அரசியலில் விவகாரம் : துணை ஜனாதிபதி, ஜனாதிபதியுடன் தமிழக கவர்னர் அடுத்தடுத்து ஆலோசனை

**ayyasamy ram** · **ayyasamy ram** Mon 18 Sep 2017 - 20:46

புதுடெல்லி

தமிழக அரசியலில் பரபரப்பு சூழ்நிலை நிலவி வருகிறது.
அ.தி.மு.க எம்.எல்.ஏக்கள் கொறடாவின் அனுமதியின்றி
கவர்னரை சந்தித்தற்காக, தினகரன் ஆதரவு 18 எம்.எல்.ஏக்கள்
தகுதி நீக்கம் செய்ய வேண்டும் என்று சபாநாயகர்
தனபாலுக்கு, கொறடா ராஜேந்திரன் பரிந்துரை செய்திருந்தார்.

இதையடுத்து, தினகரன் ஆதரவு எம்.எல்.ஏ-க்கள் 18 பேரை
தகுதி நீக்கம் செய்து இன்று சபாநாயகர் தனபால் உத்தரவிட்டார் .
இதைத்தொடர்ந்து, நாளை மாலை தி.மு.க எம்.எல்.ஏ-க்களும்,
நாளை மறுநாள் காங்கிரஸ் எம்.எல்.ஏ-க்களும் முக்கிய
ஆலோசனையில் ஈடுபட உள்ளனர். இதனால், தமிழக அரசியலில்
பரபரப்பு நிலவி வருகிறது.

இந்நிலையில், டெல்லியில் மத்திய உள்துறை அமைச்சர்
ராஜ்நாத் சிங்குடன், தமிழகத்தின் பொறுப்பு கவர்னர்
வித்யாசாகர் ராவ் சந்தித்து ஆலோசனை நடத்தினார்.

அப்போது, தமிழகத்தில் நிலவும் அரசியல் சூழல் குறித்து இருவரும்
ஆலோசனை நடத்தியதாகக் கூறப்படுகிறது. அடுத்து தமிழக
அரசியல் நிலவரம் குறித்து ஆலோசனை நடத்துவதற்காக ஜனாதிபதி
ராம்நாத் கோவிந்தை வித்யாசாகர் ராவ் சந்தித்து பேசினார்.
-
----------------
தினத்தந்தி

**M.Jagadeesan** · **M.Jagadeesan** Mon 18 Sep 2017 - 20:57

எவ்வளவுதான் பிரதமர் மோடியும் , கவர்னர் ராவும் முட்டுக்கொடுத்து எடப்பாடியைக் காப்பாற்றினாலும் , அடுத்த ஆறு மாதத்தில் , காலியான தொகுதிகளுக்குத் தேர்தல் நடத்தியாக வேண்டுமே ! அந்த 18 தொகுதியிலும் சுடாலின் கட்சி வந்துவிட்டால் , மீண்டும் DMK ஆட்சி மலர்ந்துவிடுமே ! இதை உணராமல் போனது ஏன் ?

அரசியலில் விவகாரம் : துணை ஜனாதிபதி, ஜனாதிபதியுடன் தமிழக கவர்னர் அடுத்தடுத்து ஆலோசனை

அரசியலில் விவகாரம் : துணை ஜனாதிபதி, ஜனாதிபதியுடன் தமிழக கவர்னர் அடுத்தடுத்து ஆலோசனை

Re: அரசியலில் விவகாரம் : துணை ஜனாதிபதி, ஜனாதிபதியுடன் தமிழக கவர்னர் அடுத்தடுத்து ஆலோசனை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக