கக்கனுக்குப் பேரன் என்பதே பெரும் பாக்கியம்! - ஹரிசேகரன் ஐ.பி.எஸ்.

-
வற்றாத உற்சாகம்; பேச்சில் வேகம்; செயல்பாட்டில் விவேகம் 
கலந்த நிதானம் என்று கர்நாடக மாநிலத்தில் உழைத்துக் 
கொண்டிருந்த தமிழ்நாட்டைச் சேர்ந்த காவல்துறை 
அதிகாரியான ஹரிசேகரனுக்கு அமெரிக்க கௌன்ஸலேட்டின் 
பாராட்டுக்குரிய சர்வதேச விருது கிடைத்திருப்பதில் பல 
சந்தோஷங்கள் காரணம், அவர் ஒரு தமிழர்.
-
நான் கக்கனின் பேரன் என்பதே பெரும் பாக்கியம்.
 என்னுடைய அப்பா பழனிமுத்து பெரம்பலூரில் முதல் 
எம்.எல்.ஏ., சுயேச்சையாகத் தேர்ந்தெடுக்கப்பட்டவர். 
பஸ் உரிமையாளர். இருபத்தாறு வயசிலேயே எம்.எல்.ஏ., 
ஆனவர். 

இன்னமும் ஊரில் எங்களுடைய வீட்டை எம்.எல்.ஏ. வீடு 
என்றுதான் சொல்வார்கள். ஊரில் நான் படித்தது அரசுப்
பள்ளியில், ஐ.பி.எஸ். தேர்வை விடாமல் எழுதினேன். 
தேர்ச்சியடைந்ததும், கர்நாடக கேடரில் வேலை.

அப்போது வீரப்பனை பிடிப்பதற்கான ஆபரேஷன் 
துவங்கியிருந்தது. ராஜ்குமார், கடத்தலுக்குப் பிறகுதான் நான் 
அங்கே போனேன். தமிழ்நாடு தரப்பில் ஏற்கெனவே விஜயகுமார் 
இருந்தார். தேவாரம் இருந்தார். கர்நாடகப் படை தரப்பில் 
தமிழ்நாட்டை சேர்ந்த நான் பணியாற்றினேன்.

வீரப்பனால் அப்போது கொல்லப்பட்ட அதிகாரிகளில் ஒருவர் 
ஹரிகிருஷ்ணா அவர் கொல்லப்பட்ட சமயம் நான் அங்கு 
நுழைந்ததும் ஹரிகிருஷ்ணாவுக்கும் ஹரி சேகரனாகிய 
எனக்கும் இடையில் பெயர்க் குழப்பகம் ஏற்பட்டு சில சங்கடங்கள் 
நிகழ்ந்தன.

வீரப்பனைப் பிடிப்பதற்காக நடந்த ஆபரேஷனில் என்னுடைய 
ரோலை திருப்திகரமான முறையில் நான் செய்தேன் அதற்காக 
கர்நாடக அரசு என்னை கௌரவித்தது என்றவர், நக்ஸல்களை 
ஒடுக்குவதில் மனிதாபிமானத்தோடு தான் செயல்பட்டவிதம்; 
காவிரிப் பிரச்னையில் தமிழக - கர்நாடக எல்லையோர 
பிரச்னைகளை சாமர்த்தியமாக சமாளித்தது; 

அதற்கு தனக்கு மக்கள் அளித்த ஒத்துழைப்பு என்று ஒரு புத்தகம் 
எழுதும் அளவிற்கு தன் அனுபவங்களை அடுக்கினார் ஹரிசேகரன்.

அமெரிக்க அரசு விருது கொடுத்திருப்பது பற்றிக் கேட்டதும் 
புத்துணர்ச்சியுடன் பேசினார்.

அமெரிக்க கௌன்ஸலேட் முக்கியப் பிரச்சினை ஒன்றிற்காக 
கர்நாடக அரசை நாடினார்கள். விசா வழங்குவதில் ஏதோ கோளாறு 
நடக்கிறது என்று அவர்களுக்குச் சில சந்தேகங்கள் 

குழந்தைகள் இங்கிருந்து அமெரிக்காவுக்குக் கடத்தப்படுகின்றன. 
அதற்காக ஆள்மாறாட்டம் பண்ணுகிறார்கள் எனறு புகார்கள் 
அவர்களிடம் குவிந்திருந்தன.

இந்தப் பிரச்சினை என் கவனத்துக்க வந்ததும் ஸ்பெஷல் டீம் 
உருவானது ஒரு கும்பல் திட்டமிட்டு பெற்றோர், குழந்தைகள் என்று 
சிலரை ஆள்மாறாட்டம் செய்து அமெரிக்காவுக்குக் கடத்துவதக் 
கண்டுபிடித்தோம். பல மாநிலங்களை ஒருங்கிணைத்து இந்த 
மோசடி நீடித்துக் கொண்டிருந்தது. 

அதை அமெரிக்க அரசுக்கு ஒரு ரிப்போர்ட்டாக அளித்தோம்.
 விசா வழங்குவதில் இருந்த சில ஓட்டைகளை வைத்து நடந்த 
மோசடி இப்போது தடுத்து நிறுத்தப்பட்டிருக்கிறது. 

இதை கௌரவிக்கும் விதமாகத்தான் என்னுடைய குழுவைப் பிரதி 
நிதித்துவப் படுத்தி எனக்கு சர்வதேச விருதைக் 
கொடுத்திருக்கிறார்கள் உரிய மரியாதையையும் 
கொடுத்திருக்கிறார்கள். இருபது ஆண்டுகால உழைப்புக்குக் 
கிடைத்த மதிப்பு இது சிரித்தபடி சொல்கிற இவர், 
கக்கினன் பேத்தியான தேவியைத் திருமணம் செய்திருக்கிறார்.
-
-------------------------
நன்றி -
- அகில் அரவிந்தன்-குமுதம்
பிற இதழ்கள் - வாரமலர்
படம் - தினத்தந்தி