பர்தா அணிந்த ஹிந்து பெண்ணால் விமான நிலையத்தில் சலசலப்பு

**ayyasamy ram** · **ayyasamy ram** Sun Oct 01, 2017 7:09 am

புதுடில்லி:
ஹிந்து பெண் ஒருவர், பர்தா அணிந்து வந்திருந்தது,
டில்லி விமான நிலைய பாதுகாப்பு அதிகாரிகள் இடையே,
சலசலப்பு நிலவியது.

டில்லி விமான நிலையத்தில், சமீபத்தில் மும்பைக்கு செல்லும்
விமானத்தில் பயணம் செய்வதற்காக, 43 வயது பெண் ஒருவர்,
உடலை மறைக்கும் வகையில், முஸ்லிம் பெண்கள் அணியும்,
பர்தா அணிந்து வந்திருந்தார்.

அவருடைய பயணச்சீட்டை பரிசோதித்தபோது, மத்திய
பிரதேசத்தைச் சேர்ந்த, ஹிந்து பெண் பெயர் இருந்தது.
அந்த பெண்ணுடன், வளைகுடா நாடான, ஐக்கிய அரபு
எமிரேட்சின் ஜட்டாவைச் சேர்ந்த முஸ்லிம் ஆணும்
இருந்தார்.

இது, விமான நிலைய அதிகாரிகளுக்கு, பெரும் குழப்பமாக
இருந்தது. உடனடியாக, பாதுகாப்பு அதிகாரிகளுக்கு தகவல்
கொடுக்கப்பட்டது. புலனாய்வு அமைப்பினரும்
வரவழைக்கப்பட்டனர். அவர்களுடைய பைகளை சோதித்த
போது, அதில் ஆட்சேபகரமான பொருட்கள் ஏதுமில்லை.

பர்தா அணிந்து வந்ததற்கான காரணத்தை, அந்த ஹிந்து
பெண் கூறவில்லை. அவர்கள் குறித்த தகவல்களை பெற்று,
பயணம் செய்வதற்குஅனுமதிக்கப்பட்டது.

சமீபத்தில், இதே போன்று ஒரு சம்பவம், டில்லி விமான
நிலையத்தில் நடந்துள்ளது. தாயுடன் விமான நிலையத்துக்கு
வந்த, ஒரு ஹிந்து பெண் திடீரென காணாமல் போய்விட்டார்.

அதே நேரத்தில், மற்றொரு விமானத்தில், பர்தா அணிந்த,
ஒரு ஹிந்து பெண் பயணம் செய்வதற்காக வந்தது
தெரியவந்தது.

விசாரணையில், தன் காதலனுடன் தப்பி செல்வதற்காக,
மறைத்து வைத்திருந்த பர்தாவை அணிந்து கொண்டதாக,
அந்த பெண் கூறினார். அவருக்குஅறிவுரை வழங்கி, பாதுகாப்பு
அதிகாரிகள் அனுப்பி வைத்தனர்.
-
----------------------------
தினமலர்

பர்தா அணிந்த ஹிந்து பெண்ணால் விமான நிலையத்தில் சலசலப்பு

பர்தா அணிந்த ஹிந்து பெண்ணால் விமான நிலையத்தில் சலசலப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக