வீரியம் கொண்டோர் !(பிரிட்டானி நாட்டுப்புறப் பாடல்)

வீரியம் கொண்டோர் !(பிரிட்டானி நாட்டுப்புறப் பாடல்)

நாங்கள் தாம் பிரெட்டன்ஸ் !
நாங்கள் எங்கள் நாட்டை நேசிக்கிறோம் !
எங்கள் நாட்டுப்பற்று – அது உலகறிந்தது !

எங்கள் புகழ்பூத்த முன்னோர்கள்-
அச்சமில்லாமல் –
நட்ட நடுப் போர்க்களத்தில் நின்று -
இரத்தம் சிந்தியவர்கள்!
நாட்டுக்காக இரத்தம் சிந்தியவர்கள்!

ஓ! பிரிட்டனி !
எனது நாடே! உன்னை-
நான் மிகவும் நேசிக்கிறேன்!
எங்கள் நாட்டைக் –
கோட்டையைப் போல –
கடல் சூழ்ந்திருக்கும் வரை-
நாங்கள் சுதந்திரமாக இருப்போம் !

பிரிட்டனி-
பழம் துறவியர் பூமி !
கவிஞர்கள் நாடு!
எங்கள் நாட்டைப்போல –
நான் நேசிக்கக் கூடிய -
வேறு நாடு உலகில் எதுவுமே இல்லை !

எங்கள் நாட்டின் -
ஒவ்வொரு மலையும்,
ஒவ்வொரு பள்ளத்தாக்கும்,
என் நெஞ்சைக் கவர்ந்தவை!
இங்கு அமைதியாய் உள்ளார்கள்-
எண்ணற்ற பிரெட்டன் வீரர்கள்!

பிரெட்டானியர் வலுவனோர்!
பிரெட்டானியர் உறுதியானவர்கள்!
ஆகாயத்திற்குக் கீழே – நீங்கள் எடுத்துக்கொண்டால்-
பிரெட்டானியர் போல வீரியமானோர்-
இல்லவே இல்லை!
அவர்கள் –
வருத்தமக இருந்தாலும் –
ஆனந்தப் பாட்டுப் பாடும்போதும் –
உறுதியானவரே!
ஆஹா! என் தாய் நாடே!
நீதான் எவ்வளவு அழகு!

உண்மைதான் !-
அந்தக்காலப் போரில் நாங்கள் தோற்றுள்ளோம்!
ஆனால் –
அதன் நாக்கு மட்டும் –
உயிருடன் துடித்துக்கொண்டுதான் இருக்கும்-
எப்போதும் !
அதன் வீரிய இதயமானது-
நெஞ்சில் துடித்துக்கொண்டுதான் இருக்கும் !
பிரிட்டானியே !-
நீ இப்போது விழித்துக்கொண்டுள்ளாய் !


(Brittany என்பது பிரான்ஸின் வடமேற்குப் பகுதி; Brittany மக்கள் Bretons எனப்படுகின்றனர்.)
(பிரெட்டன் மொழி நாட்டுப்புறப் பாடலை ஆங்கிலத்திலிருந்து தமிழில் மொழிபெயர்த்தவர் முனைவர் சு.சௌந்தரபாண்டியன்)
Courtesy - lyricstranslate.com