வருமானம் பல மடங்கு உயர்ந்த எம்.எம்.ஏ., - எம்.பி.,க்கள் யார் எடுத்த நடவடிக்கை குறித்து அறிக்கை கேட்கிறது சுப்ரீம் கோர்ட்

by **ayyasamy ram** Thu Sep 07, 2017 4:41 pm

எம்.பி.,க்கள் யார் எடுத்த நடவடிக்கை குறித்து
அறிக்கை கேட்கிறது சுப்ரீம் கோர்ட்

spaceplay / pause qunload | stop ffullscreenshift + ←→slower / faster
↑↓volume mmute
←→seek . seek to previous 12… 6 seek to 10%, 20% … 60%

பதவிக்கு வந்த பின், வருமானம் பல மடங்கு உயர்ந்த, எம்.எல்.ஏ., -
எம்.பி.,க்கள் யார் ; அவர்கள் மீது எடுக்கப்பட்ட நடவடிக்கை
விவரங்களை தாக்கல் செய்ய, மத்திய அரசுக்கு, உச்ச நீதிமன்றம்
உத்தரவிட்டுள்ளது.

தேர்தலில் போட்டியிடுவோர் தங்களுடைய வருமானம் குறித்த
தகவலுடன், அந்த வருவாய்க்கான ஆதாரங்களையும் தாக்கல்
செய்ய உத்தரவிடக் கோரி, 'லோக் பிரஹாரி' என்ற, அரசு சாரா
அமைப்பு, வழக்கு தொடுத்து உள்ளது.

இந்த வழக்கு, நீதிபதிகள், ஜே.சலமேஸ்வர், எஸ்.ஏ.அப்துல் நசீர்
அடங்கிய, உச்சநீதிமன்ற அமர்வின் முன், நேற்று விசாரணைக்கு
வந்தது. மத்திய அரசின் சார்பில் ஆஜரான, மூத்த வழக்கறிஞர்,
கே.ராதாகிருஷ்ணன், தனது வாதத்தின் போது கூறியதாவது:

மத்திய அரசு, நடவடிக்கைகள் மீது நம்பிக்கை கொண்டுள்ளது;
சீர்திருத்தங்களை கொண்டு வரவும் தயங்காது.
தேர்தல் கமிஷன் அளிக்கும் புகார்கள் மீது, நடவடிக்கை எடுக்க
படுகிறது. எம்.எல்.ஏ., - எம்.பி., போன்ற மக்கள் பிரதிநிதிகள்
மட்டுமின்றி, குறுகிய காலத்தில் திடீரென உயரும் வருவாய்
உள்ளவர்கள் குறித்து, விசாரணை நடத்தி வருகிறோம்.
இவ்வாறு அவர் கூறினார்.

உச்ச நீதிமன்ற அமர்வு, நீதிபதிகள், கூறியதாவது:

இந்த அரசு, நடவடிக்கைகள் மீது நம்பிக்கை கொண் டுள்ளது
என்று கூறுகிறீர்கள். அப்படியானால், தேர்தல்
சீர்திருத்தங்களுக்கான சங்கம் என்ற, அரசு சாரா அமைப்பு
அளித்துள்ள அறிக்கையின் மீது, என்ன நடவடிக்கை எடுக்கப்
பட்டுள்ளது.

கடந்த, 5 ஆண்டுகளில், சொத்துமதிப்பு உயர்ந்துள்ளதாக,
பல எம்.எல்.ஏ., - எம்.பி.,க்கள், தேர்தலில் போட்டியிடும் போது,
தெரிவித்துள்ளனர்.

பார்லிமென்ட் எம்.பி.,க்களில், 113 பேரின் சொத்து மதிப்பு,
5 முதல், 10 மடங்கு வரை உயர்ந்துள்ளதாக, ஆய்வறிக்கை
கூறுகிறது. அவர்களுக்கு எங்கிருந்து வருவாய் ஆதாரம்
கிடைத்தது.சொத்து மதிப்பு பல மடங்கு உயர்ந்துள்ள, எம்.எல்.ஏ., -
எம்.பி.,க் கள் யார், யார்; அவர்களுடைய வருவாய்க்கான
ஆதாரங்கள் குறித்து என்ன விசாரணை நடத்தப்பட்டது;

அவர்கள் மீது என்ன நடவடிக்கை எடுக்கப்பட்டது என்ற,
அறிக்கையை, வரும், 12ம் தேதி தாக்கல் செய்ய வேண்டும்.

ஏதோ ஒரு அறிக்கையாக இல்லாமல், முழு விபரங்களுடன் இருக்க
வேண்டும். இவ்வாறு நீதிபதிகள் கூறியுள்ளனர். வழக்கின்
விசாரணை, வரும், 12ம் தேதிக்கு ஒத்திவைக் கப்பட்டது.
-
---------------------------------
தினமலர்

by **M.Jagadeesan** Sat Sep 09, 2017 7:06 am

எங்கள் வழிக்கு வராதவர்கள் வீட்டில் ரெய்டு நடத்துவோம் ; கட்டுக்கட்டாக கரன்சிகளைக் கைப்பற்றுவோம் ; தங்க பிஸ்கட்டுகளைக் கைப்பற்றுவோம் ; முறைகேடாக சொத்துசேர்த்த ஆவணங்களைக் கைப்பற்றுவோம் . விசாரணை நடத்துவோம் .

எங்கள் வழிக்கு வந்துவிட்டால் எந்த நடவடிக்கையும் இல்லை ! இதுதான் இன்றைய BJP .