ஆறு உனக்குள் ஓடுகிறது ! (தென் கொரியாப் பாடல்)

**Dr.S.Soundarapandian** · **Dr.S.Soundarapandian** Wed Sep 20, 2017 8:32 pm

ஆறு உனக்குள் ஓடுகிறது ! (தென் கொரியாப் பாடல்)

உனக்கென்று ஒரு வழியை அமைத்தால்,
அந்த வழி உன் இதயத்தில் நிற்கிறது!
உன்னால் முடிந்தால் நீ அதைத் தாங்கி நட!
தாங்கி நட ; அதை நம்பி நட!-
முழுதாய் நம்பி நட!

உனக்குள் ஓடும் ஆறு , அந்த ஆறு –
அது உன்னைப் பற்றியபடி ஓடும் ஆறு !;
மெதுவாய் , மிக மெதுவாய் ஓடும் ஆறு !

எனக்குள் ஓர் ஆறு ஓடுகிறது !-
அது உன்னைப் பிடித்தபடி ஓடுகிறது !
உனக்குள் ஆறு ஓடுகிறது;உன்னிடத்தில் ஓடுகிறது !
நான் உன்னுள் ஓடும் ஆற்றுக்கு வருவேனா?மாட்டேனா?

என் இதயத்தை உன்னிடம் விட்டெறிய விரும்புகிறேன் !
உன்னை எப்போதும் சிந்திக்க அதுதான் நல்ல வழியாகும் !

உன்னால் முடிந்தால்- உன்னிடம் வந்த என் இதயத்தைக் கொஞ்ச நேரம்
உன்னிடமே இருக்கவிடு !
உன் இதயத்தை அதற்குள் நுழைத்துவிடு !

(South Korean song by Yiruma; தமிழில் மொழிபெயர்த்தவர் – முனைவர் சு.சௌந்தரபாண்டியன்)