மக்களவை தேர்தலில் மதிமுகவுக்கு ஒரு சீட் ஒதுக்கீடு - தனிச்சின்னத்தில் போட்டி

**ayyasamy ram** · **ayyasamy ram** Fri 8 Mar 2024 - 20:58

--
மக்களவை தேர்தல் தேதி அறிவிக்கப்பட உள்ள நிலையில்,
தமிழ்நாட்டில் திமுக தலைமையிலான கூட்டணி கட்சியினர்
தொகுதி பங்கீட்டில் தீவிரம் காட்டி வருகின்றனர்.

ஏற்கெனவே, திமுக கூட்டணியில் இந்திய யூனியன் முஸ்லீம் லீக்
கட்சிக்கு ராமநாதபுரமும், கொங்கு நாடு மக்கள் தேசிய கட்சிக்கு
நாமக்கல் தொகுதியும் ஒதுக்கப்பட்டுள்ளது. இதே போன்று
கம்யூனிஸ்ட் கட்சிகளுக்கு தலா இரண்டு இடங்கள் ஒதுக்கப்பட்ட
நிலையில், எந்தெந்த தொகுதிகள் என்ற விவரம் அறிவிக்கப்படவில்லை.

இந்நிலையில், சென்னை அண்ணா அறிவாலயத்தில் முதலமைச்சர்
மு.க.ஸ்டாலினை மதிமுக பொதுச்செயலாளர் வைகோ சந்தித்தார்.
அப்போது, திமுக கூட்டணியில் மதிமுகவிற்கு ஒரு இடம்
ஒதுக்கியதற்கான ஒப்பந்தம் கையெழுத்தானது.

பின்னர் செய்தியாளர்களை சந்தித்த அவர், திமுக கூட்டணியில்
மதிமுக தனிச்சின்னத்தில் போட்டியிட இருப்பதாக கூறினார். மேலும்,
“இந்தியா கூட்டணிக்கு தமிழகத்தில் தலைமை தாங்கும் திமுகவை
வலுப்படுத்தவற்கு அனைத்து சக்திகளையும் பயன்படுத்துவோம்.
இனி நிரந்தரமாக திமுகவுக்கு பக்கபலமாக இருப்போம்.

மக்களவை தேர்தலில் எங்களுக்கு ஒரு தொகுதி ஒதுக்க உறுதி
செய்யப்பட்ட போதிலும், எந்த தொகுதி என்பது இறுதி செய்யப்
படவில்லை. இது குறித்து மற்றக்கட்சிகளுடன் சேர்ந்து பேசியப்பின்
முடிவு எடுக்கப்படும். ராஜ்யசபா சீட் தொடர்பாக தற்போது எதுவும்
பேசவில்லை.

ராஜ்யசபா தேர்தலுக்கு 15 மாதங்கள் உள்ளதால், தற்போது அதை
பற்றி பேசும் அவசியம் இல்லை” என்று கூறினார்.

-நியூஸ் 18

**Dr.S.Soundarapandian** · **Dr.S.Soundarapandian** Sat 9 Mar 2024 - 16:20

“இனி நிரந்தரமாக திமுகவுக்கு பக்கபலமாக இருப்போம்.”- வை கோ
ஓரக்கண் பார்வை

மக்களவை தேர்தலில் மதிமுகவுக்கு ஒரு சீட் ஒதுக்கீடு - தனிச்சின்னத்தில் போட்டி

மக்களவை தேர்தலில் மதிமுகவுக்கு ஒரு சீட் ஒதுக்கீடு - தனிச்சின்னத்தில் போட்டி

Re: மக்களவை தேர்தலில் மதிமுகவுக்கு ஒரு சீட் ஒதுக்கீடு - தனிச்சின்னத்தில் போட்டி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக