எவ்வளவு சொன்னாலும் விளங்காது ! (ஸ்பானிஷ் பாடல்)

எவ்வளவு சொன்னாலும் விளங்காது ! (ஸ்பானிஷ் பாடல்)

போராட்ட முழக்க அட்டை!
போராட்ட முழக்க அட்டை!
வாழ்க்கையின் எல்லா நாட்களும் –
இதை நான் கையில் வைத்திருக்கிறேன் !

டெக்சாஸிலிருந்து-
கலிபோர்னியா வரை,
டெக்சாஸிலிருந்து-
கலிபோர்னியா வரை
பண்ணை உழைப்பாளிகள்-
போராடுகிறார்கள்!
விவசாயிகள்-
அடிபணிந்து விட்டார்கள்!
போராட்டத்திலிருந்து-
அவர்கள்-
கழன்றுகொள்கிறார்கள்!

ஒரு அத்தை மகன்
வாய்க்காலில் நீர் பாய்ச்சச் சென்றுவிட்டார் !
அவர் ஒரு நாள் –
பகருலோ போகிறார்!
இன்னொரு நாள் –
சனினோவிச்சஸ் போகிறார் !

போராட்ட முழக்க அட்டை!
போராட்ட முழக்க அட்டை!

எவ்வளவு புத்தி சொன்னாலும்-
சிலருக்கு விளங்குவதில்லை !

போராட்டம் ஒவ்வொருவருக்கும் நல்லது !
ஆனால் –
சிலருக்கு அது புரிவதில்லை!
அவர்கள்-
முட்டாள்தனமாக நடந்துகொள்கிறார்கள்!

என்னைச் சிலர் மண்டைக்கனம் பிடித்தவன் என்கிறார்கள்!
சிலர் –
’கூச்சல் போடுபவன்’ என்கிறார்கள்!
சிலர் –
‘தூண்டிவிடுபவன்’ என்கிறார்கள்
ஆனால் –
என் மாமா – ஜுவாரெஸ்
என் மாமனார் – ஸபடா
இருவரும் இப்போது-
எல்லாத் தொழிலாளர்களையும் திரட்டுகிறார்கள்!
ஏனென்றால் –
பலர் அப்பத்தை-
மிளகாயைக் கடித்துக்கொண்டு சாப்பிடுகிறார்களே!

நாங்கள் போராடுகிறோம் ! போராடுகிறோம் !
பல ஆண்டுகளாகப் போராடுகிறோம் !
இந்தப் போராட்டம் மூலம் போராடுகிறோம் !
பலர் தோற்றுப்போகிறார்கள்!
பலர்-
எப்போதோ வீழ்ந்துவிட்டார்கள்!

(’The Picket Sign’ என்ற பாடலை ஸ்பானிஷ் மொழியில் எழுதியவர் - Luis Valdez ;ஸ்பானிஷ் மொழியிலிருந்து ஆங்கிலத்தில் மொழிபெயர்த்தவர் - Abby Rivera ; ஆங்கிலத்திலிருந்து தமிழில் மொழிபெயர்த்தவர் முனைவர் சு.சௌந்தரபாண்டியன் )
Courtesy - libraries.ucsd.edu