்லா மதிப்புகளையும் பெறுகிறாய் !-
இதற்கெல்லாம் நீ ஒரு -
ஆணாய்ப் பிறந்தால் போதும்!

( ‘To be born a man’என்ற Bolivian மொழிப்பாடலை எழுதியவர் Adela Zamudio (1854-1928)என்ற பொலீவியப் பெண் கவிஞர்; ஆங்கிலத்திலிருந்து தமிழில் மொழிபெயர்த்தவர் முனைவர் சு.சௌந்தரபாண்டியன்)

ஏனென்றால் நீ ஆண்! (பொலீவியப் பாடல்)

ஏனென்றால் நீ ஆண்! (பொலீவியப் பாடல்)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக